بدون عنوان

الجزء١ راكبة فلوطو وعينيا مغرغرين بالدموع وتانشوف دارنا مورايا غادة وكاتسغار ! متنيش حيت اننتوحش الدار بالعكس انتهنا منها .. هادي سنين وانا عام على عام ذكرياتي السعيدة لي كانت عندي تما وتنأكد على "كاانت" كلها تمحات وخصوصا فهاد اربع سنين الاخيرة . بل بالعكس عوضاتها اسوأ الذكريات ! الحگرة والضلم للي مبكيني دابا ! نتطرد من دااري وشكون يجري عليا ؟ بابا. وعلاش؟ باش يخلي مرتو حبيبة القلب علا خاطرها! مقدهاش جرات على خويا وحرماتو من باه ... بل خصني نقول حرماتني انا من حنان الاخ للي كان ومزال هوا كلشي فحياتي ! من بعد موت الواليدة وانا فعمري خمس سنين هوا للي كان مهلي فيا منو ماما منو خويا . صاحبي وبابا للي وخا باقي عايش ولكن كنحسبو ميت! الضمير ديالو ماات شحاال هادي . تقول ماشي ولادو ربايبو ومفضل عليهوم . مللي ماتت الوالدة (للي متنعقلش عليها بحكم انني كنت صغيرة) وهوا تيتزوج ويطلق ماخلا حتا ماركة ماجابهاش للدار الصغيرة ولكبيرة . الزعرة والسمرة ... كلا وشكلها ومستواها . حاجة وحدة تتجمع بيناتهوم كاملين هيا انهوم متيكملوش العام تايسوسهوم باش يجيب لجديد. تيبدل لعيالات بحالي تيبدل تقاشر . حتا جات هاد اللفعة ماطلقاتوووش ياربي ماعرفت اش دارت ليه ! هادي خمس سنين وهيا مزوجاه ماكملات العام حتا كانت جرات على "اكمل" =خويا للي قلتليكوم عليه ومن بعدو تبعاتني انا من بعد ما دوزات عليا اربع سنين ديال العذاب الاليم ! ٢) طريق للمطار جاتني طوييلة بزاف ! والف فكرة وفكرة تدورلي فالراس! سي نزار (الاب ديالي) مكلفش راسو حتا يودعني. مشغول كيف العادة. هوا حاس براسو مقصرش من جيهتي راه مسيفط معايا الشيفور غادي يوصلني حتال المطار وملي نوصل لكندا غادي يتلقاني المساعد ديالو يوريني مكان الاقامة ديالي والجامعة فاش انكمل قرايتي. سيفطاتني لكندا باش نبعد عليها ويخلا ليها الجو . هاديك ماترتاح حتا تصفيها للعائلة كاملة. خويا صيفطاتو للندن وهيا بقات معا بابا فالفيلا فباريس ! شتتات العئلة كاملة ! قبل منطلع للطيارة عيطت ل اكمل نعلمو (راني ديما تنتواصل معا خويا حيت كيفما قلت ليكوم هوا كلشي فحياتي ولكن بلا خبار حتا واحد لايندمني لواليد حيت تانهدر معاه .هوا بالنسبة ليه مسخوط وانا خارجالو من الجنب تانشبه لماما على قولتو للي كانت محررة ليه عيشتو) تانهدر معا خويا والدموع فعينيا وخا تنحاول منبينش ليه ولكن حس بصوتي مقهووور اكمل: ملاكي متبكيش عافاك . قلتليك زيدي صبري عليا غير شويا نوقف على رجليا وندير باش نقد نوقف قدام الواليد ونجيبك عندي .حتا حاجة متفرقنا ديك الساعة انا: امتا يجي داك النهار . توحشتك بزاف اخويا ومبقيتش قادة نعيش بلا بيك . اربع سنين هادي ماشفتك . توحشتك تعنقني وتقولي كولشي غايكون مزيان اكمل: عافاك املاك ماتبكيش راني تنتقطع هنا ملي تنسمعك تاتبكي -المرجو من ركاب الرحلة 114 المتوجهة الى كندا الصعود على متن الطائرة الشيفور: لالة هادي الطيارة ديالك يلاه سيري متعطليش انا: امم واخا! اكمل نخليك دبا اكمل: عيطي ليا ملي توصلي متنسايش انا: ضروري . تهلا فراسك. تانيغيك اكمل: حتا انا

2وصلت لكندا فين انكمل حياتي حتا يحن قلب الواليد (هادشي الا كان عندو شي قلب ) ويسمحلي نرجع للدار. هوا مشي تيصيفطنا لبلاصة جديدة وصافي . هدا منفى بالنسبة ليا. داكشي للي دار حتا لخويا ملي مشا اربع سنين ماخلاه يرجع يحط رجلو ماشي غير فالدار ولكن ففرانسا كاملا! دبا كندا هيا السجن ديالي . ومدة الحكم حتا واحد ماعارفها. يمكن مؤبد اولا حتا يموت الجلاد ديالي. لقيت المساعد ديال بابا تايسايني فالمطار (ملي كنت صغيرة وانا تنتمنا كون كان هدا هوا الاب ديالي . سي عصام كان حنيين بزاف ومتيقصرش من جهدو. واقف على شغل بابا كامل . ومن صغري وهوا مهلي فيا . كان تيعوض حنان الاب مرا مرا ملي تيكون مسالي ) سلمت عليه وخرجنا نركبو فالسيارة فين كان تايشاينا الشيفور . الطريق كاملة وحنا ساكتين حتا وصلنا قدام واحد الدار . هبط عصام حلي لباب وقالي مرحبا بيك فدارك الجديدة. -قول سجني الجديد غير هوا سجن رااقي(وابتاسمت ابتسامة خفيفة ) من شوفات سي عصام تيخليني نحس راه عارفني علامن تانهدر وحاس بالوجع ديالي .وفيها نوع من المهدئ للي تيخليني نشعر بلا كلشي غايكون مزيان راه حدايا. دخلت للدار كان قدام الباب صالون فيه ثلاث فوتويات فالاحمر والاسود . والفضاء وااسع ماحتاجوش يعمروه باثات اكثر باش يعبر اكثر على الرقي. بيت النعاس ديالي كان فلون برتقالي هاادئ والبلاكار كان كلو زاج و... مهم مصاوب على الذوق ديالي . هادا سي عصام للي تكلف بكلشي فيه حيت عارفني شنو تنبغي بالضبط. عصام : عجباتك؟ ملاك: امم عصام : يلاه بداي تقادي حوايجك وشويا هبطي نمشيو نتعشاو برا ملاك: مافيا مايخرج طلب لينا شي عشا من برا وصافي عصام: مايكون غير خاطرك خرج من البيت وخلا ملاك هازة تيليفون تعيط لخوها تعلمو راها وصلات وتعاودلو كلشي بحال ديما تعشات هيا وعصام وقالها نمشي نبات فالفندق تال غدا وندوز عندك ملاك: بات هنا راه البيت الثاني ياك موجد كلشي علا ذوقك ؟ عصام مزادش كلمة حيت عارفها مزال حاسة بالخوف من هاد العالم الجديد ووافق ٤) هادا اول صباح لملاك فهاد المكان الجديد فين غاتكمل حياتها. فاقت بكري حيت هيا اصلا مانعساتش اليل كامل. لقات عصام تايساينها باش يخرجو . بقالو غير هاد النهار يقضي معاها فيه كلشي ويمشي بحالو غالعشية يرجع لباريس حدا باباها. (حتا هدا غادي يبعد عليها . حتا هوا خداه منها نزار بحال كل حاجة زوينة فحياتها) خرجو فطرو برا وداها تشوف الجامعة فين غاتكمل قرايتها. من احسن الجامعات فالعالم ؛كلية هندسة لي غاتكمل فيها عاماين للي بقات ليها . قلييل لي تيقدر يدخل ليها من العام الثالث نيشان ايلا ماقاناش مستحيل تنتقل ليها بهاد الطريقة ولكن مع النفوذ ديال باباها كلشي ممكن... هيا مجتهدة بزاف رغم المشاكل لي عندها حيت لقرايا تتبقا للمتنفس الوحيد ليها لي تتلاها فيه. دخلات هيا وعصام تعرفات على المدير للي كان ضروري يدير معاها مقابلة (حتا المستوى ديالها والاجتهاد ساعدوها باش تقبل بسهولة اكبر فهاد الجامعة) كملات المقابلة وقاليها المدير :جامعتنا ليها الشرف تضم تلميدة مواضبة بحالك . ونشوفوك غدا فاول حصة ليك خرجات عند عصام لي كان تيساينها باش يمشي معاها الا خصاتها شي حاجة ويوريها السيارة الجديدة ديالها. فاخر النهار ودعها عصام من بعد ما عطاها سوارت الدار . اللوطو وكلشي خاصها.اه ونسيت مقلتش ليكوم كانت وصات عصام يصيفط ليها حتا سكوتور للي كان عندها فباريس لي فالاصل كان ديال خوها وملي خوا الدار وهيا تتمشي غير بيه وملي وصلات هنا لقاتو كاين حدا السيارة . دخلات سدات عليها باب الدار او بالاحرى باب السجن ديالها غير هيا منها السجان والسجين تتسد علا راسها بيدها. ٥) ثاني صباح فهاد الجحيم: فاقت لبسات حوايجها للي كانو كلهوم كحلين . جمعات شعرها الاسود الطويل وركبات فالسكوتور ديالها وتوجهات للجامعة. وصلات دازت عند السكرتير ديال المدير هيا لي اتكلف توريها الاقسام والمواد للي اتقرا وتشرح ليها القانون الداخلي للجامعة. وصلاتها لاول حصة عندها طلبو الادن من عند البروفسور وعرفاتو عليها ومشات السكرتير . دخلات ملاك للقسم وعرفات على نفسها . سكانات الوجوه ديال الطلبة وتار انتباهها واحد كالس لور وباينة حاس براسو كان باين . اصلا القسم فيه ١٢ طالب وهوا فالقنت لوور متكي بحالي كالس فدارهوم. شاف فيها شي شوفات كون كانت شي وحدا من غيرها كون طاحت تما بقوة الزين للي فيه. ولكن ماشي ملاك للي مبقاتش تاتيق فالدراري من بعد الخيانة للي تعرضات ليها (كانت مخطوبة لواحد الولد كان زواج مصلحة . مرات باباها هيا للي جابتو وسي زياد وافق عليه حيت حتا هوا من عائلة راقية . فالاول مقبلاتش ملاك بحكم كانت مزال صغيرة ويلاه شدات الباك وكان داز عام علا فراقها معا اكمل . ولكن عطاتو فرصة لقاتو تيعاملها مزيان وبدات تيق فيه شويا بشويا حتا بدات تاتبغيه .ماكانش حب عادي ديال بنت لخطيبها بالعكس كانت تتحسبو خوها التاني قالت نعوض غياب اكمل ...مهم بلا منطول... كتاشفات فالاخير انه زير نساء وكلا مرا معا وحدة داكشي باش كان تيعرف يتعامل معاها . هيا حسبات راسها مميزة عندو ولكن بالعكس هوا كان حاسبها لعبة جديدة يتلف بيها الوقت وخصوصا هيا جاتو صعيبة شويا ماطاحتش فشبكتو دغيا .. وربي نجاها منو قبل مايوقع الفاس فالراس كتاشفات حقيقتو )

