الجرديني و مرات الكرايدي ج-الأخير

الفرقة لي مشات للقشلة مشى مسؤول كرايدي معهم و حتى الشرطة العسكرية .مشاو للبيرو ديال ااكرايدي مول القضية كي وقفو عليه طلبو منو باش يمشي معاهم حيت متهم فقضية قتل ديال الجرديني والخدامة و فنفس الوقت مشاو شي وحدين من هد الفرقة باش يشدو العسكري لي نفد القضية .
الكرايدي ضرب الوقفة وخنزر فالمسؤول لي جا يشدو قاليه واش عرفتي مع من كتهدر واآش كتقول رد عليه لاخور كون لي بغيتي تكون انت مجرم .بدات الهدرة كطلع والقضية كتسخن فالبيرو الكرايدي بنادم بدى كيفقد الاعصاب ديالو شوية الكرايدي جبد الفردي وهو يوجهو للمسؤول لي مريس فرقة الإعتقال .قال ليه تخرج تقود ولا نفس الزامل بوك فالبلاصة الشرطة العسكرية جبدو سلاحهم ونيشو على الكرايدي وبدى الغواط ..
- هبط السلاح ..هبطوه انتما .. قلنا لك هبط السلاح
كتاب الضبط لي برا داابيرو سمعو الغوات ناضو دخلو البيرو واحد فيهوم شاف المنظر وهو يمشي يجري عند الضباط لي فالقشلة القاضبة ترونت هزو سلاحهم وجاو كيجرو للبيرو ماعرفين اش واقع كي وصلو حتى هما نيشو على الشرطة العسكرية شي كيقول لشي هبط سلاحك الشرطة العسكرية كتقول لهم حنا كنفدو امر إعتقال الشاف ديالكم قتال ..شي بدى كيشوف فشي ...شوية الكرايدي القتال دور الفردي ودارو على راسو بزربة وطلق رصاصة الرحمة حيت عرف بلي معندو هروب ..الحمار إنتحر ..
شوية بدى كيتسمع صوت الرصاص فوسط القشلة الغروب لي مشى يعتقل العسكري المخنزر بغى يهرب ليهم وحتى دوك الاربعة لي دا معاه شافو المنظر وتدهشروا تحابهم واش تورقوا هزوا سلاحهوم وطلقو على واحد الجندارم تما بدى طليق الرصاص ...ماتو تلاتة فدوك العسكرية وجوج جوندارم ..
القشلة تسدات ورجعت فيها حالة طوارئ تقريبا دازت واحد الساعة شوية كيبان لك باطيون جاية قصدى القشلة التدخل السريع وجوج هيليكوبترات كيحوموا فوق منها ...
نرجعو للفيلا الفرقة لي مشات تشبر المدام ما لقات حتى مقاومة بالعكس كي شافتهوم مولات الفعلة عرفت شنو كاين وكراات بكولشي .حكات لهم من الاول حتى الاخر ...
القشلة جابو لها كرايدي مقود لي صفى منها العسكرية لي فيهم دغل ...


فينيش

شككرا