تربيه الكلاب

هل هي ظاهره سحيه ام تقليد اعمى ام ان البشر مل البشر واتجه لرفقه الحيوانات
أكلمه لكمم

انا مهوسة بتربية الحيونات متل الكلاب و الطيور لكن مكنقلد حد غير بلية و صافي

صراحة أنا لا أحب الكلاب ،لذا أنا ضد تربية الكلاب وإدخالها إلى داخل المنزل،والجلوس مع أفراد الأسرة.فهذا أعتبره تقليد أعمى ومخالف تعاليمنا الإسلامية.تقبلي مروري أختي

حتى انا مانحلمش الكلاب وكنخاف منهم نفس الشئ بالنسبة للقطط خوفي من الحيوانات يمنعني نربيهم

الواليدة  ديابي مهووسة بالقطط و الكلاب  لدرجة كنا  في صراع  داءم معاها  لكن اشغنديرو   راها حنينة  و كيبقاو فيها  الحيوانات  
و  وحدة من القطط  ديالها راني  تعلقت بيها  بزاف  و حبتها  معايا لداري  صراحة  كتونسني  و كتفوج عليا  و  مؤدبة  
علميا  تربية حيوان  اليف فدار  كتحيد الستريس  و لكن  تربية بزاف  منهم كيتعتبر  هوس  
الحيوانات قي شوارع  كيبقاو فيا  وخصوصا  ملي كنشوف اطفال صغار تابعين  قطة بالحجر  و حالفين تيقتلوها عندنا شي اطفال  نكيفرقوش بين طوبة و قطة  اي حاجة كتحرك كيقتلوها يالطيف العنف من صغر 
ياريت الامهات يعلمو  الاطفال يحنو على الحيوان باش يتربى فيهم الحان و العطف

كنحماق على الحيونات او كانت عندي قطة ربيتها او ماتت ليا يلنسبة للكلاب حاليا عندنا 2 فدار و لفناهم معانا

الكلاب حسن من بنادم على الاقل لدرتي فيه الخير تيعقل عليه
ماشي بحال بنادم ديري فيه لخير تتعياي ويردولك شر 
عليها تنفضل نربي لكلاب  ماشي باش نقلد 
حيت تلقا فيه الحب والوفاء والحنان لمكينش فبنادم لتيبغيك غير وقت حاحتو. ...

ملكة الرومانسبة كلامك كولو صحيح شي مرات الملب تيصدق على بنادم الله يسترنا

شحال هادا العرب كانو الى كان شي انسان وفي كيقولولو انت وفي كالكلب الكلب كيتميز بالوفاء عكس البشر

ولاء نور كتب:ملكة الرومانسبة كلامك كولو صحيح شي مرات الملب تيصدق على بنادم الله يسترنا

تيصدق حسن لمررضتي تيحزن عليك.لغبتي يقلب عليك.....
فيهم المحنا بزااف والووفاء
 لدرتي فيه لخير عمرو يغدر غيبقا وفي ليك تيموت
بنادم غير يقضي حاجتو يتسيف عليك
الله يهدينا هدشي لنقول

مغربية حرة كتب:شحال هادا العرب كانو الى كان شي انسان وفي كيقولولو انت وفي كالكلب الكلب كيتميز بالوفاء عكس البشر

الكلاب فيه كلشي ...حنا لمبقا فينا وال غير سمية كخخخخخخ
تصوري واحد الكلب كان عندنا مربيه خويا ،وخويا  خدم فمدينةبعيدة 
ومتيقولناش فقاش غيجي
اقسم بالله تنهار لغيجي خويا تيبقا ناعس حدا لباب تيعيا بابا يرجعولبلاصتو متيبغيش 
فلول مفهمناهش تجا خويا عاد عرفنا
ومن تيدخل خويا لمدينة لحنا فيها تيبقا ينبح
داك نهار متنعسوش
فما نلقاوه حدا لباب تنعرفو خويا غيجي
داك لكلب عمرنا نساوه ،سرقوهلينا ولاد لحرام

سبحان الله راهم كيحسو و كيعرفو و الله حنا اللي مشات منا كاع الخصال ديال الانسان

لكلب لي كدوي عليه فحال ديالنا سبحان الله ملي يكون شي حد فينا خارج غير يقرب الدار كي بدا ينين زعما راه جاي اما الى كان شي حد مسافر يجي يجري و يتلاح فوقك و يحط مسكين ررجليه على كتافك زعما كي عنق الى شافك تبكي والله حتا كي حس بيك و يسقل و يحط راسو على رجليك مي تحركش سبحان الله عندهم واحد الوفاء خاص

ارحموا من في الارض يرحمكم من في السماء

انا عندي القطووطة وكنحماقو عليهم كلنا تا من بابا غزبزين عليه ومربييين وتيدخلووو للطواليط حاشاكوووم تيكلسوو بحالنا خخخخخخ
وتيعجبوني تا الكلاب

اظن ان الاحرى بالشخص ان يعتني باولاد طليقته افضل من اجر تربية الحيوان الاقربون اولى بالمعروف

الكلاب لا يجوز تربيتهم الا في حالة الصيد والحراسة اما غير دالك فرسولنا الكريم نهى عنه
بالنسبة ليا انا عندي طيور البادجي هادوك الملونين عندي فقفص هادي 3 سنين وهما معيا ولفتهم بزاف وخا قالو ليا حرام تحبسيهم منقدرش نتخلى عليهم ولفتهم بزاففف