3الحصة كاملة و اياد متبع ليها العينين مدورش وجهو وهيا حاسا بيه تيشوف فيها. سلات الحصة وكلشي خارج وهيا بقات تما تتساين الحصة الجديدة . دازو من حداها ثلاتة البنات بغاو يدوروها بداو عليها فقوة الاسئلة وهيا مسوقاتش ليهوم . بقوة مادازو عليها المشاكيل تقوات الشخصية ديالها وولات تاتعرف المعدن ديال بنادم غير بالشوفة . لمهم ماعطاتهوم لا طايبة لامحروقة وهوما ماحملووش راسهوم . اما اياد فكان قدام باب القسم وتيشوف فيها بنص عين وعجباتو الطريقة باش جاوباتهوم . وهوا تيشوف فيها ولاصقين فيه شي بنات (مهم تكونو فهمتو انا نوع هوا؛ هوا الرئيس ديال القسم او بالحرى ديال كروب كبير فالجامعة وكلشي عارفو. لبنات طايحين فيه على زينو ولاطاي وعلى فلوسو . وللي مدوخهوم كتر هوا الفيراري الحمرة للي تيسوق. ملاك معبراتوش حيت فكرها فخطيبها . جاها نسخة عليه . لفلوس والبنات دايرين بيه من كل جيهة . صحابو الدراري حتا هوما من نفس الطبقة ماهامهوم والو فهاد الدنيا كلشي عندهوم) اما دوك لبنات (كايت+ اميلي+ اليس ) دايرين خبلا فالدراري. كلهوم زوينات ولباس عليهوم وحاااسين براسهوم . ودبا دارهوم راسهوم بغاو يعرفو كلشي على ملاك. تايوزنو بناد م بشحال عندو دلفلوس . عندك ريال تسوا ريال . وخاصهوم يعرفوها باش يشوفو كيفاش يتعاملو معاها. دوزات ملاك الاسبوع الاول وحتا واحد ماعارف شكون هيا ولا بنت شكون. وديما تاتمشي غير بالسكوتور ديال خوها معمرها مشات بالسيارة سبور ديالها (هيا تتعشق السرعة وسيارتها لامبورغيني الاخر موديل عمرها ممشات بها للجامعة ماشي حيت مابغاتهومش يعرفوها راها كتر منهوم فالفلوس . حيت كون عرفو كون دارو ليها الف حساب وحساب .ولكن كيف قلت قبل السكوتور تيفكرها فاكمل وتتحس براسها قريبة ليه اكتر. وزيد عليه ماتاتبغيش تعول بزاف على باباها وفلوسو للي مغرقها بيهوم . وتتقول بلا شرا ليها هاد لامبورغيني غير باش يرضي داميرو ويحس بلا راه مهلي فبنتو هادشي الا كان عندو ضمير اصلا اولا احساس. داكشي باش كانت هيا ديمة بسيطة ولفلوس للس تيصيفط ليها متتكملش حتا الثمن منهوم. تايصيفط ليها بلا قياس حيت اصلا عندو للي ميتقادا ولكن بدوك لفلوس كانت تتكوا كتر وتتحس بلا ماتاتسوا والو عند باها للي ماخسرش عليها حتا تعييطة وحدة فالتلفون يشوفها كيف عايشة . ملي وصلات ماسمعات صوتو . هيا كانت ساكنة معاه فنفس الدار وماتاتشوفو غير مرة فشهر او شهرين) ٧) دوزات الاسبوع الاول مابين الجامعة والدار متتخرش بزاف غير للضرورة وكانت كلا نهار تاتجي عندها واحد الخدامة كان وصاها سي عصام تتجمع ليها الدار وتوجد ليها الماكلة وتمشي بحالها. بدا الاسبوع التاني للي غايتغيرو فيه بزاف دلحوايج (كايت +ام +ال) غادي يبداو ينكدو عليها حياتها حيت مالقاو حتا دليل عليها شكون هيا وحيت هيا معبراتهومش ومعبرات حتا واحد تما ولا دارت معارف معاهوم باش تبقا فالتيقار .قالو لقاو لعبة جديدة فاش يتلاهاو. عندهوم 22 عام ومزال مبرهشين. بفلوسهوم اولا خاصني نقول فلوس واليديهوم تيصحابهوم يقدو يديرو مبغاو (معرفوش بلا سي نزار اب ملاك يقد يشريهوم كاملين هما وواليديهوم . بداوها بالبلاكار ديالها فالجامعة عمروه ليها بالتخربيق كتبو فيه وحطو فيه الزبل . ملي حلاتو ولقاتو فديك الحالة دارت تشوف لقاتهوم تيضحكو عرفاتهوم هما وخا كلشي كان تيضحك ولكن كيف قلت قبل ولات تتعرف بنادم غير من عينيه. مبغاتش تكبر القضية وتوصلها للادارة للي اكيد غادي ياخدو اجراءات فحقهوم خصوصا المدير للي عارفها شكون هيا.) سكتات وبدات تتجمع فداكشي وهما حسو براسهوم نتاصرو. كايت: جمعي مزيان . اصلا هاديك هيا الخدمة للي تليق ليك . عاملة نضافة. كلشي بدا تيضحك وملاك ولا تحركات فيها شعرة . جاها هادشي كامل تبرهيش ومعندهاش ليه الوقت. جا اياد وبغا يدير فيها الامير المنقد وبدا يغوت علا البنات حيت عرفهوم فعايلهوم هادوك. وهما بداو يحلفو ليه ماهما. ملاك مسوقاتش ليهوم ولا لشنو طاري تما . ماعدباتش راسها حتا دور تشوف فيهوم . كملات الجميع ودخلات للقسم. واياد تقرص كان ناويها طيح فهاد شي لي دار معاها او على الاقل تجي تشكرو. داز داك نهار كلشي تيشوف فيها غير بالجنب وناويين على خزيت. وهيا كيف العادة سلات الحصة خرجات بحالها دارت الكاسك ومشات بسرعة. داز داك الاسبوع عامر بتخربيق دلبراهش. مرا يكتبو ليها فالطبلة مرا يقلبو ليها لبلاطو فالمطعم ديال الجامعة حتا حرماتو مبقاتش تدخل تاكل تما. ماشي حيت خايفة ولكن مبقاتش حاملة تشوف فيهوم. الا مشات حتا تعصبات راه ميلومو غير راسهوم. (خوها اكمل مين كان حداها كان علمها الفنون القتالية وكاين تايديها معاه فينما مشا حتا ولات مااكاتخاف من حتا واحد. وجدها مزيان لهاد العالم . عرف غادي يجي واحد النهار ويلوحها بوحدها فهاد الغابة . كانت للي شافها يقول بريئة وماديش حتا حشرة وهيا بنت بجوج رجال . وملي خوا أكمل الدار وخانها خطيبها زادت ترجلات كتر حتا الانوثة للي كانت معروفه عليها وكان يضرب بها المثل فالاناقة حيدات كلشي وولات غير السراول والسبرديلات والشعر ديما مجموع. داكشي للي يصلاح ليها معا داك السكوتور للي ديما سايقاه)

4اياد ولا الوقت كامل وهوا تيفكر فيها. كيفاش مطاحتش فالسحر ديالو. فعينيه الزورق وبشرتو السمرا (داك سمورية معا اللون ديال عينيه تاتجلب كتر مايكون بيض) عضلاتو المرسومين. بقا دارو راسو ياكما عندها شي حبيب قلب اخر . ولكن مالو عمرو ماجا عندها. كاين شي واحد تايخلي شي بنت زوينة بحال ملاك بعيدة عليه؟ ماتايخافش علا دوك العنين العسليين الكبار؟ داك لاطاي ؟ الوجه بيض بحال الثلج؟ الشفايف المرسومين ولونهوم الوردي بلا قلم حمرة؟ كلها علا بعضها زوينة وبلا مكياج اما كون كانت تتهلافراسها كون راها تتحمق(كون شافها كيف كانت شحال هادي كون سكتلو القلب) جات حصة الرياضة فين تيبدا يبين اياد عضلاتو قدام البنات لمصافين قدامو وللي تايكونو غادي يسخفو مساكين. هوا لاعب باسكيط معروف فالجامعة . كانو تيلعبو فجيهة ولبنات تيلعبو الجيم فالجهة الاخرى . دار ما بجهدو باش علاه تحاشيهالو وهيا والو لاحياة لمن تنادي . كانت ساهية بحال ديما تتفكر فحياتها وشنو غادي دير فيها حتا سمعات سميتها . المدرب مسكين شحف وهوا تيعيط ليها جا دورها تنقز شويا راه الجيمناستيك هدا ماشي تفليا. وشافت كلشي تيضحك عليها حيت مسكين المدرب عيا يعيط وهيا والو. وهيا تنقز اميلي : مسيو ألان متديش عليها مسكينا راها غير الخلعة هاديك مابغاتش طيح وتحشم قدامنا (هما كلهوم كانو تيعرفو . هاد رياضة هيا اكثر حاجة تيبغيوها فديك الجامعة) مسكين المدرب ألان تيق راها ماتاتعرفش وبدا يشرح ليها وملاك مراهاش فهاد العالم . ألان: هانتي غير ورينا شنو تتعرفي ديري وصافي اي حاجة ومتديها فحتا واحد. وتنواعدك حتا واحد مايضحك عليك كلشي بقا واقف تايتسنا شنو غادير حتا من الدراري حبسو الماتش ديال الباسكيط وبقاو حاديينها. شي تايساينها طيح باش يضحك. وتانيين باغين يشوفو داك لاطاي كاملة واش ماتعرف دير والو واياد كل جوارحو متبعاها. هيا مسمعات حتا كلما من داكشي للي قال المدرب حيت بالها كامل معا خوها للي نهار كامل وهيا تصوني عليه متيجاوبهاش. ألان: شنو ا ملاك مغاتبدايش؟ صافي علا خاطرك الا ماتاعرفيش او ماقديتيش ماشي مشكل (دوك الساحرات بتلاتة بداو يضحكو حتى خنزر فيهوم المدرب عاد سكتو) انا عاد فقت براسي عيقت وسهيت وبديت بالتحية وقفت على رؤوس الصابع ويدي اليمنى هزيتها فالسما واليسرا هابطة ولاسقة معا جسمي. وبديت تنتشقلب وندير حركات محترفين (حيت انا اصلا من وانا عندي خمس سنين وانا تانمارس هاد الرياضة ) ملي ساليت وختمت بالتحية دوك الساحرات محملوش راسهوم اما الدراري بداو يصفرو ويصفقو حتا من اياد بقا غير حال فمو. المدرب قالي : هادشي كامل مخبياه؟ بانلي نقدم الاستقالة ونخليك دربي فبلاستي. بتاسمت وقلتلو شكرا... سالات الحصة ومشينا ندوشو . وهادوك خياتي بقاو متبعين ليا العين تقول بغاو ياكلوني. ملي ساليت التدواش وخرجت نلبس مالقيت حتا بنت تما دخلنب الشك. قلت مايمكنش انا تعطلت لهاد الدرجة وهما سالاو ومشاو وبقيت غير انا؟ قلت نلبس حوايجي ونخرج نشوف شنو كاين شويا سمعت التقرقيب بحالا مخبي شي واحد تما . يلاه بغيت نبدا نلبس حوايجي بزربة وهما يوقفو عليا جوج دراري(شنو جابهوم هنا وشكون عطاهوم الحق يدخلو مانعرف) ملاك: شنو كاديرو نتا وياه هنا خرجو برا مابانش ليكوم راه خاص بالبنات؟ قرب واحد فيهوم جيهتي وقالي: بغينا غير نشوفو هاد الزين كامل عن قرب. (انا عمري ماشفتهوم فالجامعة باينة ماشي من هنا تايبانو شماكرية وشي واحد مسيفطهوم. وكيفاش قدرو يدخلو تال هنا؟ تخلعت بزاف وبديت نغوت عليهوم) زاد قرب التاني بزااف وانا شديت الفوطة بيدي باش مطيحش وهزيت الرجل التاني جبتهالو نيشان فالكمارة طاح الارض وعود ناض بالزربة (ونااري كون كنت لابسة حوايجي ومحيراش معا هاد الفوطة لاطيح كون هلكتهوم عصا ) زاد عندي الاول شدلي يدي بغا يلصقني معا لحيط وانا نركلو برجلي لحجرو زويتو طاح الارض بقا ينوح بحال لمرا . وهوا يجعر صاحبو وضربني بكروشية طيحني عاودت نضت بقيت نضارب معاه وشادة فالفوطة شويا جبد عليا هاداك للي زويتو موس جرحني فدراعي ولسقني معا لحيط وحطولي فعنقي : ليوما ندمك الغزالة علا هادشي اياد: اش تادير نتا وياه هنا؟ (كان على برا وسمع الصداع ودخل ) هلك واحد فيهوم بالعصا والتاني حيدت ليه الموس طيحتو وبديت نركل فية فكرشو. جعرت حيت عمري حط عليا شي واحد يديه. بقيت نضرب حتا كنت غانصفيها ليه. شدني غير إياد وجرني من حداه . حيد الفيستا للي كان لابس ودارهالي فوق كتافي وجلسني فوق كرسي وعيط لصحابو يديو عليه دوك الجوج من تما حتا يتفاهم معهوم من بعد ومخلا حتا واحد يدخل با مايشوفوش ملاك فديك الحالة حتا هوا بقا علا برا باش تلبس حوايجها ويمشي معاها داوي ديك اليد . بقا واقف مدة تايساينها شويا بدا يعيط : ملاك ! مالكي تعطلتي؟ يلاه لبسي باش نديك للطبيب يشوفولك داك اليد المجروحة ملاك كانت جالسة وتاتبكي . من شحال مابكات بحال هكا . حسات بالحگرة واكتر واحد ماحملاتوش يكون هنا ويشوفها هكا هوا اياد! كيفتش تجرأو هادو وحاولو يقيصوها فشرفها ؟ مكرهاتش كون قتلاتهوم او قطعاتهوم طراف . كون ماشي هاد الفوطة كون قدداتهوم. اياد شافها ماتاتجاوبش تخلع عليها ودخل يشوف مالها. لقاها كيف خلاها جالسة ودموعها بحال الشلال. دورات وجهها باش مايشوفهاش وبدات تمسح فعينيها. اياد: ممكن نجلس حداك؟ ملاك : الصمت

