اللانتقام قصة رائعة

25: كيما هي طعنات راسها، انا نطعن راسي، منقدرش نعيش و انا حامل هاد العار على رقبتي، باغي نهني راسي ونهني هاد الحياة مني.
انا: خويا امير عفاك فكر ف والديك هما خسروا ربيع مغاديش يستحملوا يخسروك حتى انت.
امير: ومغاديش يستحملوا يعيشوا مع مجرم ، نتاهك شرف بنت بريئة و فقيرة وتسبب ف موتها.
انا: ولكن هي مازال ما ماتت، اكيد غتعيش وطلب منها سماحة وكولشي يتصبح.
امير: انا خسني نتعااااااقب سواء ماتت ولا عاشت ، خسني نتعاااااقب.
انا: واخا اخويا ، تقدر تسلم راسك لبوليس بأنك رتاكبتي جريمة الاغتصاب، ولكن عفاااااك ما تقتلش راسك اخويا، عفااااك، لمن غتخليني، راا أنا غنموت بلا بيك اخويا، را والله حتى نتبعك، واش بغيتي تسبب ف موتي و تسبب ف موت والديك، عفاك اخوياااا عفااااك رمي عليك داكشي، الموت ماشي حال، والا قتلتي راسك را ربي مغاديش يغفرليك، را حرااام، رمي عليك وخلينا ندعيو ليها بالشفاء، الا متي شكون يعاون ديك الام الفقيرة وداك الخال لي باينة فيه الفقر والنقص د الدنيا، عفاااك رمي اخويااا عليك رمي رمي.
شوية وهو امير يطلق لموس ويطيح الأرض كيبكي ب اعلى صوت عندوا، قربت عندوا وعنقتوا وانا كنبكي معاه: صافي اخويا صافي داباااا كولشي يتصلح دابا ان شاء الله.

26: امير : واخا انا نمشي نديكلاري براسي .
انا: الا صبر اخويا.
امير : كيفاش لا ، مخليتينيش نموت، واش ناوي تمنعني حنى نسلم راسي، هادشي اكيد ميكونش، انا را خسني نتعااااااقب.
انا: اه اخويا اه ولكن دابا خسنا نعاونوا العائلة ديالها ملي تفيق تولي بخير، تماك سلم راسك.
امير: انت فيك البراكة، انت وقف معاهوم انا نسلم راسي.
انا: لا اخويا لا انا مندير والوا بلا بيك، عفاك صبر حتى نعاونوهوم وتولي سامية بخير ان شاء الله تماك سلم راسك.
امير : واخااا انا نسمع عندك، ولكن راني ف اخر المطاف نسلم راسي.
انا: اه اخويا صافي تافقنا، ولكن را حتى انا نسلم راسي معاك، حيت كنت مشارك معاك ف كولشي.
أمير: الا قلتي هادشي مرة خراا نتفاهم معاك.
انا: ولكن....
امير : سكااااااات، انا لي تعديت عليها، انا لي نتحبس، هي كتعرفني اااانا، انا لي مجرم ، فهمتيييييي.
انا: صافي صافي اخويا تهدن. يا الله نمشيو ل سبيطار نشوفوا الجديد .
امير : بالنسبة ل عائلة ديالها مبغيتش اعرفوا والوا دابا باش يقبلوا منا المساعدة.
انا: اه نقولوا لهوم بلي غي بقاو فينا نعاونوهوم.

27: بقينا كنمشيو ل مستشفى عند الام والخال د سامية، قلنا ليهوم بلي تأثرنا من القصة وقررنا نعاونوهوم، اكيد فرحواا مساكن، كنا كنمشيو يوميا عندهوم، كنبقاو معاهوم نهار كامل، و كنوفروا ليهوم اي حاجة بغاوها، حتى لواحد نهار ف نص الليل الخال د سامية تاصل ب امير وقاليه بلي سامية فاقت، فرحتناااا كانت كبيرة، الحمد لله الحمد لله مماتتش، يعني متسببناش فالموت ديالها، بصح عدبناها، ودرنا ليها بزاف، ولكن ماماتتش الحمد لله.
امير: قالي خال سامية بلي تخرج هاد نهار من سبيطار، خسني نمشي عندها نعتاذر منها ومن بعد نمشي مباشرة نسلم راسي .
انا: واش كتشوف بلي فكرة صحيحة تمشي عندها، شنو الا غوتات عليك وجمعات عليك الجوقة.
امير: مكيهمش انا نمشي نعتاذر منها وحتى عندي ليها واحد الاقتراح.
انا: اي اقتراح؟
امير : من بعد نقوليك.
امير مشا ل سبيطار، كانت الدنيا خاوية، يعني ماهاها وخالها ماكانوش ف سبيطار، ودق ف الباب لي فيه سامية.
سامية: تقدر تدخل.
امير: السلام.
سامية : ( شافت فيه و حيدات عينيها و مصدرات حتى ردة فعل ).

