مغربية حرة فقط فقط فقط

السلام عليكم
عفاك لكنت عزيزة عليك وتتبغيني 
حدفيلي عضويتي 
وبغيت نقول لكان سبابي فهاد لفقايص خليتلك الله لغيخلصك  
وممسمحاك لدنيا لاخرة

ملكة الرومانسية اصاحبتي ماتنفديش ليهوم الامنية ديالهوم راهوم داروها بلعاني باش يطفشوك الله يعطيك الستر ايلا كان عندك لي شي خاطر ايلا ماتبقاي انا مانتخيلش المنتدى بدونك
ايلا ماكان على ودي غي على ود لبنات اللي تيبغيوك وانت الالتراس ديالك راه كتير وعديانك تيتسناو هاد اللحضة بفارغ الصبر ماتنوليهومش المراد بركة غي دعاويك ان شاء الله يخرجوا طريفة

واخة طلبتي مغربية حرة ماقدرتش نشوف الطلب ونسكت هادشي راه داروه بلعاني باش يستفزوك فحال المرة الاولى ديال موضوع عبدة ودكالة هادي كلها خطط اللي ماتتسمى ماتنوليهاش اللي فبالها انت راك غالية عندنا بزاف وماضر السحاب نبح الكلاب

ملوكة حيت انت عزيزة عليا مغاديش نحدف ليك عضويتك الله يغبر ليهم الشقف وسعي خاطرك دعوتك قريب تخرج

انت ملكة المنتدى شاء من شاء و أبى من أبى واش كاين شي مملكة بدون ملكة يستحيل ادا طلبك مرفوض عزيزتي
سمحيليا ما شفتش موضوعك قبيلة و مشيت الكوزينة وجدت للموسيو ما ياكل

كتاكلي الحلوفة بوحدك وانا هادي هي عليك عقلي

هههههههه راك الراجل لي كيزيرني عيط ليا قاليا وجدي الماكلة لا نحرم عليك ديك الكونيكسيو
اجي عندي نوجد ليك لي حبات خاطرك

ملكة الرومنسية حبيبة ديالي لي فقصك الله يعطيه فقصة . ديري بحالي راتي هزيت القران و حلفت منعاود نطل على داك و كر الشياطين و خا يقولو لي راهم سبوك نقلهم بصحتهم و الله ميهزو فيا شعرة .
نتي ختنا و عزيزة و منفرطوش فيك لي سب خليه منو لله را ريول علبه الصلاة و سلام خير خلق الله و تعرض لسب من طرف الكفار .
انا كنعتابر خادوك مجرد قوم لوط كفرة بالله مرفوع عنهم القلم . يلا كناي دايزا من حدا شي دار و سمعتي كلب كينبح بلا مبرر واش غتخوي لو الحومة و لا غتقولي كلب و طبيعتو هو نباح .
كبيدة انغني ليك اغنية و بقاي معانا . كبيدة نتيا ماشي بحالهم عمري راكي حسن منهم و غضاضاي ضاي ماشي بحالهم خخخخخ يالاه ضحكي و لا نجي نهرك

ساليتي معايا فاطنة ناري شحال تبليت بديك الاغنية ملوكة راها غزالة وماتسخاش بينا الفرق بينها وبينهوم فحال الثرى والثريا

ههههه فاطنة تخيلتك كتغنيها هههه

صويت عندي زوين سولي جوسلين تقوليك كخخخخخخ ملوكتي و الله معندها فراق علينا . نهار قالت لي معجبهاش لوني الاخضر لضفضوعي و قلت ليك امغربية حرة بدليه ليا و درتي ليا الموف البدنجاني را هادشي كلو لعيون ملوكتي حيت لخضر كيضرها فعينيها و تاهي دبا مترضهاش فوجهي

اه صوت فاطنة فن تبارك الله عليه شنة ورنة يا سلام

خاصنا شي حفلة اندلسية

ولا غرناطية أش بان ليهم

ملكة الرومانسية ارتاحي احبيبة واحد اليوماين ورجعي نورينا لكن بشرط مالطي على حتى شي منتدى المشقوق طفيه نهائيا ريحي عقلك سيري ضربيها بتحميمة وبتكوفيرة وشي كويبة تكون هي او فووجي على رأسك حتى حاجة ما تستاهل كبرري دماغك ديري هادشي وغاتلقاي راسك توحشتينا وتجي تبوسينا من خدودنا