5مشاو بحالهوم تايجريو. اياد: ايوا شنو درنا دبا نمشيو انا وياك ناكلو فشي بلاصة؟ ملاك: انا عاضة عليكوم كاملين حتا جاك وكريس ختارو فين بغيتو تمشيو؟ كريس: ياااي نمشيو ل كلوب club ديالنا بحال ديما اياد: فرحان للي داربك على كرشك . انا قلتليك نمشيو "انا وياك" ماشي نديو تاهاد لمساخط معانا. نقزو عليه الدراري بقاو يتعابزو معاه (هادا هوا لعب الدراري لعب ديال البنايا ههه) اياد: راكي غادي تندمي وتقولي مصاب كون ماجبتهومش. ملاك: ههههه لا محاال اندم حيت عرضتك نتا ماشي هوما هههه وصلنا لباركينج ديال الجامعة ولقينا الساحرات تيخنزرو ومافاهمين واالو كيفاش انا خارجة معا الباكس ديال القسم وتانضحك بلاصت ماخاصني نكون مشوهة دبا. اياد دار فيهوم واحد الشوفة كان غايطير عليهوم. شديتلو دراعو وقلتلو خلينا نمشيو حسن بلا منخصرو هاد لعشيا. حللي لباب ديال الفيراري نطلع حداه. وجاك وكريس ركبو فسياراتهوم. ملاك: ههههه غير ماتحاولش انا غانمشي علا سكوتور ديالي .(يلاه بغا يهدر يقنعها) وبلا ماتحاول قلتليك انمشي بوحدي. سيرو قدامي وغانتبعكوم انا. مهم وصلنا لكلوب نشطنا مزيان ولعبنا لبيار وكلينا. وجينا خارجين بغا اياد يخلص حيت مابغاش يحرج ملاك لا ميكونوش عندها لفلوس كافيين باش تخلص داكشي كامل .ماعرفهاش راها تقد تشري داك لكلوب بلي فيه ملاك: انا للي عارضة عليكوم يعني انا للي نخلص وعطات لاكارط بونكير للنادل باش يقطع. سالاو وعرض عليها اياد والدراري يوصلوها للدار ولكن رفضات وفضلات تمشي بوحدها... في الغد نضت فرحاانة (ايوا هانتونا اتبداو تنواو الحاجة الخايبة عاود . راه ماشي حيت طحت فاياد ونتوما علااا سبا . ناقصين حنان داكشي علاش هههههه بحالي. ) ناشطة حيت خرجت من القوقعة ديالي وبدلت الجوشويا . تعرفت علا ناس جداد وخا مانقدش نعطيهوم قلبي دغيا ونتيق فيهوم يوليو صحابي. ولكن حيت توحشت نبدل الجو وصافي. ١١) دخلت للقسم تحت نضرات الكره ديال مثلث بيرمودا وخا ولفتهوم والا ماشافوش فيا هكاك نحس بشي حاجة ناقصاني. دخل اياد وبحال ديما ضاروري يكونو لاصقينو لبنات. جايا معاه واحد خيتي ولايح يدو علا كتفها (هادا هوا اياد عمرو يتبدل ههه) شافني وجا عندي : صباح الخير. -صباح النور -ايوا هيا خاصنا نعاودو شي خرجة بحال ديال لبارح ولكن هاد المرة غير بوحدنا بلا مانديو دوك المساخط (عييت نغمزو ولا بغا يفهم راه كريس وراه) ماحس بالضقة منين جاتو ختا غوت:آآح (قرفدو كريس) جاك: تستاهل نتا للي باغي تمشي بلا بينا (وهبط شدلي يدي) انا عارف الزين ديالي ماتقدرش تغدر بيا وتمشي وتخليني ملاك:ههههههه عندك الصح مانقدش اياد: وافرحاانة معا راسك قلبتي عليا صحابي وتاضحكي. *الشعنونات ماحاملييينش راسهوم كون صابو يقطعوني طراف * الاستاذ دخل بابتسامة عريضة بحال ديما: واش نتوما ماغاديش ديرو عقلكوم خلاص؟ ماكايناش شي بنت ماخليتوهاش فالتيقار هههه. كلشي شد بلاصتو وبدات الحصة شويا دخلات السكرتيرة ديال المدير وجابت معاها طالب جديد. اسمر وعينيه عسليين . طويل وباينة فيه تايتريني وداير اللحية مقادة (مهم نصيحة الالقيتو شي واحد بحال هدا وتايصلي بل متسناو سيرو خطبوه نتوما راه ماشي عيب ههه) . لبنات بحال ديما بقاو حالين فيه فمهوم وانا مامسوقاش بحال المعتاد والدراري تيفكرو شنو يديرو واش يطلعوها عليه ولا يدخلوه لكليكا !؟ عرف علا نفسوباسم فراس. ودخل خدا بلاصتو. دازت الحصة عادي ومن بعد مشينا للريسطو للي فالجامعة نتغداو. جاو هجمو عليا الدراري قالك يتغداو معايا . ملي جلسو وحنا نضحكو ماتايسكتووش من الهدرا . واياد تايسكت فيهوم مكرهش يبقا يهدر غير هوا ويبعدهوم علا ملاك. وفراس جالس فطبلة بوحدو شويا ضارو بيه مثلث الموت وحنا حاضيينهوم وتانضحكو. كمل ماكلتو وناض من حداهوم بلا مايشوف فيهوم. قمعة ثلاثية الابعاد. ا

