حبيبي ظابط موساد.

18 احببت ظابط موساد
رحيلك..يا حبيبب قد سقانا..مرائر فرقة اضحت شراب
بعدك ماعلمنا كيف نصبر لآن الصبر اوله عذاب
فكيف نكذب اليوم بأمس..وانت تنام في جوف التراب
هانا واقفة انا بنوتي كنسقيو الزرع.. فالحديقة هاد الحاجه كانت عزيزة علا حسام... وكان كيدوز وقت طويل مع هاذ الشتلات.. وانا كنتفكر.. دمعات.. عينيا...حتا عيطات عليا الخادمة بلي برين ومروان..باش نتغذا...اه مروان عاود مسكين جا فرط فخدمتو وكل مرة غادي حاي...هاد المرة جاب حوايج وهدايا من دارنا...ماماتي مسكينة عند بالها عاد كنتوحم سيفطاتلي بزاف ديال الحلويات والاكلات المغربيه لي توحشتها...
بيرين: كلي ابنتي خصك تنتبهي لنظامك الغذائي اكثر راكي ماشي بوحدك
مروان: اه معقولة
انا':،لا غبصحة غنمشي نسخن شي رغايف معمرين سيفطاتهم ماما...
مروان': بعصبيه.. كلي الاكل الصحي بعدا ماشي الذهنيات علا الجوع... ولا والله منقولك الخبر لي انا جايك علا قبلو
انا: بفضول..كيفاش قول واغاقول احمباك غناكل والله تا ناكل
مروان: باغي نتزوج
انا: مروان هضرنا فهاد الموضوع ..وجيت نوض وشدني نجلس
مروان: هههه جلسي ونتي شكون داها فك.. انا باغيك تمشي معايا نخطب
انا: بفرحة..بصح فين هي وشكون هي.. قول عافاك قول
مروان: هههه غي بشوية عليك...غنمشيو لبرلين ولعروسة راكي كتعرفيها صاحبتك
: مسخووط..ضربتي للحديد فطريق المطار..وهو كيفور.عهههه
مروان:،هههه كنا غي اصذقاء علا واقع التواصل الاجتماعي.. الصراحة هي لبنت الوحيدة لي كنعرف..وملتزمة وبنت الناس هي لي تربيلي ولادي احسن تربيه.. ويكفي انها صاحبة ختي.. وكيجرلي فحناكي
انا': ولااذ الحرام كاع مقلتوهاليا
مروان: نفاجاه مفاجاه...المهم..وجدي راسك.. غدا عندنا سفر طويل..انا انتصل نحجز. باش ندي ختي تخطب ليا
انا : ههههه حزرني ولا نفركش بك التزويجه.. عاتكة واهلها كيتيقو فيا..لي قلت عليك يتيقوني
مروان:، لا لا هالعار..لي بغيتي نشريه لك.. ونجيبولك
انا:، ايوا هكداك...اتعدل...نوض نوض بعدا سخن الرغايف...وصاوب شي كاس داتاي
مروان: نايض بقدو بقامتو..كبنفخ..واخا عقلي هاهي عندك.. حتا تبغي تزوجي ونديرلك انا عكسنا دخل للكوزينه
انا: هضرتو قلبات عليا المواجع فكراتني فالحب والعسل لي كنت عايشاه مع حسام.. استآذنت من بيرين.. ودخلت لبيتي ...وعينيا عامرين دموع...توحشتو بزاف.. وصعييب صعييب نعيش بلا بيه.. او نتاقلم.. رغم انو خلالي طرف منو..ولكن ليس.. كوجوده... وليس الوجود كالعدم