28: امير: (وهو كيبكي) انا عارف بلي مكتحمليش تشوفيني، ومن حقك، انا انسان مجرم و وحش لي مرأفش بيك، لي وصلك الموت، ولكن انا ندمت ندم كبيييير ولا يوصف ملي عرفت بلي انت ماشي سلمى، انا كنت كندن بلي انت هي لي تسبات ف موت خويا.
سامية: بلا ما تكمل ملي قلتي لي انت خو ربيع عرفت بلي انت ضنيتي انا سلمى، حيت بزاف د المرات كانوا كيوقفوني ف الشارع و كيضربوا فيا هادوك لي لعبات عليهوم ختي، ولكن عمر حد ما وصل يدير بيا هادشي لي درتي، علاش أ أمير علاش، بغيتي تنتاقم كون جيتي ضربتيني و شبعتيني ضرب ولا قتلني من الخطرة لولا، علاش وصلتني لهاد الدرجة، بغيتك وتقت فيك و لعبتي عليا ودمرتي لي حياتي.
امير : انا ما عندي ما نقول غير كلمة سامحيني، واخا مكانستاهلش ولكن سمحيلي ، سمحيلي اختي بزااف عفاااك.
سامية: شنوو ختك؟ كتجرأ كتقولي ختي من بعد ما تعديتي عليااا، وعلاش جيتي كتعاون ف مااما وخالي ، علاش خلثتي مصاريف د العلاج، انا مابغيت والوا ملي نخرج منا نخدم نرد ليك فلوسك، ونتمنى متقولش ل ماما وخالي على لي طرا حيت انا قتليهوم تفكرت بابا و بغيت ننتاحر.
امير: انا مابغيت تردي لي والوا، ولكن بغيت نقولك بلي على حساب داكشي لي درت ليك نقدر نصلحوا عن طريق اننا نتزوجوا

29: سامية : أشنوااا
امير : نتزوجوا ونطلقوا ف نفس نهار باش نهار تبغي ديري حياتك، متلقايش مشكل حيت مشات ليك العذرية ديالك حيت غتكوني مطلقة.
سامية: واش بانليك داباااا هاكا كدير حل ا جريمتك، سيييير خرج عليااااا، انا عمرني نتزوج بواحد الوحش بحالك واخا لمدة دقيقة، منحملش الاسم ديالي يكون حدا الاسم ديالك، انتما ناس لفلوس كديروا لي بغيتوا ف لبنات لي دراوش بحالي، دعيييتك ل الله، خرج مني متوريليش وجهك، وانا عمرني عاد نفكر ندير حياتي، دمرتيييييني الله يدمرك، خرج عليااااا خرااااج.
امير : تهدني نخرج دابا نمشي نسلم راسي.
سامية: سلم راسك ولا قتلوا ، خرج علياااا خرج.
خرج امير ومشا غادي لكوميسارية باش اسلم راسوا وهنا تاصلوا بيه من الدار، قالوليه بلي باباه شدو المرض ديال ديمة، باباه كان مريض بالقلب، ومرة مرة كيشدوا كيديوه جتى ل فرنسا، امير مشا كيجري عند الدار شدوا اول طيارة لقاوها ومشاو لفرنسا، من بعد شهرين د العلاج رجعوا، وانا واخا كنت حزين على الحال د اب أمير، قلت مع راسي صافي امير غينسى امر سامية وميسلمش راسوا، حيت واخا دار ديك الجريمة ولكن دارها بدافع الانتقام لخوه لي من نهار مشا حياتهوم تعوجات، وهو ف الاصل انسان طيب وحنون، وطلب منها يصلح الامر ويديروا عقد الزواج ويطلقوا ولكن هي لي رفضات.
انا: خويااا أمير على سلامتك، وعلى سلامة باباك