داز عندي هاد الاسبوع مغاير بزاف . من شحال مكنتش فرحانة بحال هكا. كل نهار ناشطة وفرحانة معا الكليكا الجديدة. حماق بزااف هاد الدراري ولكن ضريفين . حتا تتقرب ليهوم اكتر عاد تاتعرفهوم على حقيقتهوم . مكرهتش هاد السعادة طول وحتا أكمل كلما نهدر معاه تايحس بيا فرحانة وحتا هوا تيفرح على الاقل ماتيهزليش الهم بزاف. بحال كل نهار نضت درت تمارين صباحية دوشت وخديت فطوري ومشيت للجامعة ولي كان مبدل هوا إياد ماجاش. غريبة عمرو ماغيب . ويلاه فليل هدرت معاه. سولت الدراري معرفوش مالو. صونيت عليه ماتايجاوبش. الصراحة حسيت بقلبي تقبض ومعرفتش باش التبليت. تقلقت عليه بزاف وخفت تكون واقعالو شي حاجة. عند إياد==> صبح مخبي ففراشو فالبيت هوا اصلا منعسش الليل كامل ومدخلش للدار حتال ثلاتة ديال الصباح . دخلات الخدامة تفيقو غوت عليها وزدح الباب. باباه ماكاينش فالدار فالخدمة وماماه بحال ديما راها فالاسواق والمولات تتشري آخر صيحات الموضة . بقا متكي حتال ١٢ . ناض يدوش ووقف يشوف وجهو فلمراية اياد: ناري زراقت عيني بزااف . خاصني نلقا شي حل لايشوفها الواليد. في الجامعة==> ملاك فالجردة غادة جاية ماعرفات مادير عيات ماتصوني عليه والو طافي التيليفون. وفراس حاضيها من بعيد (آه ماعاودتش ليكوم كيفاش دوز اسبوعو الاول فالدراسة . داز عااادي جدا ههه عارفاكوم كنتو متوقعين نقول شي حااجة خطيرة ولكن هادشي للي عطا الله . هوا طبعو هكاك تيحاول يبعد على المشاكيل وصداع الراس. تايهدر معا الدراري ولكن قليل متيجمعش بزاف غير تيخرج تيغبر ماتيعرفو حد فين مشا. ولبنات مقضاو والو عياو يطيرو وهوا ماعبر حتا خانزة فيهوم) فراس: ملاك ياك لاباس كاين فاش نعاونك؟ ملاك: لاوالو باس غير عندي شي شغل وخاصني نقضيه فراس: اوكي بسلامة مشيت عند جاك طلبتو يعطيني العنوان ديال إياد وركبت فسكوتور وطرت عندو. وصلت قدام باب الفيلا وبقيت مترددة واش ندق اولا نرجع بحالي. مدة وانا واقفة عاد تشجعت نصوني . يلاه انحط يدي علا الجرس خرجلي السيكيريتي : ياس ميس ! بغيتي شي حاجة؟ (شافني بكاميرات المراقبة للي فكل مكان! هادشي عادي عند الناس بحالنا! كون شفتو القصر ديالنا ففرنسا عامرة بالحراس الشخصيين ولكلاب اما لداخل كاين ١٦ لخدام وخدامة مكلفين بالاشغال المنزلية . عاد زيد جاردنيي و... مهم نرجعو لموضوعنا. ملاك: كاين إياد؟ -آه كاين تفضلي لداخل اتكلمو ليك لخدامة. دخلت ستقبلاتني الخدامة وطلبات مني نتسنا فالصالون بيدما تمشي تعيط عليه هادشي بطبيعة الحال بعد ماقلت ليها شكون أنا. الخدامة واقفة قدام باب بيت اياد وخايفة لادق عليه : سي إياد إياد: شنو بغيتي تاني ياك قلت ليك خليوني فتيقار .... وبدا يغوت ماخلاها مسكينة حتا تشرحلو حتا وقفات قدامو ملاك : هاي هاي نتا هنا صحيح فصيح وصوتك يتسمع لاخر الشارع ومخلينا مخلوعين عليك؟ إياد: ملاك؟ شنو تاديري هنا . ونتي علاش ماقلتيليش من الصباح راه جاوني الضياف؟ ملاك: علاه نتا خليتي ليها فين تهدر ؟ راه قلت ليك خاصك تبقا تنقص من الهدرا شويا ماتاتسكتش. يلاه لبس حوايجك وهبط نشوفو فين نمشيو بغيت نتفاهم معاك. (ملي شافت الضربة للي فعينو وخا حاول يغطيها بالمايك أب للي سرقو من بيت ماماه قشعتها) مال عينك؟ شكون دا.... إياد نقز عليها سد ليها فمها وجرها للبيت وسد الباب : دخلي بعدا و نتفاهمو وغير بشويا راك فضحتينا. ملاك: يلاه دوي شكون دار فيك هاد الحالة نمشي نخلي عشتو دبا اياد: يخليك ليلي تاتخافي عليا ملاك: غادي تدوي دغيا ولا نياليلك بالعين التانية باش يلاه نقادهوم ليك؟ إياد وتيحد شويا الروينة للي فوق الناموسية باش تجلس ملاك: واغير رتاحي بعدا ونتفاهمو

7ونتي باغا تاكليني. ملاك: هاهيا جلسات يلاه نطق دغيا إياد: هادشي عاادي خرجت لبارح قصرت حتا تسلطو عليا واحد الجوج غفلوني وبداو تايضربو فيا . صافي هادشي للي كاين ملاك ماتيقاتش هدرتو حيت بداك الصحة للي عندو ماغاديش يحير فجوج ديال الرجال ووخا يكونو صحاح: وهادو غير نزلو عليك باطل مادرتي ليهوم حتا حاجة؟ إياد: ياك عارفاني انا ضريف ماتانجبد حتا واحد ههه ملاك: امم عارفاك الضرافات منك تيتفرقو . إياد: هانا نبدل حوايجي ونخرجو ندورو شويا . وهاد المرة واخييرا ايتحققلي حلمي غادي نكونو غير انا وياك الراس فالراس ماكاينينش دوك المساخط. ودار ضحكة شريرة. ملاك جاتها الضحكة ومخبياها وهيا تهز تيليفونها: آلو كريس هانا خارجة انا وأياد عيط ل... (طار إياد علا التيليفون حيدو ليها خباه... هيا اصلا مزوزاتش النمرة حيت بغات تخرجو بحدها يبدل الجو . ) كانت حاسة بشي حاجة مخبيها عليها . ماشي هادشي غايخلية يغيب من الجامعة . كان ممكن يحضر عادي ولكن سكتات خلاتو حتا يبغي هوا يهدر ويشرح ليها. ملاك: ويالاه سربي دغيا ولا نمشي ونخليك هنا. إياد خرج تايطير تابعها لاتخليه بصح. غاديين جيهت الباب تيتزافطو حتا خرجو فأب إياد للي داخل معصب. ماعبرش بلا كاينا ملاك تما وبلا ميقول كلمة هز يدو وصرفق ولدو: امتا غادي تكبر ودير عقلك؟ امتا غادي تولي راجل؟ دري واحد وباغي يحمقني . داكشي للي بقا دبا المحاميين دياولي يبقاو حاضيينك نتا كل مرة يخرجوك بكفالة .... (مبغاش يسكت وإياد حاني راسو وحابس البكية. هوا موالف بهادشي ولكن قدام ملاك مرضاش.) ومزال زايدها باغي تخرج ديرلي شي فضيحة جديدة ؟ ملاك بالصدمة فشلو رجليها ومعرفاتش كيفاش حتا خرجات من ديك الدار اولا نقول الحبس الخاص بإياد. كل واحد وعندو حبس ديالو وكل واحد وماشاكيلو . إياد طلع لبيتو ولطخ موراه الباب . من بعد دقائق عيط لملاك : آلو ! كيف جاتك الخرجة ديالنا بجوج؟ هههه حتا هاد المرا مقدرناش نكونو الراس فالراس . ضاروري يكون معانا شي واحد هههه ملاك ساكتة وتتقول معا راصها هدا هوا إياد ديما ضاحك وهوا حياتو جحيم. جاتها البكيا علا حياتهوم بجوج .عرفات بلا ماشي بحدها معدبة إياد: اوا مزال تانساين جوابك نعودو بحالها المرة الجاية؟ هههه ملاك حابسة البكية: ههههه علاش لا ! من شحاال مستمتعت بحال هكا! ولكن واقيلا نبقاو نديو معانا الدراري احسن حتا هوما ينشطو معانا شويا إياد: عندك الصح الا ساقو لخبار مشينا بلا بيهوم ماغاديش يبغيو ملاك: ماكاين للي يقول ليهوم شي حاجة والمرة الجاية نديوهوم معانا إياد: صافي متافقين ! بقاو مجمعين فتيليفون تايهدرو علا كلشي وعلا والو حتا عياو واياد غلبو النعاس اياد: ممكن نسولك ملاك؟ ملاك: آه تفضل اياد : تاتعرفي تغني؟ ملاك: نغني؟ ههه إياد بكل جدية: آه تغني! بغيت نسمع صوت حنين باش نقد نعس ملاك عرفات بلا فداخلو طفل صغير ناقص حنان وتايحاول يخبي الطفولة المرة للي عاش وللي مزال تيعيش دبا حتا شباب أمر . بالضحك والتقشاب وتايبين انه قوي وممسوقش للدنيا. ملاك فكرات واحد الاغنية كان تينعسها بيها أكمل من بعد موت ماماهوم وبدات تتغنيها ليه ودموعها نازلين علا خدودها . تتبكي علا حال إياد وحالها حتا داه نعاس ومبقاتش تسمع صوتو عاد قطعات. وبقات شحاال مجبدة ففراشها وتاتفكر فهادشي للي طرا هاد النهار بزز باش داها النعاس.

