اضرار منتديات السحر والشعودة

موضوع مهم للنقاش واش مالاحظتوش بيلا منتديات الشعودة كتدخل بالنحس على روادها الا ماشفت وحدة طفراتو تماك هادشي بلا عوارض اللي كتهزهوم من تماك وبلا وصفات شيطانية مجرد قراءتها كتضر او حتى المرور بجانبها واش كنتو كتحسوا بالراحة؟ مشاكلكم تحلات؟
لكم الكلمة

حتى خرجت عاد ارتاحيت لي عودة معك حبيبتي

وكيما كتقول الغزالة ديالنا فاطنة الزعرا ربي كيحجب الدعاء بسبب ديكشي الدنوب على خاوي وحتى شي ربح ولو ان نيتنا كان هدفها المساعدة وكي قالوا ناس زمان مابني على باطل فهو باطل

أش غنقولك من تسجلت فمنتدى الشعودة ونا لور لور حياتي تبدلات للاسوا متنقولش هكا حيت مبقيتش فيه اقسم بالله من نهار لعرفتو حياتي بدات تبدل للاسوا مضاف لي والو بلعكس ضيعت وقتي وعامين من عمري بلا ربح وحاسة ربي كان غاضب عليا واش أعياد الله تصوم ونصلي ومسجلة فمنتدى سحر،ديما كنت نطلب الله ونقول ياربي تعفو عليا صراحة ولفت مع لبنات وتنبغي نساعدد سعا تنديرو أكبر ذنب حيت تنساهمو فنجاح منتدى سحر ولمشافش غيشوف ولعمرو عرف تشعويد غيعرفو
وباش كملتها هي المساعدة عليها دعاوي وصلوني بالمقلوب كخخخخخ  وخا مؤخرا مبقيتش نساعد بوصفات دشراوط والشمع وخا هكاك كاين وصفات السحر العلوي تهو تيتسمى سحر 
الحمدالله ربي دارلي سبب  وخرجت  
حاسة براسي خفافيت ورتاحيت وحياتي لحمدالله بدأت تبدل للاحسن 
الله يسمحلينا ويغفرلنا كانت نيتنا غير ندخلو باش نتونسو ونساعدو سعا ارتكبنا دنوب كبيرة
الله يغفرلينا

الله يجعل هاد المنتدى في ميزان حسناتكم نتمنى تقبلوني بيناتكم انا عضوة جديدة

samar21 كتب:الله يجعل هاد المنتدى في ميزان حسناتكم نتمنى تقبلوني بيناتكم انا عضوة جديدة

مرحبا بيك حبيبتي بيناتنا

التابعة الله يستتركتدخل بالغمة والهم والغيار بلا التابعة اللي واقفة على باب السيط اللهم عافنا

فعلا أختي جوسيلين لانو عامرين شر ومنكر زائد ماكنعرفوش معامن حنا واش أنس ولاجن لدرجة تيولي إدمان غير عادي بشكل كبير ناهيك على الإثم لي تناخدوه الله يسمح لينا رآه تنعرفو لغلط وتنزيدو فيه الله يغفر لينا