اتصلت بالدكتورة...واستشرتها هل يمكن لي السفر علا متن الطائرة فوضعي...وسمحات لي...دخلت ننعس مور مامشا مروان للاوتيل...وبيرين دخلات لدارها...متكية ففراشي حتا كنسمع باب الدار كيتفتح.... بقيت متبعة الصوت لي كيتسمع مرة ونرة كيغبر...كنسرط فريقي مخبية... وجهي..تحت الغطا...تفتح الباب ديال البيت....شخص.. قرب بخطوات ثابثة لفراشي...انا تجمدت...ماتت كل حواسي معدا السمع..والقلب لي بغا يخرج من محلو...قرب بزاف...وعاود خرج بعد....اويلي يكون زعما شبح. حسام...لا لا ميمكنش هدا شخص ملموس حسيت بانفاسو...خرج وسد الباب....اويلي علا شفار شخال ضريف.. خلا البيت لي فيه كلشي ومعرفت فين مشا...استجمعت قوايي..وتشجعت... ونضت لبست بينواري...وغادة حفيانه وكريشتي سابقاني بحال شي قنبولة... هزيت شبشبتي فايدي...سلاح الفتيات الفتاك...ايوا.. جرينا عل الشفار بكري...كنتمشا..بشوية..كنقلب علا مصدر الصوت..كان الظلام...والصمت التام...هبطت للتحت بحذر...كيبانلي ضو خافت فغرفة المكتب ديال..حسام والباب مرذوذ غي شوية...قربت كان الصمت دخلت عويناتي مكان حد...السرجم لي مفتوح.. والبرذ كلعب بالستائر...وضو اباجو...كيتزعزع...مرة يطفا مرة يشعل منظر ركب فيا الخوف...وكاع افلام وقصص الاشباح والارواخ الشريرة واش استحضرتها....سميت الله وقريت قران..استعذت بالله.. من نفخ وهمزات ووسوشات الشياطين.. دفت الباب... كان كلشي فبلاصتو والمكتب خاوي....دخلت نسد الشرجم... حتا طوقاتني ايد...من كرشي وايد سدات ليا فمي...
خنق انفاسي بيديه الكبار.... وجرني جلسني فوق الكرسي. ..بجهد..حتا حسيت ببنتي تجمعات فكرشي..تلوات بالالم الي حسيت بيه اكيد حتا هي حسات بيه...كنبكي انا: حرام عليه واشنو درنا لك وفاش اذيناك انت كنتي اعز شخص عندو كيفضلك علا كلشي.. هدي هي الامانه تتعدا علا مرتو وبنتو
هو: سسكتي سكتي عليا كلامك كيوترني.. اش داك تفيقي لاش فقتي انا بغيت غي ناخد الملفات ونخرج...مكنتش باغي ناذيك...نهز لي بغيت.. بلا حس...ولكن نتي لي قلبتي عليا..وخصني نمحي اثر..وجودي.. هنا
انا: عافاك عافاك لل...بنتي مازال حتا مشفتهاش..خلينا انا نعطيك لي بغيتي ومنقولها لحد
هو: سسرفقني وحط المسدس علا راسي...انا: كنبكي...كنحاول نوصل ايدي لي مكتفين مع الكرسي لكريشتي: متخافيش ابنتي هانا مام ووغنمشو عند بابا.. هابابا كيتسنانا متخافيش.. غنضت عينيا...وبديت كنتخايل حسام انو جاي ينقذنا.. كيف مولف يدير...كنتسنا الرصاصة تخترق جمجمني.. وانا فعز تخيلاتي

حسام: خذرتك المرة لي فاتت متعاودش تحط عليها الايد ليوم غنصفيها لك غنقطعك طراف طراف. ومكاينش لي ياخد فك العزا.. كيما كان الحال انا ميت نيت قدام القانون
حليت عيني من لهفتي وشوقي للصوت لي سمعت فمخيلتي...توحشتو جسمي تنفض وقلبي تهز من بلاصتو..
