سيرو البرتقال والحامض خاص لعصاءر رمضان

سيرو البرتقال والحامض


مكونات وطريقة عمل السيرو

كيلو ليمون (البرتقال) نحكو القشرة الليمونية فقط بدون ما نوصلو القشرة البيضاء.
من بعد نعصرو هاداك كيلو الليمون فالعصارة
قشرة 2 حامضات محكوكين بنفس الطريقة
2 كيسان د العنبة عصير الحامض
كيلو سنيدة

في إناء نديرو القشرة الليمون، عصير الليمون، قشرة الحامض، عصير الحامض و السكر

و نخليوه يبات فالتلاجة حتى للغد مع التحراك كل سعتاين باش يدوب السكر

الغد، نطحنوه فالمولينيكس نصفيوه و نعبرو بكاس العنبة و نديروه ف بلاستيك و الى المجمد.

مع كل كاس عصير نضيفو لتر د الماء و نطحنوه مع اي فاكهة بغينا بدون إضافة السكر
جربيه ومتعكزيش راه انفعك فرمضان تيجي بحال سيرو وديما زيدي الفواكه ولتر ماء بارد عاد طحني وتفكريني ههه^-^