داخلة للقسم كيف كل صباح شفت شكون كاين لقيت إياد جالس بلاصتو شاف فيا وبتاسم ابتسامة شكر وتقدير ورديت عليه بابتسامة. مكناش محتاجين نزيدو نهدرو اكتر يكفي عينينا تيقولو كلشي (هادي لهدرا ديال الافلام! راه طلبو لينا لودنين بالهدرا لبارح حتا مابقا مايتقال ههه) خصرت ليكوم المشهد ياك؟ هههه عارفة راسي داكشي ديال الرومنسية ولبغو منعرفش ليه) مهم دوزنا داك الحصة وخرجنا كل واحد فين مشا! إياد سبقني للريسطو وانا مشيت لبلاكاري نبدل الكتوب عاد نخلط عليه. حليت لبلاكار مديت يدي نجبد الكتاب وحسيت بشي حاجة ماشي هيا هاديك . كانت عنكبوت كبييرة (من دوك المزغبين راكوم عارفينهوم) واقفاتلي فوق يدي! غوت كلشي دار يشوف فيا بقيت نتنفض تما ترمات هادي العنكبوت فالارض وبديت تانصرصر ولا بغيت نسكت. (انا كيف سبقلي قلت ماتانخاف من حتا حاجة من غير جوج للي تنموت منهوم عندي فوبيا من العناكب و من يتسد عليا الباب فشي بلاصة بحدي تانحماق . يقد يوقفلي القلب بالخلعة) الطلبة حتا واحد ماعرفني اش طرالي وليت كيف شي حمقة. وفراس قشع داك العنكبوت وفهم وجا عندي تيهدن فيا . تايزيرني بين دراعو باش نحس بالامان . تايستعمل نفس الطريقة للي كان تايدير أكمل. شادني لعندو وتيدوز يديه علا شعري : هانا هنا حداك ماتخافيش ماغانعاودش نخليك بوحدك ! هنا ديمة بجنبك(تايهدر معاها على اساس انه تايعرفها من شحال هادي وحتا هيا من نهار للي دخل فيه للجامعة لاةل مرا حسات بحال الا تاتعرفو من قبل وكل مرة تاتشوف فيه تاتقول هاد الوجه ماخافيش عليا وتاتعاود تقول واقيلا غير حيت زوين الا بقيت نفكر هكا غادي نطيح فيه) . بزز باش سكت وغيبت ديك الساع. إياد سمع بشنو طرا وجا تايجري لقا ملاك فحضن فراس و بغا يطير عليه يقجو جروه غير صحابو قالولو ماشي وقتو . وقف فراس وهاز ملاك بين يديه وشعرها تحل لاول مرا حيت ديما مجموع ودلا. فراس داها بجرا لقاعة التمريض للي فالجامعة وتابعو إياد موراه. دخلوها وجا الطبيب يشوفها وطلب منهوم يخرجو برا. إياد يلاه بغا يشنق علا فراس للي تجرأ وحط يدو عليها . شدلو فراس يديه وقربلو لودنو: هادا ماشي وقتو . هانا غادي نمشي عندي شي شغل .رد ليها البال (وزاد ماشي فحالو) إياد: كيفاش؟ نتا توصيني عليها؟ شكون حاسب فراسك ... مدارش فراس عندو خلاه يغوت غير بوحدو ومشا بحالو. ١٤) إياد دخل عند ملاك من بعد ناكشف عليها الطبيب وعطاها مهدئ حيت محتاجة ترتاح من هاد الصدمة . وبقا عاس عليها وشاد ليها فيديها حتا داه النعاس جالس فوق الكرسي وراسو فوق السرير للي ناعسة ملاك عليه . حلات عينيها لقاتو حداها وبقات ساهية فيه وتاتفكر شنو طرا حتا عاقت بلا ماشي هوا للي هدأها وهيا تقول بصوت مجهد نسبيا: فراس فاق إياد : خلعتيني عليك ! ماتعاوديش ديريلي بحال هكا! ملاك: شكون جابني هنا؟ فراس فين هوا؟ اياد ماعجبوش الحال ومبغاش يبين ليها وهيا مزال محتاجة الراحة: عندو شي شغل ! دبا خلينا منو! ها حنا غير انا وياك راس فراس وهاد المرة فجو رومنسي ١٠٠٪ تاراراراااا ملاك: ههههه والله ماتقدر تسكت وتكون مرزن حتا دقيقة إياد: ماغاديش نكون إياد ديك الساعة (وهز يدها باسها) ولكن تنفضل بحال هاد الخرجات مانعاودوش نديروهوم المرة الجاية (بابتسامة مخبيا موراها جمل طوييلة) ماتعاوديش تخلعيني عليك بحال هكا عافاك ملاك : إمممم واخا smile رمز تعبيري خرجها من تما وهاد المرة ركبها بزز فالفيراري حيت خاف عليها تمشي بوحدها وحتا وصلها للدار وتاكد راها بيخير عاد مشا بحالو(وخا كان باغي يبات عندها فالدار باش يقابلها ولكن ماخلاتوش جرات عليه ! قنعاتو راها اتكون بيخير) سمعات الصونيت فالباب وغادية تحلها بلا متقول شكون: هههه راه قلتليك ماغاديش تبات هنا غير سي بحالك تال غدا ونشوفك . (نواتو يكون اياد للي يلاه خرج) ولكن هاد النهار ماغاديش يكمل بيخير ! كانو جوج رجال قلدااا واحد فيهوم حط ليها لفردي علا الراس وقاليها : مانسمعش صوتك دخلي لداخل وبلا هدرة. دخلو دوك الجوج وسدو وراهوم الباب . وجبد التاني باش يربط ليها يديها يلاه قرب عندها بان ليها الراجل طاح الارض والدم سايل من جبهتو ! ماسمعاتش حتا الصوت ديال الطلقة منين جاي ! وللي كان شاد عليها الفردي دار تيشوف فجنابو منين جا هادشي . حتا هوا ماعرف منين جاتو القرطاسة لليد طاحلو الفردي ووقف عليه المجهوا للي تيرا فيه وشاد عليه الفردي علا الراس: شكون للي مسيفطك هدر دغيا . نحسب علا تلاتة تدوي ولا نتبعك ليه؟ داك البانضي بقا تيسب ويعاير والمجهول يلاه قال واحد تيرا فيها (موصلهاش تال تلاتة) ملاك هادشي كامل تتشوفو قدامها وهيا بقوت الصدمة مقداتش تهز راسها تشوف شكون نقدها . ماقداتش تستوعب شنو واقع! الصدمة ديال الصباح ودبا هادشي. بقات تتبكي بحرقة . صوتها تايتقطع! قرب عندها المجهول وحط يدو عل كتافها: انا هنا وماغاديش نعاود نخلي بوحدك! هزات عينها فيه لقاتو فراس ! بقات تاتبكي مجهد وهوا تايحاول يقرب عندها وهيا تادفعو: آلقتال ! بعد مني ! ماتقيسنيش. بعد يدييك فراس: ملاك عافاك تهدني ماعندك مناش تخافي هانا هنا بقات تتغوت حتا سخفات وراسها كان غادي يتلطخ معا الطابلة وفراس شدو بيديه وهزها دخلها لبيتها.

9مغيبة وتاتحل عينيها مرا مرا وتايبان ليها بنادم كتر فالدار . قرب عندها فراس: فقتيي؟ دبا تتحسي احسن؟ ملاك ماتاتجاوبوش وتاتحاول تعرف شكون كاين من غيرو فالدار. ناضت من الفراش بغا يعاونها راها مزال مصدومة دفعاتو ! خرجات للصالة فين وقع كلشي لقات شي رجال تايجمعو فدوك الجثت وتينضفو من تما ! مابقات فاهمة والو! شكون هادو؟ وفراس شكون بالضبط؟ مايمكنش يكون طالب عادي! بقات تادور فعينيها ومبقاتش قادة تقول حتا كلمة. دخلات فاجواء فيلو أكشن ومعرفاتوش امتا غايتسالا. فراس: ملاك عافاك غير تهدني وانا غادي نشرح ليك كلشي ! عافاك سمعي ليا. دخلات لبيتها وزدحات الباب سداتها بالساروت. فراس:عافاك ملاك خللي لباب وكلشي غادي تفهميه ! ماديريش فحالتك هادشي ! غادي تمرضي راسك كتر! دوك الرجال سالاو خدمتهوم ومشاو بحالهوم. بقا غير فراس وملاك للي جالسة فوق السرير وجامعة رجليها وشاداهوم بين يديها وتاتزعزع بحال شي دري صغير. الدموع مابقاوش تاينزلو بقوة الصدمة. فراس: (بصوت محطم ) عافاك ماديريش فيا هكا غير سمعي ملاك دارت يديها علا ودنها وغوتات: بعد مني مابغيت نسمع والو سير بحاالك! فراس؛ صافي وخا حتال الصباح ونهدرو حتا تهدني شويا ! ومشا تكا فوق الكنبي . فالصباح بدات تحل ملاك الباب غير بشويا تتسلت باش تشوف فيناهوا فراس وتقلب علا تيليفون تعيط لسي عصام هوا للي يعرف شنو يدير . فراس مزال مغمض عينيه بغا يعرفها شنو بغات اما هوا راه الليل كامل وهوا عاس لاتطرا شي حاجة. قربات حداه تشوفو واش ناعس وشدها من يدها ! ملاك: بعد مني القتال تفرق عليا ماتقيصنيش فراس : لبارح خليتك نعستي ! ماخليتينيش نشرح ليك . ودبا بزز منك غادي تسمعيني وخا نعرف نربطك دفعها فوق الكانابي وجر كرسي وجلس قدامها. فراس: شوفي فيا ملاك: الصمت فراس: قتليك هزي عنيك شوفي فيا ملاك: هانا شنو بغيتي؟ فراس: ماعرفتينيش شكون انا؟ ملاك: واحد تايقتل بدم بارد فراس: علا قبلك ماشي غير نقتل . نقطع للي وقاس شعرة منك بسناني ونرميه للكلاب... ملاك مابقات فاهمة والو! شكون هدا ؟ وشنو بغا بالضبط؟ وعلاش تايهدر بحال الا تايعرفها؟ فراس: ماعقلتيش علا الوعد للي كان بيناتنا؟ نتي واعدتيني ديما تبقاي جنبي فالحلوة والمرة ! وانا واعدتك الا وصلتي لاربعة وعشرين سنة وماتزوجتيش غادي ناخدك انا! ملاك بقات تاتشوف فيه وعينيها تغرغرو . كيفاش قدرت نساه؟ كيفاش نسيت هاد العينين ؟ الا لملامح تبدلو حيت كبر ! عينيه مستحيل يتبدلو . ولكن كفاش حتا لقاها بعد هاد المدة كاملة؟ وعلاش تال دبا عاد بان؟ فين كان شحال هادي ملي كانت محتاجة ليه؟ هدا كان اول واحد خرج من حياتها عاد تبعو خوها أكمل. ومن بعد خطيبها . ثم باباها. كل الرجال للي بغاتهوم فحياتها تايبعدو عليها. كلما بغاتهوم اكتر تايبعدو اكتر وتايديو معاهوم طرف من قلبها

قربات عندو وحطات يديها علا وجهو : سراج هدا نتا؟ فين كنتي؟ وكيفاش لقيتيني دبا؟ وبدا تايعاود ليها داكشي كامل للي وقع. سراج (او فراس كيما سما راسو دبا) هوا صديق الطفولة وخا كان كبير عليها بخمس سنين يعني فنفس عمر أكمل للي كان الصديق ديالو حتا هوا . كان ديما تايلعب معاها وفينما مشا هوا وأكمل تايديوها معاهوم. سراج هوا ابن اخت سي عصام وبحكم انه ميت ليه باه . عصام هوا للي كان مهلي فيه وديما تايجيبو معاه لدار ملاك. كان ديما مهلي فملاك وتايمسح ليها دموعها الا بكات والا حسات بالخوف تايقول ليها هانا فجنبك وعمري نخليك. كانت تاتحس بالامان معه. مللي وصل ل 18 سنة سيفطو سي عصام هوا وماماه لكندا . وملاك حسات بلا طرف منها بعد عليها. بكات بزاف ملي كان خاصها تودعو وهوا عنقها عندو وقاليها تانواعدك غادي نرجع وديك الساعة مانتعاودوش نتفارقو. نتيا ديما غادي تبقاي هنا (وحط يدو علا قلبو) وجبد ليا واحد الورقة قالي ماتحليها حتا نمشي. موراها دوزت شهر وانا سادة عليا فالبيت غير أكمل للي تانخليه يدخل عندي. بقيت علا اتصال معا فراس لمدة عام ومن بعد تقطع الاتصال بيناتنا. وخا تانطلب سي عصام يقولي فين هوا اولا يعطيني رقمو حيت هداك للي كنت تانعيط ليه فيه مابقاش تايشدلي . كان كل مرا تايلقا عدر وتايتهرب ومرا مرا تايقولي راه لباس راني هدرت معاه. ولكن عمري ماقالي راه سلم عليك ولا سول فيك. انا مع المدة بقيت تانتقبل الفكرة ديال انه صافي دار قطيعة معا ماضيه ومبقاش باغي يهدر معايا... عارفة داركوم راسكوم تعرفو شنو فالورقة للي خلالي فراس ملي ودعني هههه بركااكة معا راسكوم خاص كلشي تعرفوه. ==> ملاك يمكن غادي نبعد عليك وماغاديش نبقا نشوفك ولكن ملي تحسي راسك مزيرة وباغا لمن تشكي اولاخايفة من شي حاجة عرفيني راني ديمة حداك وماعمري ماننساك. راكي ماغاديش تبقاي بحدك وماعمرك ماتنواي شي نهار راكي بحدك. دبا غانمشي ونخليك معا خوك للي تايبغيك كتر من راسو وعمرو يفرط فيك . كوني قوية وكبري دغيا وولي لينا عروسة نفرحو بيك.... اتبقاي ديمة فالبال... ملاحظة: الا وصلتي لخمسة وعشرين عام ولقيتك مزال ماتزوجتيس ماتخافيش خوك فالدمة مانخليكش شايطة نجي نتزوج بيك . هدا وعدي ليك... *سراج شرحلي بلا ملي تقطع اتصالو بيا كان ديك ساعة لتاحق باكاديمية عسكرية . وماكانش عندو الوقت باش يبقا علا اتصال دائم. هوا لتاحق حيت ماما ماتت بمرض السرطان . هما اصل تحولو باش تداوا وماكانش باغيني نشوفو تايتعدب قدامي . ملي ماتت تغيراتلو حياتو ومابقاش قادر يرجع حدانا بغا يبعد علا كل حاجة تاتفكرو فماماه. ودخل للاكاديمية باش يتخرج ضابط. كانت هادي هيا الحاجة للي غاتخليه ديما مشغول وينسا الهم. تخرج منها . وولا خدام معا قوة خاصة لمكافحة كارتيلات عالم المخدرات. كان ديما متبع اخباري بفضل سي عصام. وملي سمع راني جيت لكندا عرف بلا بابا سي زياد بغا يهربني ويبعدني كما بعد خويا باش مايقدوش يقربو لينا....