كان هو واقف قدامي...بسروال جينز..وتيشرت فالاسود.. مع كويرة. وكاسكيط هابطة علا وجهو...شاد مسدس...رؤووف فيادو.. اما رؤوف طايح.الارض وفمو عامر دم
رؤووف: هههه كنت عارف كنت عارفك خي داكشي عللش جيت تقلب علا ملف تفاصيل المهمة
حسام ': تفو علك كلب مسخ...عارفك عارفك انت لي بلغتي شالوت اني فدارو فالمانيا.. وعارفك بلي انت لي بلغتي..الموساد اني فتل ابيب مور ماتصلت مرتي بيك..تسول عليا...وانت لي...فضحتي مخططنا...وقلتي بلي..ذافيد ميت...واخا هو كان مغيكتاشفوش... توقف قلبو غير بعد 12 ساعة من مرور المادة فجسده يعني نكون انا وصلت لتركيا...وانت لي عطيتيهم اقتراح يطيحو الطيارة.. حيوان....غدار...طاح عليه بالعصا والضرب...ومعرفتش اش وقع لي.. تدهشت تصدمت معرفتش واش بصح ولا رؤوف لي عطاني شي دقة دوخاتني عل القبلة وليت نشوف الموتى...ضرني راسي حسيت بالصداع غيشتت راسي...خصوصا..غواتهم ومضاربتهم...وفقدت وعيي
حليت عينيا.. لقيت راسي...فالبيت ...وشي حاجة ثقيلة فوق صدري خانقة انفاسي...كان هو والله حتا حي.. معنقني... حط ايدو علا كرشي...غوت غوتة وحدة ناض قافز... قرب باش يعنقني
حسام': توحشتك.. توحشت نعنقك ونشم ريحتك
انا: انت اكبر كذااب شفتو فحياتي.. علاش عيشتيني فهاد العذاب.. كتخليني كنموت الف الف مرة فالدقيقة وانت مامعاياش...واثمخليني مسؤولة علا روح بوحدي.. علاش هدشي كامل.. علا النجاح.. والاوسمة.. والتحفيزات.. والجوايز...ملعون هاد النجاح لي يخليك تعذب الناس لي يبغوك هكذا
حسام: دموعو معرين وجهو....ابدا هدشي مكانش ساهل هدشي كلو درتو باش نحميك... نتي وبنتي...ومكنتش بعيد عليك سنعيني بعدا شوفي شنو داز عليا وحكمي باش مابغيتي
انا: شنو ماقلتي مغيبررش النار لي خليتيني عايشاها...ثوصل بيا العداب اني كنت كنبقا النهار كامل فوق قبرك... حتا كيجيو يجروني فحال الهبيلة..فين كنتي وانا كنتعدب..حسام: انا انا كنت كملت المهمة بنجاح...وفت مرحلة المواجهة والخطر لكن شي رؤوف وشا بيا.. وشدوني فالحدود....تعذبت بزاف...واخا كنت مهيئ لداكشي.. بالحقنات لي كنت كناخد والاقراص ولكن هوما عذابهم بوحذو كيخلوك تتمنا الموت الاف الاف المرات...المهم ملي فقدو مني الامل...قررو انهم يديروني صفقة باش يتسلمو دافيد لي رؤوف مرة اخرا هو لي خانا وقالهم انا لي كنت مسؤول علا اختفاءوو..
وحنا فالطيارة.. راجع وكلي فرحة غنشوفك من جديد.. الخاين غدرنا مرة جديدة وكان الثمن انو تقصفات طيارتنا....بذكاء من الربان.. اعلن فالردار لي هما كيتجسسو عليه انه فقد السيطرة.. وانا الطائرة ستسقط...كان هو قدر يهبطنا.. غي بمحرك واحد لان لاخر كان متضرر..بفعل القصف...هبطنا والادارة دارت بلاغ رسمي بموت الناس لي كانو معايا وباسماءنا. باش تحمينا وتحمي عائلاتنا من الانتقام....ملي وصلونا لتركيا.. مكنتش باغيك تتعدبي وتشوفيني فديك الحالة..كنت متشلل تقريبا لانو جاني فسل فالغضلات بفعل الحقن لي كانو كيعطوني باش نفقذ رشذي ونعترف... وممكنتش باغي نبان حتا نعرفو شكون الخائن...ومرجعت لطبيعتي غير قبل ايام تعذبت بزاف فالعلاج والترويض لي كان مولم جسديا ومرهق نفسيا..ما رجعت لانقرة حتال للبارح.. واول حاجه درتها هي اني..