30: توحشتك اخويا بزاااف.
امير : ربي خليك اخويا، هاد الشهراين كانوا صعاب علينا ولكن الحمد لله ملي كولشي داز بيخير.
انا : الحمد لله ا خويا.
امير: خويا صابر، عندك شي خبار على سامية؟
انا: مازال مانسيتي عليك؟ لا اخويا ولا خبر حيت ملي طلبات منك تخليها حتى انا بعدت.
امير: ااه، مهم انا غدا غادي نسلم راسي.
انا: اويلي اصاحبي هاد الفترة كلها مازال مانسيتي، صافي كولشي داز، وانت درتي لي قديتي عليه، مسمحتيش فيها، قتارحتي عليها الزواج مبغاتش.
امير: خويا صابر مبغيتش ناقشوا بزاف انا غدا نسلم راسي، بابا ولا بخير، اذا وصل الوقت لي نتعاقب فيه.
ف الصبح مشا امير ل أمن سلم راسوا، قال كولشي يعني القصة كولها من الاول حتى تعدا عليها، وهنا البوليس تاصلوا ب سامية باش تجي وتعطي اقوالها، وانا كنت برا كنستنى ف النتيجة.
البوليسي : السلام أنسة سامية تفضلي !
سامية : ياك لاباس ؟ علاش تاصلتوا بيا !
البوليسي: واحد الولد جا سلم راسوا على انه تعدى عليك
سامية : شكون هدا
البوليسي : سي امير تفضل ، هدا هو واش كتعرفيه؟
سامية : اه كنعرفوا .
البوليسي: فين كتعرفيه؟

31: سامية : شوف أسيدي هدا ولد الحومة ديالنا، وهو شوية و صافي فدماغو، عندوا اضطراب نفسي، وديما كيقول اشياء مكايناش، هو عمروا ما تعدا عليا غي هدرة.
امير : اش كتقولي؟ واش متأكدة من هدرتك؟ انا راني تعديت عليك و كنت سباب تفكيرك ف الانتحار، شوف ا سيدي معرفت مالها ولكن انا راني ب عقلي و انا تعديت عليها.
البوليسي: عفاك شوية د الهدوء، واش انت متأكدة أ انسة سامية ؟ واش مكاين حتى حاجة من داكشي لي قال؟
سامية: اه مكاين والوا، هادشي كدوب، وبلا ما تعاقبوه حيت كدب راه عيان شوية.
امير: اشمن اشمن عيان، انااااا (قاطعوا البوليسي)
البوليسي: سي امير، مرة خرا رد بالك كتر، عدنا مواضيع اهم ، تفضل سير لدارك.
امير : ولكن انا راني مكدااااابتش، انا راااني...
البوليسي: سي امير صافي تفضل ، سير فحالك.
خرجات سامية وجا امير كيجري تابعها، وانا مافاهم والوا، علاش طلقوا ل امير وماشدوهش.
امير وصل عند سامية وهو يشدها من دراعها : قولي لي اس درتي علاش نكرتي كولشي؟ عندك متكونيش سامية، ياك ما انت شي ختها خرى توأم، حيت هادشي عندكوم كيخربق لبنادم دماغو.
سامية: ههه لا اسي امير انا سامية لي قلتي ليها سميتك عصام، وخليتيها تبغيك، وتعديتي عليها، ومشيتي فحالك.

