فطنة الزعرة الله ارحم والديك تواصلي معايا البنات الي قدرات تخليها تواصل معاا والله كنشوف غير الموت قدامي

السلام عليكم البنات ولا اليوم فطنة شافت رسالتي نجي فينما كنتي راه والله ولات تبان ليا غير موت دخلت لداك منتدى وعطا نئ سميت هذا مجمع الخير شدو بيدي اوعاونوني بغيت ربي اسهل ليكم الله أفرجها عليكم ويسر ليكم الأمور ختي فاطنة بغيت نتواصل معاك الله استرك

حبيبه الله يفرجها عليك حكي و لبنات يعاونوك راه كلهم بنات الخير

انا كنت خدامة فواحد باتيسري عاد بادي الخدمة وكانو ما ليه جوج شركة واحد فيهم خدام معايا والثاني كايجي غير مرة مرة الي معايا بقا تابعني حتى ربطت معاه علاقة وليت بحال موتو. وكانت اول علاقة ليا هو وهو كان كيستغل الحب ديالي وكنت نبقى اثنا عشر ساعة فالعمل نخدم كالحمارة حشاكم اخواتاتي طلعت ليه محال بدراعي ولا مشهور ملي ولا عندو لفلوس تبدل وطردني حيت جات عندو وحدة المحال وخاصمت عليه وطردني خلاني بدون عمل وكان مطمعني بزواج واعطيتو كل ماعندي انا محروقة بزاف اخواتاتي دابا حتى زواج منقدرش نتزوج شرفي ضاع ليا وحياتي ضاعت وليت نفكر فالموت بغيت شي حل عافاكم

اللهم امين اختي أميرة الإخلاص ياربي الله استرك اختي

اللهم امين الله اختي راني حرت شنو ندير اختي والله داقت بيا الدنيا مابقيت غير هنا نقلب الي يشد بيدي اختي أميرة الله أنورك وسمحيلي مازال متنعرف نجاوبك على رد ديالك

مسكينه بقيتي فيا حبيبتي كتري من الإستغفار وطلبي ربي ياخد ليك حقك ربي كبير وماشي نهاية العالم شحال من وحده دازت بنفس تجربه وربي فرجها عليها وتزوجات ودارت لوالاد 
وبعدي فكره الانتحار واش بغيتي تعدبي فقبرك  لاحول ولا قوة إلا بالله 
ختي الحياه تستمر وهاد المحنه دابا تجاوزها وترجع غي تعاويد 
ماتخليش شيطان يلعب بك فلحظه الضعف 
وهداك خينا دابا تلاليه  ربي يمهل ولا يهمل

ياك لاباس حبيبتي ةخلعتيني غليك 
كلناﻻيد وحدة باش نساعدوك

حبيبتي عاد قريت موضوعك و دبا غنجاوبك و نهضر معاك بحال اختي

الله ستار اختي شوفي رجعي لله و هزي كفوفك ليه و حنا كلنا نساعدوك ماتخافي من حتى حاجة مادام ربي يكون معاك والله حتى بقيتي فيا

تنفسي بشوي عليك حاسة بيك خايفة و مرتبكة و مقلقة تنفسي بشوية باش تقدري تفكري
ممكن نعرف شحال فعمرك؟

قصتك  بحال قصة كاع لبنات لي نية و و دارت ببهم وللاسفرفهد زمان مكاين غير تقب و هرب و اي ديب لقى فريسة ساهلة كيضحك عليها باسم الحب 
الا هاد شخص ماشي فنصيبك و لو ضيعك فشرفك مغاديش يتزوجك غدخلي فدوامة السحر غيرجع معاك و يقضي تاني  غرضو و يمشي و ترجعي تسحري و برجع .......  و تبقاي هكدا فدوامة  سنوات الضياع و ضاع شرفك و غيصيع حتى وقتك 
فولي حسبي الله و نعم الوكيل فيه الف مرة بالبوم و غتشوفيه معدب بعينيك و تشفي غليلك منو 

و خجمي على راسك و جمعي لفلوس و ديري عملية البكارة و استغفري الله و الله يستر كاع لوليات  و باجن الله تتزوجي سيدو  و هدا اكبر انتقام  منو

Lah ikon m3ak

شمتة  خايبة لكن لي وقع وقع  كوني قوية و عملي العملية و متفكريش  تنهي حياتك وتعالجي دنب لدنب اكبر منو 
دبا ربي يبينىليك فيه العلامة  و نتي  تتزوجي و هو يبقى يضور لور لور

يسلم فمك فطونة

السلام اختي الطيبة
اللي وقع وقع صافي وانت ماشي اول ولا آخر وحدة وقع معها ها كذا بيدك تحطي حل لهاد الشئ نساي هذاك الميكروب خريج تخدمي انت بذراعك وخديت درس يعني مستقبلا حتى ولد المرأة ماخاصو يعرفك باش محزمة إلى فكرتي ترجعي هذاك الميكروب بالسحر غادا تدخلي فدوامة عمرك ماتخرجي منها الي مايجيبو حب ماتجيبو حزارة السحر غادي يدخلك فمتاهات انت فغنى عنها استغفري ربك فعينه لا تنام ولابد ياخد الحق فالظالم متكونيش ضحكة ويشمت فيك كوني لالة ومولاتي كاين بزاااف الطرق باش تبثي وجودك وشخصيتك أما السحر كي بقى سحر ولا يفلح الساحر من حيث أتى والله معاك الزين الله يسهل امرك و يعوضك خير

قلة الايمان هي لي تخليك تقولي الانتحار و تفكري في الانتحار
قدامك طريق وحدة...لا غير
التوبة و الاستغفار..بيه باش غادي يرزق الله من حيت لا تحتسبين..بيه و بالتقوى و العودة لطريق الله باش غادي يجعل ليك الله مخرج.
الانتحار ماشي حل..بل الهلاك الاعظم..
السحر غادي تبعدي بزاف على طريق الله و غادي يكثرو عليك المشاكل
محدك كتكثري فالذنوب و المعاصي و لمشاكل كتزاد
و حتى العملية الى عملتيها و خدعتي لي تزوجي بيه..عمرك تشفي سعادة في حياتك..و حدار من لواء الغدر تجي حاملاه يوم القيامة..
انا كنشوف انك مقصرة في الجانب الديني..و ربما هادي فرصة باش تراجعي حساباتك..
و راه رضا الله و الفوز بالجنة هما اعظم غاية و منال
ماشي الفوز براجل
و استسمح على قساوة رأيي و تقبلي مروري
الله يشرح صدرك و ييسر امرك و يفرج كربك

حنا معاك و غانساعدوك تجاوزي هاد المحنة

الله ارحم ليكم الولدين البنات كاملين ميفما وقفتو معايا الله أجيب من أوقف عليكم بالعكس راني الحمد لله متعلقة بالله سبحانه ولتكن راه داخت بيت الارض وانا الحر ديال الانتقام راه فقلبي كتكلني النار ديالو وأليل كامل وانا غير كنصلي خاطري تقبض عليا انا مابغاش تسحر ليه انا باغا نشوف راسي كلشي ولا يتقلب عليا لا رواج لا خدامي لا صحاب معرفتش هادشي واش من عند الله ولا العبد سني 23 سنة وانا والله منعست اخواتاتي بقيت كندعي أدير ليا تاوين الخير