خبزة معمرة وطايبة فالفرن

خبزة معمرة لذيذة رمضان

المقادير العجينة :

الفورص و الفينو الملح الخميرة عجينة عادية ماتكونش قاصحة
الحشوة:

اللحم هبرة مقطع قطع صغييييييرة
البصلة مشلظة رقيييييقة بزاف
التحميرة الكمون الملح البزار صافي
الربيع مقطع رقيق
الشحمة اختيارية
البيض مسلوق او حبات اللوز مصلوقين ومفسخين ومقليين


الطريقة :

كاتعجني او تخليه يخمر من بعد تقطعيه على حساب كورة كبيرة شوية او كورة صغر منها
الحشو كاتخلطي كلشي مزيان بلا ماتشحري السر ديال المدفون هو هادا كلشي كايطيب فالفران
او كاتخدي الكورات ديال العجين طلقيهوم او ديري القياس دالحشو فوق الكورة الكبيرة لي طلقتي او سرحيه فوق معا او زيدي البيض مقطع او حبات اللوز او ديري فوق منها الكورة الصغيرة لي طلقتيي او سديهوم من الجناب او خليها تخمر تاني واحد الشوية او طيبيها فالفران على عافية متوسطة او بالصحة و الراحة