جيت نشوفك...واخا غي مت بعيد..كنتي خارجة تبعتك شفتك مشيتي لطبيبة..وموراها مشيتي للقبر لي عليه الشاهدة لي كتحمل اسمي وسمعت كلامك مع طفلتي لي معرفت بيها غير..نلي شفتك....البارح وشفت كريشتك الادارة ماقالولي والو خايفيني نتهور ونبان ونفسد الوضع وتضيع الخطة.... ثاترت بكلامك... كنت جاي باليل مور ماخرج مروان وبيرين من عندك...نعاودلك شنو بيا.. ونضمك لصدري ونشبع منك... ولكن لقيت الخطر قريب ليك تدخلت قبل من الناس لي كنت حاط باش يراقبوك ويحموك...هوما داو...رؤوف يتربا....وانا جبت دكتور طمني علا وضعك وعلا وضع بنتي
.انا دورت وجهي للحيط باش منضعفش
هو باس راسي وايدي.. وخرج وصل عند الباب..حسام: الا كنتي مولفة اني ميت..وباغاني نبقا ميت. اعتبريني مجيتش. .وانت كنواعدك غنحقق امنيتك.. وغنخلي هاد الدنيا لي انتي رافضاني فيها...سد الباب. .خرجت كنجري تبعتو...هاييي وقاف... عنقتو من اللور وبديت كنشاهق انا: ولفتيها.. انا راه عييت عييت بلا بيك بقا معايا سارحني وهز عليا الحمل والمسؤولية راني تقهرت....خليني حتا انا نتفشش عليك.. عييت ندير كلشي بنفسي...دار وضمني لصدرو
حسام '؛كنواعدك احبيبتي نعوضك علا كل مافات...كنواعدك.. ندير لك نتي وبنتي كاع لي تمنيتو

19 احببت ظابط موساد
جرني من ايدي...ورجاني لسرير...
حسام: ارتاحي احبيبه
انا: شادا ذراعو بيديا بزوح.. راحتي معك انت...متعاودش ديرها وتبعد عليا
حسام: كاين لي يبعد علا روحو..عرفتي قدماتعدبت فهاد المهمة وتمرمدت...قد مافرحت ونسيت كلشي ملي لقيت هاد. المفاجاه الزوينة..بنتي حبيبتي...حاس بدنيا مقادانيش بالفرحة...انا تكي. وحطيت راسي علا قلبو كنسمع قلبو بغا يفرفر من موضعه... بقا كيعاود لي ونعاود. ليه.. طبعا من شوقنا تبادلنا القبل وا خضان وانا مازال مامتيقة انو داك لي بايتة البارح ندعي عليه..هاهو ليوم معايا وحدايا حي يرزق...زغبني الله بستو فعنقو...وانا عارفاها نقطة ضعفو..الصراحة غي نسيت...ولكن باين تعديبب الموساد مادا منو لاحق لاباطل.. لانو السيد هاج...وثار.. ونسا الدنيا ونسا حتا كريشتي لي منعات التقا جسدينا...حيذ لي الكسيوة ولاحها ولاح حوايجو.. كيبانو غير الحوايج طايرين....انقذ علا شفتاي....يلتهمهما بشهوة ونهم كبيرين...كتبين انو السيد مشتاق..والله ينجيك من المشتاق الا ذاق..نزل للعنق والصدر..تكرفس عليهم.. انا ببقد ماكنت موحشاه بقد مصدمني.. وبقيت كنفكر اش غندير مع خطبة مروان وعاتكة غدا ملي يشوفو هاد الفضيحة...خصوصا انه قالي ماباغيش يعرف حد بالامر حاليا...حيت الا تعرف حي.. مغيتاكدش من واحد الحاجه.. سايرتو..ولكن.. واحد الوقت مقدرتش...معنكشة بالمريشة....لكن هو متوقفش.. حتا كان عيا....وحتا انا غيياني... خليتو مازال متكي علا ظهرو.. كيقولي شحال توحشني...اح اشريف معا من انت وانعاااااست وشبعت نعاس...الصباح فقت قبل منو لقيتو عاود مخشي فيا. راسو فوق صدري العاري...وليدو فوق كرشي...هزيت ايدي كنلعبلو فشعرو الكثير اثولحيتو الغير مرتبة لي زادتو روجولة وحروشية اكبر...حتا صونا التلفون....تململت باش نوصلو ولكن حسام كان مكوانسيني...حتا برزطاتو رنة هاتفي...هزو. مدو ليا.. وكيطلب مني نجاوب بالاشارة..
