صايبى واحد الصابونة ودعى معايا من قلبك

بسم الله الرحمن الرحيم
صايبت واحد الصابونة وصدقات مخيرة كانو مكونات فى دار .
استعملتها للوجه ، الجسم، الاسنان، والمنطقة الحساسة .
للوجه:
انا بشرتى مختلطة الى دهنية تنعانى من حبوب السوداء مزمنة وووجهى ماصافيش ماخليت ماجربت من داخل المغرب ومن برا .ساعا هاد صابونة رحمة من الله.فى الاول كيبقى منين تنغي وجهى بيها وكنشلو كيخرج ليا بحال الوسخ لى كيخرج فى الحمام .المهم النقط السوداء تهنيت منهم والحبوب البيضاء .وطبقة الزيت اللى تتكون ديما فى الجبين وعلى الذقن فى وجهى مابقاتش وفنفس الوقت وجهى مانشفش ورطب وناعم ومجبد والله بدون مبالغة .
اللى بشرتها حساسة او عندها الحبوب ملتهب او كنف ماتغامرش وتبع مع طبيب اختصاصى راه ماكاين ما اغلى من الوجه والصحة بصفة عامة .
الاسنان :
انا كنغمس فرشاة الاسنان فى ديك صابونة حيث هى اصلا تتخرج بحال المعجون .تتخرج الاسنان نقيين وتتحسى بفمك نقى والاسنان من جهة داخلية رطبيين هدا دليل انها تتنقى الاسنان من الجير وتتقضى ايضا على ريحة الفم لان انا كناخد الثوم مقطع مع دانون بشكل يومى لغرض علاجى وكان ضرورى خصنى المسكة .لكن دبا تنهدر مع الناس بلا مانخاف .وفىى نفس الوقت ماتتخرجش على اللثة مع العلم عندى لثة جد حساسة بسب كنت عملت تبييض وخسرت الفلوس وماربحت غى العذاب .عكس الوصفات الاخريين ( الحامض والملح ) بيكاربونات الصودا الى اخره اللى تدمر اللثة والميناء .
المنطقة الحساسة :
انا كنغسل بيها المنطقة الحساسة تتحسى براسك نقية بزااف ، وتتهنيك من الافرازات الغير العادية ،لانها مطهرة حيث مصنوعة من الخزامة .وفى نفس الوقت تتقشر المنطقة الخلفية وتتبيضها حيث التراكمات تاع الجلد الميت تتعمل ريحة بسبب تراكمات الخلايا الميتة .واخا تتغسلى عادى ماتتحسيش بالنضافة .مع ملحوضة انى جد حساسة الى كانت اقل حاجة تتجينى الحكة ابسط حاجة تقد ضرنى
حذارى من استعمال الكريمات للمنطقة الحساسة فايت ليا استعملت كريم لاجل التبييض واراك للالتهابات خسرت عيطة فلوس وعاد دوك المضادات الحيوية تيهلكو صحة والمعدة.
مقادير الصابونة :