32: امير : إذا علاااااش نكرتي علاااااش قلتي حتى حاجة مكاينا ، انا راني بغييييت نتعاقب باش ضميري يرتاح واخا غي شوية، فهميني علاش علاش.
سامية: انا مابغيتكش دخل لحبس ، هادشي علاش.
امير: ولكن علاااش انا راني مجرم، متقوليش بلي مازال كتبغي هاد المجرم.
سامية: مشيتي بعيد انا كنت كنبغيك اما داباااا كنكرهك، انا دابا حاقدة علييييك ، كنشوف فيك وكنتفكر داكشي لي دوزتي عليااا، عمرني ننسى العذاب لي خليتيني نعيشوووو، ولا الاحساس بالنقص لي حسستيني بيه، حيت لوكان كنت لاباس عليا، وبابا مازال عايش مكنتيش تجرأ دير بيا داكشي لي درتي، منكدبش عليك عمرني بغيت شي حد كنتي اول حب فحياتي بغيتك لدرجة متصورش، كنت مستاعدة ندير اي حاجة باش نبقاو مجموعين، نهار قلتي لي درتي افلاس ماهمنيش داكشي بتااااتا ، كنتي كتهمني انت، كنت باغيك انت، ولكن صدقتي مكتسوااااش و انا داباااا كنحقد عليك حقد الدنيا كاااامل.
امير : (وهو كيبكي): اوااا ملي هاكا علاش نكرتي كولشييي علااااش، حشومة عليك رااا ملي نكرتي خليتيني نتعدب كتر، اناااا دمرتك كان خسني نتعااااااقب علاااااش خليتيهوم يخليوني نمشي علاش، مادام كتكرهيني علاااش درتي هكاك علاش .
سامية : مبغيتكش دخل لحبس لواحد السبب هو انك الأب د ولدي.

33: أمير : (كيرجف و دموعوا نازلين): كي كي كيفاش؟
سامية: كيما سمعتي انا حاملة بولدك، و هادي اسبوع باش عرفت، فكرت نقتل راسي حيت حاملة من مجرم، فكرت ندير اجهاض حيت غيبقا يفكرني ف لي درتي ليا، ولكن الله هداني ل طريق، وفهمت بلي هو بريئ وما عندو حتى دخل، كنت باغا نقلب عليك نقولهالك، ماشي حبا فيك، انما الله مكيبغيش لمرا لي تخبي شنو خلق ليها الله ف الرحم ديالها، وحيت بغيت ولدي ملي يكبر يعرف شكون هو باباه، وميتحرمش منوا، حيت انا عارفة احساس الحرمان من الأب، و هادشي لي خلاني مبغيتكش دخل لحبس، مبغيتش ولدي يعرف باباه مجرم، يعرف بلي هو نتيجة عمل وحشي داروا باباه. وسبق ليك طلبتي نتزوجوا ونطلقوا انا رفضت حيت مكنتش ناوية هادشي يطرا، ولكن دابا انا حاملة وهاد الولد خسوا تمنحوا الاسم ديالك، الاسم لي مكنحملوش ولكن ربي كتاب عليا هادشي، وولدي بغيتوا يكبر بالوثائق ديالوا والقانون ديالو مبغيتوش يكبر على انه ولد حرام، و حتى ماما وخالي معارفين والوا ، خفت نهار يعرفوا طرا ليهوم شي حاجة حيت اكيد يفهموني غلاط، لهذا بغيت نتزوجوا و بعدها بفترة قصيرة نطلقوا ، وهكاك واخا عرفوني حاملة يكون داكشي عادي، و هادشي خسوا يوقع بسرعة قبل ما يبان عليا، اما الا رفضتي و هادشي متوقع ف انا غنلقا حل لراسي ولكن اكيد ماشي على حساب ولدي، انا عمرني نفرط فيه. مهم ها نمرتي نستنا جوابك. و مازال كنسول راسي شنو درت حتى سلط عليا الله واحد بحالك،

