الجرديني و مرات الكرايدي ج-11

من طرف **kamal** الخميس أبريل 07, 2016 3:45 am

..الجوندرام والضابطة القضائية والشرطة العلمية كلها دار خدمتو خداو تصاور قلبو محيط الجثة لقاو حوايج حميد مرمين .
قلبو السروال لقاو بزطام فيه الوراق و1500 درهم وبورطابل هدا معطى كيبين بلي دافع دالجريمة هو الإنتقام ..
هبطو الجثة ونقلوها فلامبلونص للسبيطار باش تشرح فداك الوقت مشاو شي جندرام ل لادريسا لي فلاكارط باش يشوفوا دارهوم ويقولو لهم بلي الولد راه دايم الله كي وقفو حدا الدار وقفت دورية اخرى جات من بوزنيقة حتى هي بغات حميد حيت ملي لقاو الجتة ديال الخدامة وداوها للتشريح الضابط ديال الشرطة العلمية ملي كان كيحد لها الحوايج على الجثة ملي وصل السوتيمات كي حيدهم طاحت واحد الورقة ملي قلبها لقى فيها كارط ميموار كانت خباتها الخدامة بين بزازلها على العادة ديال جدادتنا (البزول =ماريو الخزين) وملي شافو المحتوى ديالها لقاو فيديو سكس ديالو مع المدام وتعرفو عليه من خلال واحد جدارمي لي عرفو خدام عند الكرايدي وتعرف حتى على المدام ..
دارو التحريات ديالهوم وحددو التهمة لجوج دناس حميد والمدام ..
نرجعو لجدارمية لي كيحققوا فقتل حميد ملي قلبو تلفون لاقاو تلاتة إتصالات لي دخلت عندو منها رقم دالمدام وديال خوه ورقم مفيه سمية ملي تحراو على داك الرقم لاقوه ديال عسكري فالقوات الخاصة بالقشلة لي فيها الكرايدي .
الجدارمية لي كيحققوا فالقتل دحميد والاخرين لي كيحققوا فقتل الخدامة نسقو مع بعضهم ودارو فرقة واحدة باش يجمعوا التفاصيل وكل المعلومات ..
دارو إتصالات مع الريوس ديالهم حيت القضية فيها كرايدي كبير هنا تدخلت الشرطة العسكرية فالتحقيق مشات فرقة للفيلا باش تجيب المدام وفرقة اخرى مشات القشلة ..