انا؛ مروان غنقولو بلي طبيبة مسمخاتليش بالسفر باش نبقا معك
حسام: جاوبي. وسيري عادي.. ومتخافيش انا غنبقا معك بحال ديما قريب لك.. كنراقبك بدون مايعرف حد...وباس منخلي حتا حاجه تاذيك
انا: الو مروان
مروان: صباحو ختي.. كيف صبحتي وكيفها البطلة بنت البطل
انا: الحمد لله
مروان: حاولي ختي توجدي راسك قبل الظهر.. راني خديت البيي..وغندوز موراك..
انا: ان شاء الله
مروان: اه اه سلمات علك عاتكه وقاتلك كتسنا تشوفك بفارغ الصبر
نضت دوشت لبست كسيوة قصير ديال الحوامل...فالغوز...نزلت لقيت حسام دوش فالتحت لابس شورت وتيشرتوشعرو مازال فازگ طايح علا عويناتو موجد الفطور...انا كنلعبلو فشعرو...: الحمد لله لي مكايناش..ايرك..الخدامة اما كون تفضحنا...حسام: قريب قريب نرجع لمرتي وبنتي ومكاينش لي يتدخل فينا...
فطرني بزز كليت داكشي كامل لي وجد..شارجاني خصني غي..الكلاك تجي تهزني...طلع عاوني نوجد شانطتي...حط.. ليا واحد الشوميز درنوي فالكحل..انا: ههه هوولي خاص... زولو.. راه مغنتشاوفوش تماك كاين..مروان
حسام:ماشي شغلك..انا عارق شنو كندير. سد لفاليزا.. وهبطها للتحت... لقاني لبست...سولوبيط ثوب فالازرق...مع تونيكا. فالابيض.. وموكاسان بيض.. مع زيف وبوشيطا من نفس الالوان ...هو لي فكرني نحط المايكاب من بعد ماكنت نسيتو من نهار سافر
حسام: مكاين لاش تبقاي حازنة.. وانا معك.. لوني. .يالي لونتي لي حياتي...
بستو بلا شعور.. : معرفتش كيفاش درزت هاد خمس شهور بلا بيك...وانا صابرة..اني عمري نشوفك
حسام: حاط صبعو علا فمي ششش انا معكم.. دابا خلينا ننساو.
مروان كيدق..خرجنا من قبلة...انا حشمت محليت حتا عكرت...بالكرونا.. نستر ديك الزروقية وداك الفضاحة
مروان: مشرع فمو من الصدمة ملي شافني .كيهضر معايا..وكيقلب مور ضهري...ههه شك فيا.. انا استدركت الوقت نمشيو...راه تعطلنا... حط كلشي فطونوبيل..
انا: سايني سايني هنا نسيت شي حاجه.. طلعت لقيت..حسام حاط جبهتو علا السرجم من ورا الستار كيشوف فينا....عنقتو حتا خلعتو..انا: متبعدش عليا ومتعطلش..
حسام: نزلي احبيبه دابا متعيقيش..انا غنكون قرب لك مما كتصوري
حنا دابا فالاجواء فالطيارة...شداتني بولة.. الصراحة هاذي عاشر مرة واقيلة ولكن مع البالة غي كتحرك بنوتي كنحس كريشتي غطرطق.. استاذنت من مروان لي كان خاشي راسو..فمجلة..يالاه غنسد...وهي تحبسني..ايد دفعاتني فداك الطواليط الصغيور....ولينا مزاحمين بسيف بولبادر ديالي شد المساحة كامل..
انا؛ اويل الشيطان اش كادير هنا ياك خليتك فالدار
حسام: مقدرتش مقدرتش نبعد.. مغمض عينيه.. وجاي باغي يبوس قالك.