مكرهت نربي كلب و لكن للاسف معنديش لوقت . يالاه كندخل من لخدمة كنبدا شغل دار تقدية ماعن تصبين تسياق اوووف عيت حتى باش نخلص الانترنيت و الله مساليت شوية يقطعوهليا 
انا مربية قطة براكا عليت لكلاب خاصهم لي يعطيهم وقت و انا عندي التزامات بزاف

بقاي تخلصي via internet بلاكارط كيشي

كان عندنا واخد لكنيش كحل مسكين كيخاف من سراقزيت والحشرات وكياكل غير ديسير ولفروي وشوكولاوالكاشير وكنسافروا بيه فطموبيل كيدوخ بحال بنادم سعي دوماج ماما مخلاتوش عطات ولاد درب خمسات دراهم قاتلهم هزوا عليا لحرام ودروه وبقينا نبكوا بلي جينا من لمدرسه وكنا كندوه عند واحد لكانيشه ديال جيران حتي يقضي لغراض ههه وبعد لمرات يبات ههه توحشته

مولات شان والهمه كتب:كان عندنا واخد لكنيش كحل مسكين كيخاف من سراقزيت والحشرات وكياكل غير ديسير ولفروي وشوكولاوالكاشير وكنسافروا بيه فطموبيل كيدوخ بحال بنادم سعي دوماج ماما مخلاتوش عطات ولاد درب خمسات دراهم قاتلهم هزوا عليا لحرام ودروه وبقينا نبكوا بلي جينا من لمدرسه وكنا كندوه عند واحد لكانيشه ديال جيران حتي يقضي لغراض ههه وبعد لمرات يبات ههه توحشته

قتلتيني بضحك هههههههههههههههههههههههههههه مهلين فيه حتة من زواج زوجتوووووه

والله القسم تربية لكنيشات ماشي بحال لكلاب مفشين ومكيبغوش ياكلو اي حاجه وبدفتر ديالو وتلقيح وكانت كتسدوا سخانه فليل وكيمرض والله الا واحد ليله بكينا عليه وديناه لطبيب وجات ماما عطات ولاد درب خمسات دراهم قاتلهوم جلوه عليا اححح شحال بكينا اصلا بلي كتكوني مخرجاه كتحضي معاه لايخطفوه حنت كيتباعو غالي

مولات شان والهمه كتب:والله القسم تربية لكنيشات ماشي بحال لكلاب مفشين ومكيبغوش ياكلو اي حاجه وبدفتر ديالو وتلقيح وكانت كتسدوا سخانه فليل وكيمرض والله الا واحد ليله بكينا عليه وديناه لطبيب وجات ماما عطات ولاد درب خمسات دراهم قاتلهوم جلوه عليا اححح شحال بكينا اصلا بلي كتكوني مخرجاه كتحضي معاه لايخطفوه حنت كيتباعو غالي

لكانيش زوين بحال لقطيطات عندي واحد القطو قمة لفشوش را الا موكلتهاش بيدي متاكلش و خاصني نبقة معنقاها حتى تنعس و اماكلة الا مكانتش لديدة و زوينة و دافية متاكلهاش و ضروري خاص نحط لها الماكلة فطبسيللها الزرق و لكن مسكينة تتقنط و كتبقى نهار و مطال كطل من البالكو مكنقدرش نخرجها حيت عمرها خرجات نخاف عليها من طموبيلات
وماما مربية كلب راه ولا قدو قداش و بوكوص و قلدة خاصنا نزوجوه و فقدنا الامل ان ماما تعطيه لشي حد لان ولفاتو بزاف و ايض صراع بينها و بين الواليد على ودو حيت ولا كيغير منو كتنوض صباح كتفطر الكلب هو لول

انا غنقلك واخد لحاجه وانت فسريه فخبارك نهار بغينا نربو لقطوط ربينا قط.كحل ولكلاب ربينا كلب كحل كلشي جا صدفه

ايلا عندكم الكوحل فدار را كيبغيو اللون لكحل
و الكوحل راهم ضريفين عكس ما يعتقد الناس
و مرزاقين
عرفتي واحد نهار الوليدة غادة فزنقة بانت ليها قطة كحلة عاد تزادت و مكيناش امها
جابتها للدار عرفتي راني ملي جيت الوكيند وشفتها تخلعت حيت ممولفاش لينا نربيو الكوحل
غوت على ماما طبعا ملقيتي غير هاد الكحلوشة تجيبيها عينيها صوفر تتخلعني
قالت لي ماما مالكي عنصرية علاش را بحال لبويض بحال لكوحل
دازت ليام مشيت ملقيتهاش سولت عيلها
قالت لي ختي جاها رزقها مبغيتوهاش و ربي سهل عليها
فين مشات
يالالة ختي دارت تصاور الكحلوشة فالفيس بوك
شافتها واحد البنت لاباس عليها لصقات عليها
جاو تالدار داوها
و هاد ناس لابااااااااااااس عليهم راها عايشة فالخنات و الفشوش
من قلت هادشي لواحد بنت لجواد
قالت لي الكوحل مرزاقين داكشي باش ناس الهاي كلاص تفضلو الكوحل
معلومة صدماتني و غيرات نضرتي