مسابقة:عندك 50 ........

السلام الغزالات ليوم و فهاد القسم غانبداو مسابقة لابد غاتنفعنا فيوم من الايام ملي يجيونا ضيوف على غفلة

جيبك فيه 50 درهم
جايين عندك ضيفان للغدا اش ممكن تقداي بيها
ملحوظة لازم تحطو المكونات مع الثمن
اللي وفرات شي درهم تحطو فالصنيديقة ههههه

خاص تكون مقبلة طبق رئيسي و ديسير

جاو عندك 2 ضياف و انت التالتة

غانكتافيو ب 5 اقتراحات من خمس عضوات و ديك الساعة نبداو التصويت


في انتظار مشاركاتكن هجوم

موضوع فن
غادي ندير ليهوم كوطي
انا بلاتي نفكر فالاتمنة

لالالا جايين للغدا ماشي الكوطي هههههه بغيتي تزربي عليهم

che7al dnas ?

نديرو جايين عندك غير 2 و انت التالثة ههههههه

انا بعدا متكفنيش 50 dh نحاول
-طبق الرئيسي الحوت سردين 10 dh روز مسلوق سلاطة لمهم فها الجبانة الدار...المجموع 15dh
25 dh فها الدسرير :والمقبل مقبل .الفلون فريز
و سدير البنان والليمون .
و لهلا احشمني هههههههه

و فين هو الخبز اهم حاجة

هههه

بلاتي نحسب...6 dh bananan o
6 dh limon
Flan 1d
1litr hlib 70
Dakchi lb9a dyal khoubze

نديرليهم سم ونتهنا كخخخخخخ
اش غدير 50درهم
نشري دجاجه فيها 2كيلو
شحال تيدير لكيلو ؟
معارفاش حسبي معايا
والخضرة غتكون.عندي
غنحمرها وندير لفريت وتكتوكة شلاظة ديال الجرده بالمتيونيز
والعصير ديالك لحطيتي كخخج عاد داخلة نشوف
نديرو 260 لكيلو
2 كيلو ب 520
بقات 480 ريال نشري كيلو بنان وكيلو تفاح وليمون باش ندير لعصير
وولا 2ليمونات و 2 تفاخات و2 بنانات انا مبغيت ديسير مناقص كخخخج
لشاطلي ندير لفلون
نص ليتر لحليب ب 70 وساشية بدرهم وقيلا
و3لخبزات

الموني ديال بنت الدار و د يال ملكة مزال 3 و نبداو التصويت

عصيرك غالي ممسلكنيش كخخخج
غنشري كيلو.من ليمون والتفاح والبنان
ولبقالي غندير فلون
وشنو الجائزه بعدا ؟

نعرض عليك لاحسن ريسطورو

لا عطيهالي غير فلوس كخخخخخخ

غادي ندير كسكسو
باكية بحد لدرهم و نمشي عند الخضار يعطيني كيلو مخلط ديال لخضرة بمية و ستين ريال و نشري دجاحة فيها كيلو و نص مدبوحة بخمسمية دريال
تشيط لي ستة دراهم
غنكون اصلا شيطت من خضرة دكسكيو شي بطاطا و شوية دخبزو ندير شلاضضة
و ستة دراهم نشري بيه يطرو لبن بخمسة دراهم ليكرو و تشيط درهم نصدقها

كسكسو حدا لدرهم

حداش

هدا تحدي كبير لكن انا مرشحة ومولاها الله
مغربية وحتى انت كم شاشة مع رأسك خخخخخخ

ندير
السبانخ كيلو بعشرة دراهم و جوج دراهم زيتون و تلاتة دراهم زبت بلدية
و تلاتة الخبزات و كيلو سردين نقليه بعشرة دراهم
هي سبعة و عشرين درهم
و كيلو دلبنان ب تمنية دراهم
و عصير خيار بربعة دراهم للكيلو
هب تسعود وو تلاتين درهم فالمجموع و تشيط ليا حداش لدرهم

انا غادير ليهم الرفيسة

الموني ديالي كالتالي :
خديت دجاجة كيلو ونص ب 30 د
او دقيق لمسمن ب 5 د
تلات بيضات ب 4،5 د
درهم حلبة
واتاي مرافق الرفيسة ب 9 باش نقام عليا
وكما كتعرفو الرفيسة ماتتبغيلا مقبلات ولا ديسير اذن انا امرأة اقتصاية نياهاهاهاهاهاهاااااا
ههههههههههه

ههههه تبارك الله تبارك الله على الحادكات ديالنا

سلام البنات
وصفتي هي كفتة دلاداند خمية و عشرين درهم و كيلو و نص مطيشة بسبعة دراهم طاجين معتبر و خمسة حبزات خمسة د راهم و مونادا طوبس بسبعة دراهم و كيلو ليمون بستة دراهم
مجموع خمسين درهم مشاط والو

https://almontassirat.yoo7.com/t444-topic
بدا التصويت

اللي عندها اقتراحات مرحبا حيت الهدف من المسابقة هو الاستفادة
حطو les menus دياولكم نشوفو كل وحة واش كاين المقتصدات ولا خالينها على الموسيوات

Menu ديالي:
مقبلة:
نص كيلو دنجال 2dhs
نص كيلو مطيشة 2dhs
نص كيلو فلفلة 3 dhs
زيتون مشرمل 4 dhs
ندير زعلوك و تكتوكة و نحط الزيتون فطبيسلات

كيلو بطاطة 6 دراهم للفريت

طبق رئيسي

كيلو سردين 10 دراهم
قزبور و معدنوس درهم

الديسير

نص كيلو بنان 5 دراهم
نص كيلو فريز 5 دراهم
2 دانون 4 دراهم
2 اوريو نزين بيهم (اوريو المزور ) 2 دراهم

استعملت 44 درهم
شاطت ليا 6 دراهم ملي يمسدشيو الضياف نشري بيها حمص و زريعة خخخخخ

غدا الصابح نحط موني حينت دابا دايخة النعاس ههه خصني نركز مزيان