11هنا انا وقفتو من الهدرة.. ملاك: كيفاش شنو تاتقصد؟ علاش بغا يهربنا؟ ومناش بغا يحمينا؟ سراج: باباك ملي تقبضات بيه هاد المرا وهوا خايف عليكوم. كان فالاول تعامل معاها فعملية تصدير السلعة ديالها عن طريق الشركة الخاصة بيه. ماكانش عارف بلا للي تابتعامل معاهوم مرا مايقدش يبعد عليهوم. هيا تنتمي لاكبر منظمة لترويج المخدرات. وحاول ماامكن يبعدكوم علا هاد الجو حيت هدداتو بيكوم الا مابغاش يكمل خدمتو. أكمل راه فخبارو كلشي ومابغاش يعلمك باش ماتخلعيش. ملاك: وخلاني هاد المدة كاملة تانعتاقد بابا ماتايبغبناش وممسوقش لينا وباغي غير يبعدنا باش يعيش حياتو. ولكن عمرو ماقربنا ليه عمري ما عنقني ولا جا غطاني بليل من قبل ماتجي هاد اللفعة وهوا هكاك. سراج: حتا واحد ماكامل وباباك ماتيعرفش يبين الحب ديالو ملي ماتت ماماك وهوا ماعرف مايدير . خلاتك صغيرة بزاف وماعرفش كيفاش يتعامل . كانت ماماك هيا للي مكلفة بكلشي وكان تايبغيها بزااف وملي ماتت كانت الصدمة قويا عليه داكشي علاش ولا يتزوج ويطلق بغا يعمر الفراغ للي كان حاس بيه حتا نسا بلا تانتوما خاصكوم للي يحس بيكوم. ولكن ملي ولاو يهددوه بحياتكوم عاد فاق ولقا راصو تعطل بزاف. قال ماعليش تبقاي تشوفي فيه نظرة خايبة ولكن تبقاي عايشة احسن من انكي تموتي انتي ولا أكمل قدام عينيه.... ملاك تاتبكي: هادشي بزاف عليا مابقيتش قادة نسمع شي حاجة . مابقيت عارفة شنو نتيق.... سراج قرب عندها وتايمسح ليها دموعها بيديه: عارف هادشي صعيب يتصدق ولكن هادي هيا الحقيقة. غير بشويا وغادي تقبلي كلشي. ملاك: وهادوك للي قتلتيهوم لبارح شكون؟ سراج: صيفتاتهوم مرات سي زياد باش يخطفوك باش تقد تضغط عليه اكتر . وانا كنت عارف هادشي كامل للي واقع. وبحكم انني متبع هاد المافيا مدة كبيرة هادي طلبت رئيس القسم دمكافحة المخدرات يسمحلي نتولى هاد القضية . خصوصا ملي سمعت راكي هنا فكندا. ودخلت معاك لنفس الجامعة تحت اسم مستعار كطالب ماشي محقق. بغيت نبقا قريب ليك باش ماتقيسك حتا حاجة. وكنت ديمة حاضيك من بعيد لبعيد . ولكن الصراحة ماضنيتش ماتعقليش عليا . تبدلت لهاد الدرجة؟ ملاك للي مزال مافاقت من صدمة هاد الاخبار كاملة للي طاحو عليها فمرة وحدة : اممم تبدلتي بزاف راه عشر سنين ماشفتك. سراج ناض من الكرسي وجلس حداها فوق الكانابي وحط راس ملاك علا كتفو وباليد التانية تايدوز ليها علا شعرها: دبا هانا هنا ومانعاودش نبعد عليك حتا دقيقة. ملاك حسات بحنان الاخ والصديق والاب كلشي مجموع فيه ودورات يدها علا خصرو وغمضات عينيها حتا داها النعاس

سراج شرح لملاك بلا خاصها ترجع لقرايتها عادي بحال ماطرا والو وماتقول لحتا واحد شنو واقع حتا من إياد.وخا كانت مزال خايفة لايوقع شي حاجة اولا يتعرضو ليها ولكن حسات بالامان حيت سراج غادي يكون معاها ديما ختا فالقسم. فالغد ملاك مشات للجامعة ولاول مرة بالامبورغيني. وسراج تسنا شويا عاد مشا بسيارتو باش مايعيقوش بلا كاينة شي حاجة بيناتهوم.(مشات بالسيارة لانها أئمن من السكوتور فحالتها دبا ) وصلات للجامعة وكلشي بغا يعرف شكون هادا للي جاي بهاد اللوطو . ماتخايلوش ولو للحظة انها ملاك للي غادي تنزل منها. دوك متلت بيرمودا كان غادي يسكت ليهوم القلب. إياد جاعندها تايجري: گري دغيا لمن سرقتيها؟ ملاك: ههه عاودولك عليا شفارة ومافخباريش؟ إياد: ايوا مالك عمري ماجيتي بيها؟ ملاك: باش ماديرش هاد الحالة اولا تطمع فيا. والصراحة خفتك لايبقا فيك الحال ونتا ماعندكش باش تشريها هههه ولكن ماتخافش نسلفها لخويا فوقما بغا. إياد ونقز عليها رما يدو علا كتفها وبقا جارها يدخلو يقراو: عارفك مولات القلب الكبير وماتنساينيش ههه ملاك ضرباتو ليدو باش يجمعها: قلتليك نسلفلك طونوبيل ماشي كتافي ونتا يدك تقول تقال عليك خاصك غير شكون يهزهوم ليك! هههه هادشي كامل تايطرا قدام تتبع عينين سراج للي تايشوف بيها بنظرة لبؤة خايفة علا ولادها. هوا عارف إياد مايقدرش يآديها. تايفكر غير فدوك الجوج للي قتل. مهما تجرؤو يوصلو حتال دارها ممكن يأديوها فأي بلاصة يعني خاصو يبقا حاضيها ٢٤/٢٤ دازت اربع ايام ماوقع فيها حتا جديد.ملاك تاتهدر معا سراج (لي تاتعيطلو فراس قدام كلشي) علا اساس انها ممتنا ليه عاونها نهار خافت من العنكبوت. إياد وخا ماكانش حاملو فالاول حيت كان خايف علا ملاك منو ولكن ملي عرفاتهوم ملاك علا بعض تقبلو وولا صاحبو. وسراج دوز هاد الايام فدار ملاك تايبات فبيت الضياف حيت خاصو يبقا حاضيها. وبالليل كانت ديما تاتفيق ملاك تاتبكي بالكوابيس للي تاتحلم راه ماشي قليل للي داز عليها وسراج تايجي عندها يبقا حداها حتا ترجع تنعس. ١٩) اليوم حفلة عيد ميلاد إياد . غادي يديرها فقاعة . ملاك فبيتها تاتوجد راسها باش تحضر وحداها فوق السرير الكسوة للي شراليها سراج علا قبل هاد المناسبة . بغاها تبدل الجو شويا وتنسا العذاب للي عايشة فيه. الكسوة صومو باارد حد الركبة ومطرزة من نفس التوب. جمعات شعرها بحال ديما ولبسات صندالة ديال الطالو . حطات شوية مسكارا وغلوز . وكتافات باكسسوارات فيدها وحلقات صغار. خرجات عند سراج للي كان تايساينها قدام اللوطو باش يمشيو . بقا غير حال فمو فيها وخا حتا هوا كان تايحمق بقاميجة كحلا فوقها جيلي فاحل وسروال حكل (كلشي كحل ههه) وقفات قدامو تاتسناه يحل ليها الباب. قرب عندها وجبد سنسلة وركبهالها :هادي ديال الواليدة الله يرحمها ودبا جا الوقت للي نعطيها ليك نتي اكتر وحدا تستاهلها. وحل ليها شعرها للي كانت جامعاه وبدا تيقادو ليها فوق كتافها.:وهدا تايجي معاك مطلوق حسن. ملاك ماتحركاتش من بلاصتها ماعرفات راسها باش تبلات . قلبها بقا تايزدح ورجليها فشلو... حل ليها الباب وطلعات فاللوطو. وصلنا للحفلة حلي سراج الباب هبطت وشديتلو فيدو واليد التانية هازا بيها الكادو ديال إياد. كلشي كان حاضر تما . غير دخلت ونقز كريس: هاي هاي فين كان مخبي هاد الزين كامل؟ مانطلقك حتا تشطحي معايا. قرفدو جاك: تسنا دورك انا للي شفتها اللول اياد: وراكوم ماتاتحشموش نييت . راه انا مول الحفلة وانا للي عندي الحق نشطح معاها. سراج: واقيلا مابنتش ليكوم انا واقف هنا؟ عرفتو شنو ياك انا للي جبتها غادي نرضها دبا نيت! ملاك: هههه عرفتو شنو غادة نمشي نشطح بوحدي جلسو نتوما هنا حتا تفاهمو واجيو هدرو معايا. دازت الحفلةولا اروع نشطات وضحكات ونسات كلشي خايب وقع ليها. سلات الحفلة ودعات صحابها وخرجات هيا وسراج . يلاه جاو يمشيو وفكر نسا التيليفون ديالو لداخل ورجع يجيبو وخلا ملاك تاتساينو برا. ملي رجع مالقاهاش تما. عيا مايقلب والو . سول عليها صحابها كاملين. إياد مخلا مادار فجهدو. عياو يقلبو تقول تصرطات الارض وبلعاتها. سراج عرف بلا القضية اتكون.عملية اختطاف وبقا تايلوم راسو. كان الهدف ديالو هوا ماتغيبش علا عينيه. وملي غاب دقيقة وحدة خداوها ليه..

