بيتزا طايبة فالمقلاة التقيلة

من طرف **بلقيس** الأحد مايو 08, 2016 5:21 am

البيتزا طايبة فالمقلاة الثقيلة
هاد البيتزا اقل حاجة اتقال عليها هي لذيذة هههههه غنعطيكم مقادير العجين والطريقة اما الحشو كيبقى اختياري المهم هو العجين
مكونات العجين:
نصف كيلو دقيق فورص معلقة كبيرة خميرة العجين معلقة كبيرة سكر سنيدة 3 معالق زيت الزيتون معلقة صغيرة ملح معلقة بودرة الثوم او البصل او الزعتر اختياري الا مكانش ماشي مشكيل
الطريقة
نعجنو بالماء دافىء وندلكوها مزيان وندهنوها بشوية زيت الزيتون ونغطيوها نخليوها تخمر ساعة
من بعد نطلقوها ونقسموها لكويرات نفس الحجم بالنسبة ليا نصف كيلو خرج ليا 6 دواءر العجين
نكرصوها بالسميدة رقيقة او الفينو ونطلقوها بالمدلك تكون رقيقة وفورا نطيبوها فالمقلاة ونتقبوها بالفرشيط باش متنفخش نخلوها طيب على كل جهة
انا هنا استعملت غير حشوة الطون
وسر باش تجيك نسمة لذيذة هي تاخذي كاس ديري فيه زيت العود وضريس ثوم وشوية زعتر خلطيهم مزيان وسقي بيها البيتزا كاخر مرحلة عاد عاودي ديريها فالمقلاة وغطيها باش اذوب الفرماج اولا دخليها الميكروند
ههههههه كتبت جريدة ماشي وصفة ههه^-^