التصويت لمسابقة ضيف على غفلة و 50 درهم

بنت الدار الكبيرة كتب:انا بعدا متكفنيش 50 dh نحاول
-طبق الرئيسي الحوت سردين 10 dh روز مسلوق سلاطة لمهم فها الجبانة الدار...المجموع 15dh
25 dh فها الدسرير :والمقبل مقبل .الفلون فريز
و سدير البنان والليمون .
و لهلا احشمني هههههههه

ملكة الرومانسية كتب:نديرليهم سم ونتهنا كخخخخخخ
اش غدير 50درهم
نشري دجاجه فيها 2كيلو
شحال تيدير لكيلو ؟
معارفاش حسبي معايا
والخضرة غتكون.عندي
غنحمرها وندير لفريت وتكتوكة شلاظة ديال الجرده بالمتيونيز
والعصير ديالك لحطيتي كخخج عاد داخلة نشوف
نديرو 260 لكيلو
2 كيلو ب 520
بقات 480 ريال نشري كيلو بنان وكيلو تفاح وليمون باش ندير لعصير
وولا 2ليمونات و 2 تفاخات و2 بنانات انا مبغيت ديسير مناقص كخخخج
لشاطلي ندير لفلون
نص ليتر لحليب ب 70 وساشية بدرهم وقيلا
و3لخبزات

ملكة الرومانسية كتب:عصيرك غالي ممسلكنيش كخخخج
غنشري كيلو.من ليمون والتفاح والبنان
ولبقالي غندير فلون
وشنو الجائزه بعدا ؟

Fatna za3ra كتب:غادي ندير كسكسو
باكية بحد لدرهم و نمشي عند الخضار يعطيني كيلو مخلط ديال لخضرة بمية و ستين ريال و نشري دجاحة فيها كيلو و نص مدبوحة بخمسمية دريال
تشيط لي ستة دراهم
غنكون اصلا شيطت من خضرة دكسكيو شي بطاطا و شوية دخبزو ندير شلاضضة
و ستة دراهم نشري بيه يطرو لبن بخمسة دراهم ليكرو و تشيط درهم نصدقها

أسماء بن الشريف كتب:ندير  
السبانخ كيلو بعشرة دراهم و  جوج دراهم زيتون و تلاتة دراهم زبت بلدية
و تلاتة الخبزات و كيلو سردين نقليه بعشرة دراهم
هي سبعة و عشرين درهم
و كيلو دلبنان ب تمنية  دراهم
و عصير خيار  بربعة دراهم للكيلو
هب تسعود وو تلاتين درهم فالمجموع و تشيط ليا حداش لدرهم

ولاء نور كتب:انا غادير ليهم الرفيسة

الموني ديالي كالتالي  :
خديت دجاجة كيلو ونص ب 30 د
او دقيق لمسمن ب 5 د
تلات بيضات ب 4،5 د
درهم حلبة
واتاي مرافق الرفيسة ب 9 باش نقام عليا
وكما كتعرفو الرفيسة ماتتبغيلا مقبلات ولا ديسير اذن انا امرأة اقتصاية نياهاهاهاهاهاهاااااا
ههههههههههه

فتاة عادية كتب:سلام البنات
وصفتي هي كفتة دلاداند خمية و عشرين درهم و كيلو و نص مطيشة بسبعة دراهم طاجين معتبر و خمسة حبزات خمسة د راهم و مونادا طوبس بسبعة دراهم و كيلو ليمون بستة دراهم
مجموع خمسين درهم مشاط والو