سفة ديال الروز بطريقة جد ساهلة

المقادير

نص كيلو روز اصفر كلاصي ماشي البيض
3 اعواد قرفة
شوي الملح
شوي الزيت
شوي الزبيب مغسول(اختياري)
الما (لقياس ديال الروز 2 مرات ونص) يعني متلا  درتي زلافة عامرة ونص ديال الروز ديري ليها 3 الزلايف ونص دالما
الطريقة
ديري الروز والزيت والملح والقرفة والزبيب فالكوكوت تحسبي ليها 15 د من بعد متصفر الكوكوت صافي ومن بعد غطيها بشي منديل رطب غليظ باش ارجع ليها الصهد ومينشفش الروز حتى اخر لحضة باش تقدميها ديري ليها الزبدة والسكر كلاصي وقدميها تقدري دفني فيها الدجاج تاتجي راقية
خاص دغيا تقدم السفة مني اطيب الروز حيت راه مني تينشف غادي تعاودي تفوريه فالكسكاس

و الله الا ساهلة
مممممم كيبان لي خاصني نولي طباخ ههههه
شكرا بلقيس على الوصفة العجيبة
تحياتي

تبارك الله عليك.....بلقيس الطباخة المتميزة
باينة غاتجي بنينة
شكراااا لك عزيزتي

والله حتى بنينة حنى انا شفتها فواحد المنتدى الله اجزيها الخير مولات الوصفة جربتها صدقات قلت نتشاركها معاكم
شكرااا لمروركم