وصفات للشعر مجربة لكل مشاكله

نبدا باذن الله بالوصفات الطبيعية ضد القشرة :


اولا التخلص من مشكل القشرة

القشرة مشكل مؤرق ومزعج لكن ما تبقاي مكتفة ايديك وتخلي
المشكل يتفاقم طبقي الوصفات ونساعدك بما يلي،اليك هاذ
الوصفات الطبيعية الفعالة ان شاء الله:

القشرة في الشعر الدهني

غادي تغيري الشامبوان باخر طبيعي وهو بيكاربونات الصودا
تخلطيها مع شويةالماء وبها تغسلي شعرك اولا هاذالبيكاربونات
تتخلص الشعر من الدهون بحيث تتمتص الزيوت الزايدة فيه
وتترطبو وفروةالراس ديري شوية البيكاربونات غبرة في شوية الماءودلكي به شعرك مزيااان هاذي للشعر الدهني فقط لان
البيكاربونات تتنشف الجلد اكثر لكنها جد فعالة للقضاء على
القشرة في الشعر الدهني فقط في اسبوعين تمشي
القشرة نهائيا

للشعرالدهني فيه القشرة

2 معالق خزامى مطحونة ومغربلة
معلقة صغيرة قرنفل مطحون
2 معالق ورد مطحون
بياض بيضة او جوج
معلقة زيت بلدية

تخلطي الكل مزيااان وتعمليه لشعرك مع التدليك وتخليه مدة
ساعتين ومن بعد تغسليه كالعادة الوصفة تخلصك من الدهون
والقشرة في نفس الوقت وتعطي للشعر نعومة .

للتخلص من قشرةالشعرالجاف


اول شيء دلكي فروة الراس بزيت بلدية دافيء قبل النوم وخليه
على شعرك الليل كلو وفي الصباح عملي تدليك لشعرك من الفروة
الى الاطراف من بعد خذي 2 معالق زيت بلدية مع عصير حامضة
ومعلقة الخل خلطيهم مزيان وعاودي دلكي بهم شعرك لفي على
شعرك فوطة دافية وخليها حتى تبرد من بعد واحد الساعة غسلي
شعرك بشامبوان يكون خاص بالقشرة وعصير الحامض مفيد
وغني بحيث يعتبر قابض للجلد وكذلك يقضي على القشرة من
الشعر نهائيا


للتخلص من القشرة

صفار بيضة ومعلقة
اليوغورت الطبيعي
وزيت عادية


دهني شعرك بزيت عادية وتعملي الفوطة في ماء مغلي فيه شوية
الازير الماء يكون سخون بزاف عصريها ولفي بها شعرك وتخليها
حتى تحسي بها بردات لان البخارالي فيها ديال الازيرغادي يرطب
الفروة ويخليها تخلص من الرواسب الي متكونة من القشرة من بعد تخلطي القناع ديالك وتعمليه لشعرك وتلفي عليه فيلم غذائي وتخليه
مدة ساعة ونص ثم تغسلي شعرك كالعادة وفي الاخير تعملي نقيطات
الخل في الماء الاخير الي غادي تشلي به شعرك تيعطيه لمعان
ويقبض فروة الراس .

قناع ضد القشرة وفي نفس الوقت مرطب:

معلقة كبيرة عامرة اتاي حبوب
عصير جوج حامضات ليم الاخضر
كاس كبير ماء معدني
معلقة زيت بلدية


هاذ الوصفة جد فعالة تغلي معلقة عامرة باتاي حبوب مع عصير
2 حامضات وكاس الماء طبيعي لمدة 5 دقايق من بعد ضيفي لهم
معلقة زيت بلدية وخلطي مزيااان ثم دلكي به فروة الراس وهاذ القناع يعتبر مضاد حيوي للقشرة وفي الاخير تشلي شعرك بماء فيه عصير حامضة الليم تيخلي شعرك فيه لمعة ورطب وناعم.


القشرة في الشعر الجاف :

طريف من الصبار او ما يسمى بالضركة فين تتكون الهندية تغسليها وتنقيها وتقطعيها طريفات طحنيها ضيفي لها شوية زيت بلدية و جوج معالق زيت الخروع تخلطيهم مزيااان وتعمليهم لشعرك طبعا بالدلك
على فروة الراس وتغطي شعرك بفيلم غذائي وتلفيه بفوطة وتخليها
مدة ساعتين حتى لثلاث ساعات من بعد تغسلي شعرك مزياااان القناع مرطب ومغذي وفي نفس الوقت يقضي على القشرة



الحريكة ومنافعها الكثيرة
للشعر ومنها القشرة :

هذه النبتة الغنية عن التعريف والغنية بعدة مزايا سبق لي ووضعت موضوع عنها وهذه حريكتي ببلكونتي اهتم بها ولا اقترب منها ولكن صافي ما بقاتش ديرها بيا هههههه اتمنى تجربوها رائعة للشعر
المتقصف والجاف والمكرد والمخبل تغذيه وتعطيه نعومة





تعتبر الحريكة كمضاد لقشرة الشعر بدون منازع وتترطبوو في
هذه الحالة باستعمال منقوع غادي تحضريه بخلط شوية اوراق
الحريكة وسيقانها كذلك مع نفس المقدار من الزعتر وغليهم في
الماء وخليهم حتى يطلقوا مزيان ومن بعد دلكي فروة الرأس
بهذا المنقوع باش يدخل مزيان وخليه لمدة من 4 ساعات
ومن بعد غسلي شعرك كالعادة مزيان مرة في الاسبوع .




ترقبي المزيد ان شاء الله

موضوع رايع جدا حبيبتي السلطان
ينقل لقسم الشعر

شكرا