بغيت مساعده عاجلة الاعضاء لى كيعرف ولى ميعرفش دخول

السلام عليكم

بنات انا عرفتش سبب عكوساتنا ونحس حياتنا ودارنا

وتعطيل كلش فى حياتى الحمد لله

هو ان دارنا مسكونة من جوج ايام لجواد دونى لتحت الارض بسم الله الرحمن الرحيم

وعرفت بانها مقبرة د ملكة من ليهود هى بنت مات زوجها ليله عرسها هى ماتت مالحزن

موراه الموهيم ان هاته الملكة كيقولو ليا انها تغير ملى يدخل شى حد لدارنا تبقى تعكس ليا باش منتزوجش

وعكس فى الرزق دايما الخدمة كتعكس ليا

والله عيت هاد 10 سنوات د العذاب كنمشى لكش باش نفك السحر ممتفكش

دبا هاد فترة كندعى بالى يظهر ليا شكون داير ليا التعطيل والحمد لله ربى استجاب

دبا معرفتش الحل نفوسخو نطلق البقره فى الدار يوميا او قولو ليا رأيكم البنات

معندنا دار من غيرها ودبا الرزق ضيق معندنا باش نشرى دار جديده الحمد لله

بنات بغيتالمساعدة لوجه الله

الله يفرج همكم اخاي حاولو طلقو كل نهار سورة البقرة بليل ونهار فاش تلقاو فرصة فالنهار وفليل تبقا ديما مطلوقة هادا رايي والله يشافيك اختي

شكرا حبيتى

الله يفرج همك اختي ويدير لك تاويل الخير

احسن حاجة ديريها اختي هيا طلقي الرقية فالدار يوميا تليشارجيها من اليويتوب وبقاي طلقيها يوميا متخفلي حتى نهار من بعد شهر او شهراين غادي تلاحضي الفرق

واحد الحاجة مهمة تبقاي ترشي العطر فالمنزل ديالكوم يوميا

افتحى الشبابيك اطلقى الرقيه ولا سوره البقره
اشربى ماء مرقى
اقرى سوره واقعه للزرق
بخرى بالحنه
و يا رب يفرجها عليك

ديري واش قاتلك رحماك ربي
ولكن بخري بالحرمل والسذاب والملح الخشن قبل المغرب بنص ساعة
وجيبي اوراق سدر وغليه في الماء وزيديلوا الملح والخل واستحمي به
وان شاء الله ربي يفرج عليك

مشكورين الحبيبات بارك الله فيكم وعليكم

اختي اكيد هاد مشكل ولاكن الحل ديالو سهل باذن الله خاصك تقلبي على شي راقي مزيان وتجيبيه لداركم باش يقرا فيها القران وهو غادي يعرف اش كاين واش هادوك مالين لمكان سبب واسنو بغاو بالضبط الله يفرجها عليكم اختي