انا: كندفعو خرج غنتفضحو
حسام: هاهو غادي....ولكن راه غنبقا قريب لك كيفما قلت لك...تحنا لكريشه: باي حبيية بابا.. خليك مرتاحة ..هانا دابا معكم..خرج مور ماخطف بوسة خلاني ساهية فيه موراها... كيف دار هاد لحمق.. لقا بيي فنفس الرحلة وغي فساعة قبل متقلع.. خطير هاد الظابط...جلست كنتمنظر. كملت البولة.. وجالسة علا لاشاس. حتا تخلع مروان...وجا كيدق عاد نضت..ههه كنضحك علا بلاهتي. .رجهت.. لبلاصة وداني نعاس.. ملي وصلنا فيقني مروان.. لقيت اهل. عاتكة.. وعاتكة.. كيساينونا فالمطار...فرحو بينا ..وانا نيت توحشت صاحبتي...خارجين من المطار وانا كندور بجنابي كنقلب علا العمر....حتا فقدت المل مشفتوش.. وهو يبانلي قدامي.. مهبط الكاسكيط...نلي قربت له طلعها.. وغنزني.. وزاد بلا مينتبه لو حد.. خلاني كنبتسم كيف لهبيلة...ومشينا لدار عاتكة...دوزنا عشية زوينة هضرنا فالخطبة

كيف لهبيلة...ومشينا لدار عاتكة...دوزنا عشية زوينة هضرنا فالخطبة ومستلزماتها...ولعرس ختارو تكون غي حفلة صغيرة علا اساس اشهار الزواج هنا فالمانيا.. بحكم اهلها كامل هنا.. اما مروان خلاص معندو حد فمكاين لاش يديرو عرس فالمغرب...
مخرجنا من عندهم حتال نصاصات من الليل مشينا للوطيل لي حاجزين فيه...فتح لي مروان الغرفة ديالي لي سيفط لها فاليزتي.. ومشا لغرفته...ياالاه خيذت...الكسوة...والزيف..كنقلب علاشي بيجامة..نلوحها علا ملابسي. الداخلية حتا كنلقاه معرفت منين خرج ليا هاز داك الشوميز...حسام ': ياك قلتلك غتحتاجيه..
انا: ههه امتا كتخرجو انا بالله وبالشرع معكم
حسام: ياك دابا انا..جن. دابا تشوفي جنون اش كيذيرو.....لعبنا شوية.. انا: هييه باركة..
حسام: عافاك اخلينا نعاودو نازال مرحشك..انا: انا راه عيانة ماشي بحال من قبل..
حسام: راه مزيان فالشهور الاخيرة. باش تسهال الولادة..انا: ياك اخويا وفين عرفتي هاد شي..
حسام؛ خوك.. اجي نبرهن ليك علا الخاوة. لي بيناتنت.
ههه هبيل مطلقني حتا الصباح.. كيدق مروان وانا مخشية فحسام نستحليها...حتا كيفيق فيا..نضت بزربه هو جمع حوايجو..من الارض..وهز تلفونو دخل للدوش..انا لحت عليا الكسوة والزيف
مروان: يلاه تفطزي.. باش تخرجي معايا انا وعاتكة
انا': لا لا اافاك غير سيرو بلا بيا بغيت نرتاح
مروان': ياك ماعيانة نشوفلك الطبيب
انا': لا لا غي مشبعتش نعاس غي نرتاح نكون لاباس
مروان ؛ اوك انا نسيفط لك الفطور...حتال ليل ونجي نطل عليك.. والا حتاجيتي شي حاجه اتصلي
انا: اوك
مروان: مال فمكانا: اا.ااه.االا لا والو..زعما غي حبوب السخانه
مرورن: دابا نجيب لك معايا شي بوماد
.مشا حتا سخفني اوووووف
حسام خارج من الدوش..مييت بالضحك.. شبعت فيه ضرب وسبان..هههه ولكن دوزنا نهار زوين مع بعضنا مخرجناش من البيت وماصدعنا حد. هههه
