السمن البلدي بالزعتر او زعيترة لي بغيتو

المقادير:

الزعتر أو زعيترة من الاحسن زعيترة الى موجودة
الزبدة البلدية عاديةمن الاحسن لأن المخففة فيها شوية الخدمة ومتتجمعش دغيا في اليد
الملح 
الماء
الطريقة :

أخد الزبدة نغسلها جيدا بالماء من اللبن اللي فيها بالدعك باليدين جيدا حتى يخرج اللبن ونجمعوها ومن بعد نكرر العملية الغسيل الزبدة حتى تولي صافية من اللبن اللون الماء مع اضافة الملح في الغسلة الاخيرة
نغليو الزعتر أو زعيترة مع الماء اللي يغطي لينا الزبدة اللي عندنا في اناء ونديرو الملح وملي يبرد الزعتر اللي غلينا نصفيوه نضيفوه على الزبدة ونغطيوها ليلة كامل وهي مرقدة في الماء الزعتر
ونصفوها من الماء مزيان من بعد ونديروها في قرعة ميدخولهاش البرد ونتركوها لمدة شهر على الاقل عاد نفتحو عليها وقدما احتفظنا بيها غير متيزيد يحرار


و بالصحة والراحة

شكرا ولاء انا مانعرفش هذه الوصفة
شكرا الحبيبة

مرحبا اختي لحبيبة هادشي من تقاليد لمغاربة

شكرا لك ولاء نور

العفو مرحبا حبيبتي