شربة فريك الجزائرية على طريقتي

من طرف **لطفك ياالله** الإثنين مايو 23, 2016 4:26 pm

السلام عليكم اليوم حبيت نحط لكم وصفة الشربة نتاع الفريك و كاين لي يسميها الحريرة لكن احنا نسموها الشربة
شربة فريك الجزائرية على طريقتي 8x8mqc

اولا المقادير
اللحم و صدر دجاج
1 بصل
1 بطاطا
3 جزر
4 طماطم و ملعقة كبيرة طماطم مصبرة
1 كوسة اي كورجيط الاخضر و اذا كاين القرع الاحمر تجي الذ
الحمص
ربطة متكونة من القصبر و الكرافس و النعناع
4 سنينات ثوم
راس الحانوت -فلفل اسود-فلفل الاحمر الحلو و الحار -القصبر المطحون-عود صغيور نتاع القرفة
زيت زيتون زيت المائدة
النعناع اليابس
الفريك
الماء
*********************************************************
طريقة التحضير
نحط زيت الزيتون ملعقة مع ملعقتين زيت المائدة + اللحم (الخروف) نقشر الخضر( الا البصل و الطماطم و 2 فصوص ثوم تطحن مع بعض) و نحطها في قدر مع اللحم نخلي الكل يتقلى على نار هادئة
نضيف الطماطم المصبرة و في الاخير التوابل طبعا الملح ملعقة كبيرة و نصف لانه الفريك راه يشرب الملح و ربطة نتاع الحشاوش(القصبر النعناع و القصبر) +
الحمص و نمرق
نخلي الخضروات تستوي
و في هذا الوقت نضع القريك حوالي كاس و نصف نتاع الشاي الصغير في الماء الدافيء
و نقطع صدر نتاع الدجاج مربعات و نقليه مع الفلفل الاسود و الثوم المجفف (دون ان يتحمر كثيرا غير يطيب يبدا ياخذ اللون الذهبي نطفي عليه)
بعدما تستوي الخضر ننزعها و نرحيها لكن الحمص لا نطحنه و كذلك ننزع ربطة الحشاوش
و نرجع الخضر للقدر و نضيف الفريك
لما يطيب الفريك نضيف 2 فصوص ثوم مدقوقين جيدا مع الدجاج المقلي و نتركه قليلا يطبخ
و في الاخير نضيف النعناع اليابس مرحي مخلط مع راس الحانوت
و القصبر الاخضر مع النعناع الاخضر مقطع و عود صغير نتاع القرفة يكون صغير
و ربع ليمونة
القوام نتاعها مثل اي شربة او حريرة ماتكونش ثقيلة بزاف

من طرف **لطفك ياالله** الإثنين مايو 23, 2016 4:33 pm

طريقتي في المناسبات لما تكون عندنا عرس او وليمة كبيرة
نحط كل االخضر في قدر دون ان نرحي اي شيء يعني البصل و الطماطم نحطهم حبوب مع الجزر و الكوسة و البطاطا
و في قدر ثاني نحط اللحم مع الحمص و الفريك
و لما تطيب الخضر نطحنها و نزيدها للحم و الفريك و الحمص اي للقدر الاخر