داز الاسبوع بالنهار...كنوجد مع مروان وصاحبتي للحفلة...وباليل ..مع.حسام..واخا فالنهار فيما ندور نلقاه حدايا...شحال من خطرة كنت غنفرشو..في عطا الله هو كيتصرف بذكاء.....اليوم الحفلة لي درناها فجردة ديال الدار ديال عاتكة....قررو يلبسو لباس مغربي...هي تكشيطة فالبيض مرصعة...بالسدل لي جبتو لها كادو من تركيا بالابيض.. لي تواتا بزاف مع الطكسيطة...وماكياج اكتفت بالقليل القليل ولكن جات فننة...كانو كل العيالات مجموعين فجهة.. والرجال فجهة.. مروان بالجابادور طلع واعر....شوية..ملي كتبو شفتو انسحب... دخل للطواليت تشوشت وتبعتو... سمعتو كيبكي...حشومة عليك اخويا. والله حاثتا حشومة.. واش عرفتي شحال عانيت وعانات مرتك مور موتك...مخليها فاصعب فترة.. ومخلني فاهم نهار فحياتي
حسام': باركة اصاحبي من البكا دروك يسمعوك..ههه اولا مخليتكش وهاني جيت نبارك ليك..اما مرتي راه عاد عرفات..حتا هي... سمحوليا ولكن الظروف....اجي بعدا..انت لي كنتي باغي تزوج مرتي...مروان: طلق عافاك وغي طلق... والله ما علا شي حاجه انا بغيت غي منخليهاش بوحدها...ونربي بنت خويا..حسام: ههه عارف اخويا الحنين شكرا...مروان: من ديما كنت انا الحنين وكنتي انت الشجاع... كنفتخر بخويا البطل
حسام:حتا انا كنفتخر بخويا لكبير...خص غي نمحي اللقطة لي تخلعتي فيها ملي خرجتلك دابا من الحمام هههههمروان: واييه ههههه عرفتي شنو هي تشوف الموتى فالحمام
فتحت عليهم وهما يتجمدو..ملي شفت وجاهم مت بالضحك..مروان': عقلي عقلي فيها اشنيولة عارفة ومخبيه
حسام: انا لي قلتلها متقوليش وحتا انت عافاك..
انا: يالاه امروان كيقلبو عليك برا
صدرتو ودخلت عند زوجي حبيبي..اقبله واحضنه.. بحال شي حمقة

20احببت ظابط موساد
حسام: هههه حمقة سيري يالاه دروكويلاحظو غيابك
انا: ياك ياك كتترفع علا نامة حتا للعشية ونتفاهمو
خرجت كنتافف...معجبنيش ملي جرا عليا...خرجت لقيتهم طالقين الاندلسي.. وانا هو عدويا...موسيقى ديال الشيكي...واشمن شطيح فيه ياربي غي لي بغات توقف تمشي وتجي باش تبين تكشيطها...الا ماكان الشعبي دوز حييد ماتما شاي..المهم هزيت جلايل قفطاني....مشيت مور الجردة جلست فواحد الكرسي....حتا حسيت بشي واحد ضربني للعنقي.. غييبت مبقيتش. عقلت
حسام انتبه للغيابي وبقا كيقلب حتا بانت ليه سيارة سوداء عاد تحركات من باب العرس... نقز سور الجردة باش ميشوفو حتا واحد هز السيارة ولاحقنا... انا ملي بديت كنفيق....لقيت راسي فمقعد خلفي ديال السيارة وشخص ملثم شادني من كتافي.. ولاخر سايق...شوية كنسمع احتكاك عجلات سيارة كتحاول الملاحقة تلفت كنشوف حسام.... بديت كنغوت ونطلب منو النجدة ويسربي يعتقني كل مرة كننطق كلمة كيضربتي...الشخص غي علا الوجه وفراس حتا دوخني.... خرج راسو من السرجم وبذا كيطلق النار...شوية سمعت صوت ارتطام قويي
رجع جلس الشخص علا الكوسان بالجهالة...وقال للسائق: بالالمانية..خد راحتك تهنينا منو....محال يلقاوه...اقل من دقيقة...غتنفجر السيارة
