دخلو كلكم نناقشو أنواع الفوبيا في الحياة وكل وحدة تقول لينا لفوبيا ديالها

شخصيا انا تخاف من الأماكن المغلقة ايclaustrophobie
فحال لحمام مانقدرش نبقى فيه بزاف كنسخف ونقد التوازن ديالي ونحس براسي غادي تخنق وخصني لهوا الطوموبيل لا بد نحل الزاجل
Ascenseur وزيد وزيد
عندي فوبيا أخرى من الظلام لكن تجاوزتهاني وتغلبت عليها
فوبيا من الأماكن العالية كتطلع لي البرودة مع رجلي كندوخ وقلبي كيضرب
الكلمة لكم

انا غندي فوبيا ديال لقطوط و اماكن العالية الى كنت فسطح منقدرش نطل او نقرب حدا الحيط هههه

عندي فوبيا من الاماكن العاليا والبنايات العالية مانبغيهمش وتاني الاسونسير والظلمة نخاف منها

ماء الذهب كتب:انا غندي فوبيا ديال لقطوط و اماكن العالية الى كنت فسطح منقدرش نطل او نقرب حدا الحيط هههه

القطيطات رآه فنات i hate dogs

ام صالح كتب:عندي فوبيا من الاماكن  العاليا  والبنايات العالية مانبغيهمش   وتاني الاسونسير والظلمة نخاف منها  

فحالي اعمري

انا كنت عندى فوبيا من الحشرات وخاصة العنكبوت بو رجول وسراق الزيت ههههههه

كنت ملى نشوفهم يهرب ليا الدم ونخرج م الدار ههههههههه

دبا نخاف من الفقد والفراق والتأخير

الا تفارقت مع شخص عزيز يختل توازنى ويضرب قلبى عليا تنحس بروحى تنسحب وحتى الا كان فراق موقت

او تأخر شخص متلا عند عوده من العمل كنبقى ينشف ليا الدم

ووجهى يصفار ونبقى نردعد هههبيلة انا ؟؟؟؟؟

عندي فوبيا من الحشرات خصوصا السراق زيت والرتيلات ناري تنخاف لواحد الدرجة موحال وشي وحدة تصدقني ههههه ومكنحمش الصيف على ود هاد الحشرات
الا شفت شي سراق زيت تيتبورش لحمي وتيضق قلبي 100 دقة فتانية هههه وتيتخطف لوني ونولي فحالة هستيرية وجنون غير الله احفظ اوصافي ههههه
والله العظيم واحد نهار باليل دخلت الكوزينة باش ندير العشاء ونشوف معالي الوزير تيتسارى مع راحتو فالكوزينة هههههه صافي غير شفتو شادتني الحالة وننسد الكوزينة ودرت ليها الجفاف من التحت وتاصلت براجل قلتيه غير جيب العشاء راني عيانة مدرتوش
غير دخل المسيو وعاودت ليه وننسفطو نيشان الكوزينة قتليه الا مقتلتيهش متخرجش ههههه
كيف ديما عاودت ليكم  قصة حياتي