13سراج ركب فسيارتو ومشا بسرعة فائقة. عيط لقسم مكافحة المخدرات وعلمهوم بشنو وقع. وطلب منهوم يتبعو جهاز التعقب للي كان ركبو فالسنسلة للي عطاها. عطاوه العنوان ومشا بلا مايتسنا الدعم. وصل جاعر . للي وقف فطريقو تايتيري فيه بلا مايرمش. لقاها فبيت مربوطة فوق كرسي وفمها مسدود بسكوتش. بغات تقولو حضي راسك راهوم موراك ولكن مافهمهاش . حتا جاتو الدقة لراس غيب. بعد نصف ساعة فاق لقا راسو مربوط حداها حتا هوا . ملاك تاتشوف فيه وتاتبكي. دخلو عندهوم تلاتة الرجال . ماكانوش محتاجين يغطيو وجههوم . حيت ناويين مايخرجهومش من هنا حيين. بقاو تايضربو فسراج قدامها وهيا تاتبكي. تايعدبو فية باش يگر شكون هوا ولا بغا ينطق (طبيعي راه مدربينو علا هادشي) ملي عياو هوما بالضريب وعرفوه ماغادي يقول والو ضارو عند ملاك وجمع معاها واحد بتسرفيقة كانت داخت. قالولو الا نتا ماتاتحرقش هيا غادي نشوفوك واش علا قبلها تنطق ولا لا! الا حياتك ماعزيزاش عليك نشوفو واش تاتهمك حياتها هيا ولا لا. سراج بقا تيسب فيهوم وتايتوعدو الا زاد حط يدو عليها غادي يقطعها ليه. واحد فيهوم تجرأ وقطع ليها السمطة ديال الكسوة بموس. سراج زاد جعر وبقا تايسب شويا بدا تاينطق: بغيتو تعرفو شكون انا وشكون مسيفطني؟ انا غادي نقول ليكوم اصلا ماغاديش تخرجو من هنا حيين .... قال ليهوم شكون هوا ومعامن خدام وخبرهوم بلا الدعم جاي (هوا من اللول مبغاش ينطق باش يربح الوقت علاما يوصل الدعم) كان تايهدر معاهوم وفنفس الوقت تايحاول يحل يدية من الكوردة. قدر يحلها وناض هز الكرسي للي كان جالس عليه وضرب بيه واحد فيهوم. فنفس الوقت دخل الدعم وداهم البلاصة بقا تايتسمع غير صوت القرطاس. ملاك كانت مخلووعة بزاف وتاتبكي . حل ليها يديها سراج ملي وقفات ماعرفات منين خرج ليها واحد وتيرا فيها. جاتها الدقة فالجنب. وطاحت الارض. سراج قتل هاداك للي قوصها. وهبط عند ملاك تايبرك ليها علا الجرح باش يحبس الدم علاما يدخلو الاسعاف. راها قريبة النهاية هانا تانكتب فيها بليييز تسناو غير شويا وهاهيا عندكوم smile رمز تعبيري ٢١) نقلو ملاك للمستشفى دخلوها لغرفة العمليات باش يحيدو ليها الرصاصة. فقدات الدم بزاف ... من بعد خرجوها للعناية المركزة. سراج عيط لسي عصام علمو بشنو طرا . للي بدورو علم سي زياد وأكمل . وكيف العادة سي زياد ماجاش يطل علا بنتو ولكن سمح لولدو باش يمشي عندها حيت ملي سيفطو للندن منعو يخرج منها. ملاك دوزات اسبوع كامل ماحلاتش عينيها. وكل نهار تايزوروها صحابها! وأكمل تايقيل حداها تايحكي ليها وخا ماتاتسمعوش. سراج مشا ينتاقم ويكمل المهمة ديالو ويقضي علا هادو للي دارو فملاك هاد الحالة. حلات ملاك عينيها لقات اكمل حداها. شافتو وبقات تاتبكي .. اكمل: ماتبكيش...ملاكي هانا هنا حداك. كلشي سالا . مابقا للي يقرب ليك دبا. بقات تاتبكي وهوا يطلع نعس حداها فالسرير وحطليها راسها علا دراعو. تخبات فخوها بحال شي طفلة صغيرة وهيا تاتنخصص. وبقا تايغني ليها حتا تهدنات. ملاك: سراج فين هوا؟ أكمل: عندو شي شغل مشا يكملو. ملاك خافت عليه لايطرالو شي حاجة خوصوصا ملي فكرات لعصا للي كلا قدامها. وبدات تاتبكي عاود وأكمل تايهدن فيها وتايقولها راه كلشي غادي يكون مزيان. سراج مابانش خبارو لمدة شهر وحتا واحد ماعارفو فين هوا. حتال واحد النهار صونا تيليفون كان سي عصام علمهوم بلا جات خبار سراج مات فعملية مداهمة لمقر عصابة المخدرات للي دارو فملاك ديك الحالة الخبر ديال موتو نزل علا ملاك بحال الصاعقة . بقات تاتغوت وتهرس للي لقاتو قدامها . أكمل تايهدن فيها وهيا تاتغوت: هوا واعدني ماغاديش يبعد عليا . قالي ماباقيش يسمح فيا مرا أخرى.... حالتها النفسية تدهورات بزاف وأكمل مابقى عارف شنو يدير. تايشوف ختو قدامو كيف شي شميعة تاتطفا. داز عليها شهر آخر كلو دوزاتو بكا .ماتاتاكلش وغير سادة عليها. سمحات فقرايتها. حتا الشمش مابقات تاتشوفها. إياد ماخلا مادار فجهدو باش ترجع الابتسامة علا وجه ملاك. وكل نهار تايبغي يخرجها ولكن تاترفض. بزز باش قنعوها تمشي عند طبيب نفسي داوا. حالتها تشفي لعدا. دلكشي للي داز عليها ماشي قليل... دوزات مدة عاد بدات تاتهدر شويا. وأكمل ماخلاش ختو ولو دقيقة.... مرات سي زياد تشدات فالحبس .. زياد كان متافق معا البوليس هاد المدة كاملة باش يطيحو بيها. وعيط علا ولادو باش يرجعو للدار. ملاك رفضات وطلبات من أكمل يبقا معاها فكندا حتا تكون مستعدة عاد يرجعو. مبغاتش تبعد علا الدار للي كانت عندها فيها دكريات زوينة معا سراج.

دار العام وملاك بدات تاتحسن حالتها... وقررات ترجع لباريس هيا وخوها. تبدا حياتها من جديد. إياد ماتقبلش فكرة انها تبعد عليه. كانت اول بنت غادي يبغيها كاخت كصديقة. مشافهاش بحال لبنات غيرها للي تايبغي غير حاجتو فيهوم ويلوحها. ملاك بدلاتلو حياتو .وحتا هوا عرف بلا ماشي بوحدو للي غارق فالمشاكل. شاف ملاك عايشة فبيت كلا نهار تايريب منو حيط ... عيا معا ملاك باش ماتخليهش بوحدو فكندا.. آه كان تايحس براسو بوحدو وهيا الوحيدة للي حاسة بجرحو اما كلشي تايصحابو راه عايش بييخير حيت ديما ضاحك. ملاك عرفات بلا هاد الاحساس ديال لفراق صعيب وبقا فيها إياد كتر من نفسها. عرفات راسها غادي تآديه الا بعدات ولكن فنفس الوقت كانت خايفة عليه من نفسها. حيت حتا هيا تعلقات بيه ولكن الا زادت بقات حداه خافت لتخسرو كيما خسرات فراس. وواعداتو تبقا معاه على اتصال وتبقا تزورو مرا مرا . وعرضاتو يجي عندها فقما بغا ... ٢٣) رجعات ملاك واكمل لدارهوم فين غادي يبداو صفحة جديدة ويحاولو يفهمو حب باهوم ليهوم كيف داير. تفارقات معا إياد وكريس وجاك بالبكا . وخا قلبها كان تايتقطع ولكن فنفس الوقت بحالي ولفات هاد الاحساس وقنعات راسها بلا حياتها غادي تبقا ديما هكا كلها احزان. واي واحد بغاتو الحياة غادي تاخدو ليها بالقوة.. ملاك بدات صفحة جديدة ورجعات تكمل قرايتها. دازت عاماين علا رجوعها لفرنسا وتخرجات مهندسة معمارية. فتحات مكتب خاص بيها بطبيعة الحال باباها للي فتحو ليها. أكمل مباشرة بغد رجوعو لباريس ترأس الشركات ديال باباه وولا قايم علا كلشي. إياد حتا هوا تخرج ودار شراكة معا ملاك يعني فتح فرع تحت نفس اسم مكتب ملاك فكندا. باه نقص عليه شويا من نگير حيت شافو قد براصو وولا راجل يتعول عليه. تطورات العلاقة بين ملاك وإياد حيت كتر من الصداقة ولات علاقة عمل. وولاو ديمة تايتلاقاو وخا كل واحد فقارة . داز العام الول فالخدمة مزيان وبحكم ان اسم اب ملاك معروف حتا هيا دغيا تشهرات. سي زياد دهورات الحالة الصحية ديالو .. من بعد مابدات تاتفهمو ملاك شويا وولات تاتعرف بلا راه هاديك هيا طريقتو فالحب توفى. مبكاتش عليه ملاك ماشي حيت مابقاش فيها بالعكس تأترات بزاف ولكن دموع الفراق مابقاوش تايهبطو تقاضاو وحتا هيا كانت موجدة راسها من شحاال هادي وعرفات انه اي راجل ولات عندو مكانة فقلبها تايبعد. داكشي علاش سدات قلبها ومابقاتش دخلاتلو حتا واحد . ماسمحاتش لراسها تبغي مرا ثانية. من بعد سراج سورتات قلبها ولاحت الساروت. ٢٤) ملاك كملات حياتها عادي وولات وقتها كامل فالخدمة. رجعات للدار هاد الليلة معطلا حلات الباب لقات خوها داير ليها مفاجأة. كانت نسات شنو هاد النهار. مابقاتش تاتفكر فحتا حاجة من غير الخدمة. عيد ميلادها ونساتو. ولكن أكمل دار مابجهدو باش يديرلها أحسن حفلة عيد ميلاد ويخرجها من الجو للي ديما عايشة فيه. بطبيعة الحال حضر إياد وجاب معاه جاك وكريس. إياد: قلت نجيبهوم حيت فينما ماتايكونوش تاتطلع الخرجة خايبة. ملاك نقزات عليه عنقاتو: هههه عندك الصح ديما خاصهوم يكونو. الحفلة كانت راائعة وملاك فرحات بزاف بشوفة صحابها مرا أخرى. شويا حبسات الموسيقى. مافهماتش شنو طاري. دايرة تاتقلب علا شكون حبسها وتاتسمع صوت من وراها : تزوجي بيا؟ دارت لقاتو علا ركابيه و حاني راسو وهاز خاتم فيديه . تاتشوف من وراه واقف إياد وتايبتاسم. ولات تشوف فشكون هدا للي تايطلب يدها لزواج لقاتو سراج ..... بقات مصدومة ماقالت حتا كلمة.تاتشوف فيه تتاكد واش هوا بصح للي قدامها ولا تاتحلم . وقف سراج وشد ليها فيديها : قلتليك انبقا ديما معاك. وواعدتك الا وصلتي 25 عام وماتزوجتيش غادي نديك انا. وهانا تانوفي بوعدي راه اليوم كملتيها اولا نسيتي؟ بقات مصمرة تاتشوف فيه . خانوها دموعها وهبطو. كانت مواعدة راسها عمرها تعاود تبكي. أكمل: راها هاد الحفلة كاملة الفكرة ديال سراج. دارت شافت فيه ملاك وفعينيها كلام كتير بغات تعاتبو حتا هوا حيت كان فخبارو ومقالش ليها. دارت جيهت إياد وفهمات بلا حتا هوا فخبارو.... سراج قرب عندها حط يدو يمسح ليها دموعها وهيا تصرفقو.