34: وأنه نبقى حياتي كاملة نسمع سميتك ونشوفك مادام انت اب د ولدي، ولكن انا نصبر ونتحمل كولشي مهم ولدي يكبر عادي بحالوا بحال الأطفال د العالم.
سامية كملات هدرتها ومشات، وحنا بقينا كي الصنم ف بلاصتنا، اوييلي فين وصلنا، المسألة ولات معقدة كتر ، سامية حاملة بولد أمير، كيفاش مفكرش فهادشي، كيفاش وقع فهاد الخطء. امير ركب ف سيارتوا ومشيت تابعوا، حتى وصلنا لواحد البحر، نزلنا ومشا جالس كيشوف ف الأمواج.
انا: امير، شنو دير دابا ؟
امير : هداك ولدي، اكيد ما نعتارف بيه، ونعطيه سميتي !
انا : واش تزوجها ؟
امير : اكيد، مابغيت حتى حد يقول على ولدي بأنه غير شرعي، ولا جا من علاقة اغتصاب، بقيت هادشي يبقا بيناتنا، نتزوجوا و من بعد نتفارقوا.
امير تاصل ب سامية و خبرها بلي موافق، خبر عائلتوا بلي تعرف على وحدا بغا يديها، فرحواا ليه حيت اكيد غيفرحوا من بعد ما حزنوا بزاف على ربيع، سامية قالت لخالها و ماماها بلي امير باغي يخطبها، ملي سولوها على عصام، مقالتش ليهوم ابدا بلي عصام وأمير شخص واحد، قاتليهوم بلي عصام مشا، وبلي دابا باغا امير. مهم العائلات تعرفوا على بعضياتهوم وتافقوا زواج اكون من بعد اسبوع وامير وسامية لي بغاو هادشي باش ميبانش عليها الحمل، واكيد العائلة د سامية طلبوا مزيد من الوقت
باش اوجدوا الا ان أمير قال ليهوم بلي هو يتكلف بلعرس

35: سامية وامير تافقوا بيناتهوم يتفارقوا من بعد شهر من زواج لي غيكون غي على لوراق طبعا، انهم يقولو ل عائلة بلي متفاهموش. و الولد يبقى فحضانة سامية و أمير يبقا يزوروا و يصرف عليه.
بداو ف التحضيرات، وكان أمير كيتلاقا ب سامية باش يوجدوا داكشي لي خاص وهما أكيد غي كيمثلوا الحب والعشق أمام أفراد العائلة.
واحد نهار كانت بقات يوماين على الزواج، أمير كان جالس ف الدار، وهو يصوني تيلي ديالوا.
امير : السلام عليكم.
المتصل: وعليكم السلام ، سي امير ؟
امير: اه شكون معايا ؟
المتصل : حنا كنعيتوا ليك من المستشفى.
امير: شنوو؟ شنو وقع ؟؟
المتصل : واحد البنت دارت حادثة سير ، لقينا نمرتك عندها وكنتي اخر واحد تاصل بيها !
امير : إنا بنت؟
المتصل : سامية***
امير ناض من بلاصتوا كيجري هز سيارتوا ، وانا كنت ف الدار لتحت ملي شتوا هاكا عرفت شي حاجة واقعة مشيت تابعوووا، حتى وصل المستشفى، انا تابعوا مافاهم والو
امير مشا كيجري الاستقبال : المريضة سامية*** شنو وقع ليهااا، فيرااااهاااا ؟

36: الموظف : راها بخير ، فالغرفة 12 ، ولكن كاينة واحد الحاجة !
أمير : شنوووو هدر
الموظف: فقدات الجنين.
هنا أمير شت فيه بحال شداتوا الدوخة، مشيت كنجري شاد فيه: خويااا صبر عفااك، هذا قضاء الله وقدره ماتعرف الخير فين كاين.
دفعني ومشا طالع ف دروج كيجري، دخل الغرفة 12، شاف ف سامية لي كانت مصدومة من الحادث، هي شافت فيه نزلوا دموعها : أمييير ولدنا مشا أ امير ، مشااا.
جرى عندها وعنقها وبدااا كيبكي معاها: متبكيش عفاااك متبكيش، منقدرش نتحمل دموعك، هادا قدر الله، ربي بغااه، هو ولدنا من دمناا و اكيد قلبنا يتشواا عليه، ولكن ارادة الله فوق الجميع، عفاااك ا سامية صبري عفاااك ، دابا الله يعوضك ، انت بنت طيبة عمر الله يخيبك، غي صبري هادشي كولوا فميزان حسانتك.
شوية وهي دفعوا: بعد منييي ، بااااز مازال راك ممثل ، كدير راسك بقا فيك الحال، وانت اكيد فؤحااان فرحاااان حيت تهنيتي منوووو
امير: اش هاد الهدرة، هداااك لي مشااا را ولدي، كيفااش نفرح كيفاااش.
سامية: عفاااك خرج علياااااا، وشوف ماما مابغيت تعرف حتى حاجة من هادشي فهمتيييي حيت دابا شوية نخرج منااا