غوتت بكيت وقاومت باش نشوف مورايا وهداك عاد مازايد كيضرب فيا درت كنشوف العافيه شعلات فالسيارة... وتبعها انفجار مدوس...غيبت موراه من هول الصدمة....كيف لا..وانا مازال كاع مافرحت بيه.. وبرجوعوومن الموت...حتا عاود مشا وبلا وداع.... هاد المرة حلييت عينيا بصعوبة لقيت راسي فغرفة ضيقة..فيها سريز صغير وقديم... وكرسي عليه فتات اكل..وباقاياه....كرشي كانت بدات كتحرقني...ولكن ماشي قد قلبي..تحل الباب..ودخل اخر شخص ممكن نتوقع نشوفو او يكون هو السبب..في لي حنا فيه
لا لشئ...شوا ظنا مني انه يقبع في غياهيب السجون الصهيونية
امين: اهلا غزالتي
انا:هئ هى هئ...حرااام عليك واش مكفاكش شنو دوزتي عليا... وشنو شفت وقاسسيت بسبابك وبسباب تطرفك الفكري
امين: اشنو شفتي ااا..دوي هضري ماتشوفيش العذاب والذل والمهانة لي شفت بسباب راجلك لي قدمني للعدو بايديه
انا: ياك قتلتيه..اش بغيتي عندي خليني نمشي فحالي
امين؛ لا لا لا.....احسن هدية ممكن تتقدم لامير الجماعة...هي زوجة الظابط لي تسبب في فشل خططو....وطبعا بنتو لي غادي تكون... قائدة..شجاعة وماكتخافش بحال باها...غير عاد المرة هاد القوة غتكون لصالحنا
انا: بعدو مني ومن بنتي حرااام عليكم
امين: بقهقهة. هههههااااا كولي كولي...قدام طريق طويلة وشاقة.. لكابول..
حل الباب وخرج...
خرج مع الباب ومعرفتش كيفاش دار حتا عاود دخل وتلاح عندي والباب مسدود....لي ضربو خلاه يخترق الباب ويهرسو....حسام: كنت عارفك كلب وغادي تجي تحوم علا داري...داكشي علاش بققيت مراقبك من بعيد..ودابا عندي سبب باش نقتلك..
امين ؛ ناض بالزربة وجبد سكين كيتفتح...وغادي قاصد حسام... لي انا مازال مامتيقاش واش مازال حي وانه هو لي واقف قدامي.. كان وجهو عامر حموم ودم وحتا حوايجو..امين': انا لي بغيت نعرف شحال عندك من روح...بداو كيتضاربو....فلحظة الموس.. تغرس فكرش امين.... طاح فالارض.. ركلو حسام ودفل عليه....موت كي الجيفة.. الحيوان...جاي لعندي. وايديه عامرين بالدم حتا خرجو صحاب امين شحال من واحد كيضربو فحسام حتاطاح علا ركابيه...وفلحظة جا الغوت من عند الله فرقة تدخل سريع تعزز موقف حسام شدات صحاب امين...حسام ناض كيعرج.... هزني نسكين بصعوبة حطني فالسيارة ومشا بسرعة كبيرة...كنت كنتلوا بالوجع. والدموع خانقني ومعمرين وجهي. ...المي عاد مغادي وكيتزاد.. لا يوصف ولا يحتمل...حسام: سايق هييه هييه خليك معايا متفقديش الوعي... حاولي متغيبيش
انا: تزاد الالم وحسيت بشي حاجة غريبة فيا حبااااااالس. حباس...نزل ودار كيجري عندي للمقعد الخلفي...لقا قفطاني البلون كاسي رجع حمر بالذم
انا: حسام عتقني دير شي حاجه.. راه كنوللللادحسام': لا كيفاش باقي باقي مديريهاش عنداك مازال شهرين
انا: الله يعطيك الموت واش لخاطري
حسام..: كيقفقف هز قفطاني غير بان ليه اثراس البنت خرج..وهو يطيح سخف...اويلي وحذي علا سيادة الظابط...ديال الخلا.. اميمتي شتو غييب... واش مات. عاود اويلي راه لي دعات بيه المرة لي غتولد كيتحقق اناريي ماتتت
حسااااااااااااااااااااااااااااااااام

الاخير: احببت ظابط موساد

دائما متميزة كل مرة كنقرا جزء

Mrc