15مسحات ملاك دموعها بيديها وبحرقة قالت ليه: مابقيتش محتاجة ل تمسحلي دموعي وتقولي كلشي غادي يكون بخير. ودارت عند اكمل وإياد : سمعتوني ؟ مابقيت محتاجة لحتا واحد فيكوم ! ماعندي ماندير بخونة بحاكوم... شنو كنتو تاتسناو ؟ آآ! هدر نتا (وتاتشوف فسراج) زعما كنتي ناوي غادي توقف قدامي بالخاتم ونتلاح فحضنك ونقولك آه قابلة؟... ونتا أ سي أكمل آخويا لحبيب وصلات بيك تخبي عليا شي حاجة بحال هادي؟ دوي أ إياد!؟ شنو تانبان ليكوم؟ شنو انا بالنسبة ليكوم ؟ لعبة ديرو بيها مابغيتو؟ اولا بنت صغيرة للي قلتو ليها تقول وخا! سراج قرب عندها وبغا يهدنها .. دفعاتو : ماتعاودش تحط يدك عليا سمعتي؟! شكون نتا باش جاي واقف قدامي دبا وتاطلب مني الزواج. سراج: ملااك عافاك غير سمعيني. ملاك: هههه نسمعك؟ سمعني انا شنو غادي نقولك! سراج للي كنت تانعرف مات 3 سنين هادي وبكييت عليه ونشفو دموعي ونتا ماتانعرفكش شكون سمعتي؟ يلاه خرج عليا برا. أكمل: تهدني عفاك ماديريش فراصك هكا. ملاك: هههه نتهدن؟ انا مهدنا آش بنتليك ؟ ودارت شافت فعينين كل للي كانو حاضرين وقالت: عرفتي شنو غادي يجيكوم مزيان انا خليت ليكوم هاد الدار كملو الحفلة علا خاطركوم. ٢٦) خرجات ملاك تاتجري ركبات فاللوطو ومشات بأقصى سرعة. بغا إياد يتبعها جرو أكمل قالو خليها بحدها. وخا حتا هوا ماكرهش يتبعها حيت كان خايف لادير شي حاجة فراسها ولكن قال من لاحسن نخليوها تهدن راسها راها كبرات وولات قادة بشغلها . ملاك بقات غادة بلا وجهة محددة . ملي عيات دخلات لواحد الفندق خدات غرفة فين تقضي هاد الليلة والصباح تفكر شنو دير. جا الصباح. إياد وأكمل وسراج مجموعين فوق الطبلة دلفطور وكلهوم تايفكرو شنو يديرو. حسو كاملين بالذنب وأكتر واحد هوا فراس اما إياد وأكمل فا حتا هما هادي غير 3 ايام باش عرفو فراس مزال حي وكان خاصو يزور الموت ديالو باش يحمي ملاك . حيت من بعد ديك العملية للي دار تكشف فيها الغطاء ديالو وكون رجع عند ملاك كان ممكن يآديوها بسبابو . وبحكم الخدمة ديالو كلها مشاكيل وماشي غير ديك العصابة للي باغا تنتاقم منو كان مفروض عليه يختفي على الانظار وكلشي يعرفو بلا مات. ولكن هوا عمري ما بعد علا ملاك كان ديما متبع أخبارها .... بقاو بتلاتة بيهوم تايفكرو فشنو يديرو ... تلاتة دالرجال للي كاينين فحياة ملاك... الأخ. الصديق والحبيب كلهوم مشطونين عليها وخايفين لا تكون طرات ليها شي حاجة. أكمل هز التليفون يصوني على ختو وهيا تم داخلة من الباب . شافت فيهوم بلا ماتهدر طلعات لبيتها ... فكرات بلا هيا قوى من هادشي وماشي بسبابهوم غادي ترمي كلشي بناتو ورا ظهرها. سراج بغا يطلع يهدر معاها ولكن ما خلاهش أكمل وطلب منو يمشي بحالو حتال من بعد ويرجع. ملاك بدلات حوايجها وهبطات تمشي لخدمتها. إياد طلبها يوصلها مارضاتش عليه وخرجات.

دازو جوج أسابيع وملاك تاتلاهي راصها فالخدمة ماتاترجع حتال ليل .. ومازال ماهضرات لامعا خوها لا إياد. سراج كل نهار تايمشي عندها يتسناها قدام الخدمة ووالو تادوز من حداه وماتاتهضروش. هيا ماكرهاتش تمشي عندو وتعنقو وتشم ريحتو . توحشاتو بزااف وفرحات حيت رجع ولكن كبرياءها كان أكبر وماقداتش تسامحو على خيانتو ليها. اما إياد وأكمل فكانت مسامحاهوم ولكن بغات تربيهوم باش عمري يعاودو. كانت عارفة بلا دارو داكشي بدافع الحب وبغاو يفرحوها برجعة سراج. رجعات هاد النهار بكري للدار لقات خوها تايتعشا. من شحاال ماجلسات تعشات معاه . شافتو غير تايلعب بطبسيلو ماكلا منو حتا دغمة بقا فيها وعرفاتو تعلم الدرس ديالو . جات من وراه وباستو فحنكو كيف موالفة تادير وجلسات تاكل حداه. شاف فيها وبتاسم وبلا ماقالو حتا كلمة عرفها سامحاتو ... ملي طلعات لبيتها صونات على إياد اياد شاف النمرة دملاك وفرح حيت شحال وهوا يصوني ليها تاتقطع عليه :آلوو ملاك: الا ماسولناش ماتسولش؟ إياد بقا ساكت مستغرب راها هيا للي تاتقطع عليه عاد فهم راها سامحاتو: غير سمحيلي وصافي غير معا المشاغيل وخلاص. ملاك: هههه اوا ماشي مشكيل امنا نشوفوك؟ إياد : غدا نشد أول طيارة نكون عندك. ملاك: إوا ماتعطلش راه عندي شي تصاميم بغيتك تشوفهوم مباشرة بلا مانصيفطهوم .يلاه تصبح علا خير. إياد: حتا نتي وتهلاي فراسك. سلات المكالمة وحسات بالراحة حيت وخا كانت مقلقة عليهوم ولكن كانت حاسة بشي حاجة ناقصاها. ٢٨) يلاه بغات ملاك تنعس وسمعات خوها تايدق استأذنها وسمحاتلو يدخل . جلس حداها وقال: عارفك ماباغا تسمعي والو عليه ولكن عافاك علا قبلي غير خمسة دقايق. ملاك بقات ساكتة وهوا يفهم راها تاتسمع. عاود لسها كلشي وفين كان سراج هاد المدة وراه دار كلشي علا قبلها وهيا شاكتة وتاتحس بقلبها تايضر مجهد. وسالا هدرتو: راه دبا قدم الاستقالة ديالو على قبلك وبغا يستقر من أجلك. ملاك ماعلقاتش علا هادشي للي قال وطلبات منو يخليها تنعس. خرج أكمل وهيا بقات تاتفكر فهدرتو. منين يجيها النعاس من بعد هادشي لي سمعات. الليلة كاملة وهيا تاتفكر حتا صبح الحال. دوشات لبسات حوايجها هبطات فطرات معا خوها ومشات للخدمة لقات سراج بحال العادة تايساينها قدام الباب دالخدمة. ولكن هاد المرة كان مبدل كان محطم بزااف جسد بلا روح. يمكن كان هكا من بعد مارفضاتو . يمكن دبا عاد بان ليها مزيان من بعد ماعرفات شنو وقع بالضبط . اليوم عاد قدرات تحقق فيه مزيان وتشوفو بنظرة جديدة. بغات تمشي عندو وتهدر معاه. تقولو راني بديت تانسامحك عطيني غير شويا دالوقت باش نتقبل الفكرة ولكن تراجعات ماعرفاتش شنو للي منعها وخلاتو ودخلات للبيروها تخدم.

17شويا تاتسمع الصداع. السكرتيرة تادابز معا شي واحد : سمحلي آسيدي ولكن مايمكنش تدخل بلا موعد. وخصوصا نتا منبها عليا مانسمحليكش تدخل... يلاه بغات ملاك تخرج تشوف شنو واقع ودخل سراج مجهد ولطخ الباب وراه. كان تور هايج وماكاين للي يوقف قدامو. عرفات ملاك ماغاديش تقدر تقولو خرج برا. حيت الا ناوي على شي حاجة باينة من عينيه ماغادي يخرج حتا يديرها. سراج: غادي نهضر ونتي غادي تسكتي وتسمعي! ماغادي نخرج من هنا حتا نقول داكشي للي فقلبي . جلسات ملاك وتاتسناه يهضر. عاود نفس الشي لي قال ليها أكمل وهيا مابانتش عليها الدهشة (حيت كانت عارفاه شنو غادي يقول) ولكن فهمها هوا بلا ممتيقاهش وماناوياش تسمح ليه وكمل: انا بقيت عند وعدي ونتي للي خلفتي قلتيلي عمرك ماتنسايني ودبا تاتبانياي باغا غير تهناي مني هادشي إلا ماكنتيش نسيتيني. تاتجي فين تهدر ملاك وتقولو لي فقلبهاماتايخليهاش وتيكمل: إلا كان فراس ميت بالنسبة ليك أنا غادي نهنيك منو للابد -وجبد فردي حطو علا راسو- أنا غادي نهنيك مني دابا وغادي تآكدي بلا مت بصح هاد المرة. حياتي بلابيك ماتسوا والو ومابقاتلي غير حياتي نقدمها ليك عربون حبي ليك وطلبي الاخير هوا تسمحي ليا. ملاك هبطو دموعها وكحزات عندو حيداتلو الفردي من يديه وعنقاتو بأحر من جهدها. سراج بقا تايبكي فأحضان حبيبتو وممتيقش راسو شنو كان ناوي يدير اولا شنو واقع فهاد اللحظة.واش سامحات ليه ولا لا. بقات تادوزلو علا راسو بيديها : أنا مسامحاك. مسامحاك من أول مرة وقفتي قدامي . گاع انا رخيصة عندك لهاد الدرجة؟ ماقدكش الالم للي حسيت بيه ففراقك جوج مرات وباغي تزيد المرة التالتة؟ شكون قالك نقد نبعد عليك حتا دقيقة ؟ هزها من الارض من خصرها حيت هوا طويل عليها وبقا تايدور بيها . شويا هبط علا ركابيه وجبد الخاتم للي عمري حيدو من جيبو: تزوجي بيا؟ ملاك: مالك مزروب ؟ بالزربة ديالك ماخليتيني حتا نهدر نقولك راه أكمل عاودلي كلشي وكنتي غادي تقتل راسك! ودبامزال حتا ماشبعت من ريحتك ونتيق راك كاين حدايا خصرتي المشهد وباغي تزوج؟ سراج: راكي درتي 25 عام ومزال باغة تبقاي بلا راجل؟ انا راه وصلت ل 30 باغي ندير ولادي دغيا ونشوفهوم تايكبرو قدامي... ملاك: راه قلتليك راك مزروب .. دغيا وصلنا لدراري؟ سراج: دبا واش قابلة ولا نمشي نخطب ديك السكريتيرة ديالك راه بانلي فيها البلان... حتا هيا قويصحة بحالك. ملاك: هههه آه موافقة صافي صافي لاديرها بصح راك تاطير.... ------------النهاية ..