37: امير : اكييد منقوليها والوا، هي راها مشغولة ف العرس ومخسناش نديعوو ليها فرحتها.
سامية: شنوووو عرس ، إنا عرس كتهدر عليه ، شزف شوف لي كان السبب ف الزواج مشااا ، ودابااا علاقتنا سالات من هاد نهار مابغيت نشوف وجهك.
امير : ولكن كيفااااش ، ومالين الدااار ؟
سامية : منخافش عليك، انت ممثل بارع تقدر تخرج راسك من القصة بسهووولة.
امير خرج من الغرفة و كان محطم، هز سيارتوا ومشا البحر لي كيمشي عندوا ديما، وانا تابعو، حتى وصلنا ونزل ومشا يجلس ف بلاصتواا.
انا: البركة ف راسك اخويا، قاسحة بزاف، ولكن يمكن ربي بغاك تنسى لي طرا، ومتبقاش على علاقة بسامية ، حيت الولد كان غيخليكوم ديما قراب واخا تفارقتوا، وانت عمرك ماكنتي تقد تزوج شي وحدة وتبغيها، وانت كل ما شتي سامية تفكر الماضي.
امير : (وعيونو عامرين بالبكا) : وشكون قالك بغيت نبغي شي وحدة ولا نتزوج.
انا: اوا هادي سنة الحياة، اكيد قلبك يجي شي نهار ويتعلق بشي وحدة.
امير: وفيرا اخويا هاد القلب ، فيييراه
انا: كيفاش ؟
امير: خداتوا اخوياا خداااتو
انا : شكون هادي ؟
امير : وشكون من غيرها ، سامية

38:اناا : اويلي ! بصح ومن امتااا؟
امير : من نهار شفتها ف الانعاش، من نهار عرفتها بريئة، قلبي تعلق بيها، وبغيتها بزااف، مقديتش نخرج هادشي، حيت عرفت بلي حبي ليها حب تخلق ميت، ولكن نهار عرفتها حاملة فرحت بزاااف ، واخا ماكنتش كنبين فرحت بزاااف، وقلت ملي نتزوجواا نخليها تبغيني، تنسى كولشييي، و تنسى فكرة طلاق، قلت مع راسي الحب لي كانت كتحسوا من جيهتي خسني نحييه، ولكن دابااا كولشي مشاااا كوووولشي كولشي.
انا: خسك اخويا تنساها، حيت هاد الحب مجاش ف بلاصتوا.
امير: كي نديييير كي نديييير، انااا منقدرش نساها، منقدرش، انااا الا مسماحتلي غنموت ، والله حتى نديرها، ربيع تسبات ف موتو سلمى وانا غتسبب ف موتي سامية، ولكن كااااين الفرق، ربيع مات ضحية، وانا غنموت مجرم.
انا: متفكرش هاكا ا صاحبي، دابا يتصلح كولشي، وهي واخا كتقول كتكرهك، اكيد الداخل ديالها مازال كتحس من جيهتك بشي حاجة، خسها غي تشجع وترجع دوك الأحاسيس. انت خليها حتى تخرج من المستشفى وسير عندها، هي قالت هاد نهار تخرج حيت من غير فقدانها لولدها ما وقع ليها والوا، اوا ملي تعرفها مشات ل الدار سير هدر معاها.
داكشي لي دار امير من بعد ما تهدن ز دازت شي 4 د سوايع تاصل بالمستشفى وقالو ليه بلي خرجات،

39:وهناا قرر يمشي عندها ل الدار و يصارحها.
سامية: اش كدير انت هنايا؟ علاش جيتي؟ ياك ما تجصابليك مازال نتزوجوا؟ هاد الدار نساها و عمرك تعاود ترجع. يا الله براااا، لوكان عرفتك انت والله مانحل هاد الباب.
امير: سامية ، سمعي عندي عفاااك.
سامية : اوووووف برااااكا ، قتلييييك براااكا، انا عييت منك ، قتليييك براااا.
امير: حتى انت برااااكا براااكا حتى اانا راني عييييت.
سامية: الله الله ومناش عيتي بالسلامة ؟
امير : عييت ما نخبي لي عندي عيييييت.
سامية : وشنوووو عندك؟
امير : انا كنبغيك ا سامية كنمووووت عليك !
سامية : براااااا واش انت معندكش قلب ، قتليييك برااا ! واش ماكفاكش داكشي لي درتي ليااا مازال كتمثل علياا، انا يا الله كي مشا لي ولدي وقلبي محرووووق عليه، وانت بدل ما يبقا فيك ولدك ، جااااي كتمثل، يا الله برااا
امير : انا والله ماكانمثل ، انا كنحماق عليك، حاولت نخبي ونكدب راسي ، ولكن مقدييييتش، وانا كنت باغي نتزوج بيك ماشي غي على قبل ولدنا، انما حيت كنبغييييك.
سامية: اووووف قتليك برااا.
أمير: سامية عفااك، انت لي كتمثلي دابا انه مكتبغينيش ، انا عارف بلي ف الداخل ديالك حب قوي من جيهتي.
سامية: ههه اوااا راك غااالط اسي امير ، انا مكنبغيييييكش،كنكرهااااك.

ana mtab3a lm3ak akhtiii

40: امير : (ودموعو نازلين): سامية متقوليش هادشي حيت غندير حاجة خايبة فراسييي !
سامية : دير لي بغيتي مكيهمش !
امير : بصح ؟ مغتبكيش الا قتلت راسي؟
سامية: بالعكس غنفرح، حيت غنتهنى منك.
امير : واااخا اوا دابا تفرحي.
مشا امير كيجري لدوش ، هو يلقا واحد الالة حادة، حطها على عروق يدوا : واش ا سامية هادشي اخر كلام عندك، تسخي بيا نموت ؟
سامية: توكل على الله، ومتخافش انا نتاصل بعائلتك وحتى بالامن ونقل الموتى ، غي متنساش الشهادة.
امير : واخا ! سمحيلي بزاااف ا سامية، سمحيلييي ( امير تشهد وهو يبدا يقطع ف عروقو) شافت سامية ، بان ليها شوية د الدم، وهي تجري عندوا تحيدلوا داكشي من يدووو: اويلي واش تصطيييييتي، واش باغي ديرهااا بصح ، واش حماقيتيييي.
امير: واش كتبغيني؟
سامية: واش تحصابليك الامور كتحل هاكاا، واش كتلعب بحياااتك...
اميؤ : واش كتبغيني؟
سامية: باااز تحصابليك كتلعب ولا ؟ واش راك نورمال مع راسك؟
امير : واش كتبغيني؟
سامية : ألا أسيدي لاااا مكنبغيييكش، ولكن اش بغيتي دير، واش الموت بانتليك سااهلة.

41: امير : نزل وهز ديك القطعة الحادة وشاف ف سامية و عينيه غارقين ف الدموع: شووفي مادام مكتبغينيش وياااك تحاولي توقفيني، وياااك، هز الآلة وحطهاا على عروقوا، وتشهد للمرة الثانية، هاد المرة قبل ما يجرح راسوا ، لقا سامية دربات يدوا وطيحات ليه داكشي.
شاف فيها: اش بغيتي منييييي، وا خليني نموووووت ، خلينييييي!! شنو باغا مني شنووو؟
سامية: مبغيتكش تموت مبغييييتش.
امير : (كيبكي و كيرجف): حيت كتبغيني ياااك؟
سامية (كتبكي معاه ) : لا أنا مكنبغيييكش ، أنا كنموت علييك.
وهنايااا امير طاح الأرض، وبدااا كيبكي بكل قوتوا، نزلات عندوا سامية، وعنقاتواا : متبكيش متبكيش، انا راني كنحماق عليك، واخااا كنت كنحاول نبين بلي كنكرهك، واخا حاولت نكرهك، ولكن عمرني نجحت، بالعكس رغم كول شيء كان حبي ليك كيتزاد مع الأيام.
امير : (شد ف وجه سامية ): واش سمحتيلي ؟
سامية : من بزااااف هادي، اه سمحتليك، ونسيت كولشي، ومكرهتش نبقا معاك ديمااا.
امير: اكيييد عمرني نفرط فيك ولا نأذيك ، ولا نخلي شي حاجة صغيرة تخسر ليك خاطرك، غنعوض ليك كولشي ، ليك وعائلتك، كنواعدك.

42: .
" النهاااية ".

نوارة كتب:ana mtab3a lm3ak akhtiii

را انا بديتها ما سخيت نحبس حتى كملتها

قصة زوينة شكرا باتول