الله يسمح لينا وخا ستافدنا في شي أمور دينا دنوب الله يسمح لينا

ميمكتش شي حد يغير القدر
و الحب خصوصا راه من عند الله
فكنستغرب للاشخاص لكيبغيو شخص يحبهم بزز
و كيفاش كيرضاو لراسهم حب مصطنع من طرف شيطان
لي اكيد المقابل ديالو سواء نجح العمل او لا هو انه يسكنهم
منتديات السحر هدفها الشرك بالله و كلنا عارفين ان الله يغفر اي شئ الا ان يشرك به
و كنستغرب اكثر لسكيزوفرينيا ابمجتمع بحيث ان وحدة مثلا تطلب وصفة سحر و من كيعكيوها ليها تتقول الله يجعلها ليك فميزان الحسنات و هي تقصد ميزان السيئات و لي حطاتها فرحانة بدعوا لي واصلينها مقلوبين
مجرد التواجد تناك كيدير للنحس و الله كتولي بحال العبدة المملومة لمملكة ابشيطان بي كي همك ان هو بي بيديه كلشي و تبقاو ن تخربيقة لاخرى و الوقت كيدوز و الامور كتزيد تكفس و للهدف الاساسي هو ان نلس تبقى ضور تماك بلا ربح تتكتر نسبة المشاهدة وطلع الشان لواحد قاطع يدو من يد الرحمان و كيقولها بصريح العبارة انه عابد شيطان و لي تستبع شي حد يحشر معه يوم القيامة
غيقولو بي متابعينوش حنا تماك غير باش نجمعو و نضحكو غنقولكم عطا الله فين الواحد يجمع ماشي بضرورة تماك
ديرو منتديات جمعو فيها كيف ما درنا حنا و جمعو مع بعضكن حتى تشبعو و بلا دنوب و خير الخطائين التوابين
كلنا كتطلبو الله فاش تيتسدو البيبان فوجهنا و لمن تطلبو الله فالرخاء ماشي غير فالشدة
نهار يتيد شي باب لي طلب يطلب الله هو لب بيدو خزائن الخير و الرحمة ماشي شيطان هو لب غيحللك مشاكلك و يجيبلكحبيبك و يزوجك و يحيد المشاكل و يقهر الاعداء
من هاد المنبر كنتمنى الناس تستيقض من السباة العميق تتجه لله سبحانه و تبعد على الشرك و لي طلب يطلب الله و حده لا شريك له

زوين هاد الموضوع ...انا صراحة فاش ندخل كبدة راسي آخر فني كنتزير غير تنصير ونقول راه تنستفد انا حياتي بعض المشكلات مزال مهجوش نهار دخلت لمنتدى ديرت شي وصفات على اساس المحبة بيني وين بوركايي هههه ملئ درتهم تقلبوا عليا بالخيب دوزت أسوء أيام حياتي متحلوليا دوك المشاكل تراجعت الله مزيان و تقطعت شي 2 شهرين على نت و رجعت الطريق الله و الزيارات الأولية و طلب الله المغفرة من تما معودت ديرت الوصفة و وما مع جوادي حمدلاه .....لابد لنا من وقعوا فالخطء باش نرجعوا طريق ..والله ابعد علينا انس و جن السوء راه الله فوق كولشي الى بغا اصخر الجن و الانس باش اخدموا شي بشار راه مصعيب والوا ...

صراحة من ديما كان يعجبوني وصفات فاطنة و كنت نرتاح ليهم
اما وصفات شيطانية عمري زعمت عليهم + عمري رتحت ليهم

صراحة كلشي لقلتوه بصح وكنت سولت ولد دار واكد ها لي فعلا تنهزو غي بلا منه وخا انا هدفي غير نفوسخ راسي لا غير عمرني جربت شي وصفة ديال لسحر حنت تنخاف لككن فعلا داك المنتدى ادمان والله يسمح لنا حتى انا غير ماسخيت بصحباتي تماك لاغير

مرحبابيك هاد المنتدى بجوادو و كاع بنات لجواد هنا و كملات الفرحة بانضمامك لينا

ربيي اييكببر بيييك

حتا انا بغيت نشارك في الموضوع
بخصوصي انا تسجلت في بزاف المنتديات غير باش نستافد لانو عندي واحد الزهر واحد العكس اعود بالله منرالشيطان الرجيم جربت جميع التفوسيخات الوصفات والو ولاكن الحاجة الوحيدة لي انا فعلا كنديرها هي انو عمرني ما درت شي وصفة فيها دوك الاسماء الغير مفهومة ولا شي ولا شي مواد مكروهة كنت كندخل ناخد التفوسيخات والقبولات وايضا ولاكن كنت واخد النهار يئست وقلت غنجرب واحد الوصفة قبول بالكحل فيه اسم مكونة اوا منعاودش ليكم واحد النهار داز عندي كحل كحل تخاصمت مع شحال من واحد ومرضت في خاطري من تم قررت الا شيحاجة باينة ومافيهاش اسماء ممعروفاش عمرني نقرب ليها

انا كنت نعمل غير وصفات بسيطه
الله يغفر لينا و خلاص

انا نحكي علاه تطربتي المريرة مع مواقع السحر والله كنت نشعر بضيق وغصة في جوفي مانقدرش نتنفس كي لعباد خاطر تحس انك تغضب ربي هكاكة وتطرد من رحمتو في خاطر ولاشي ماتقدرش تنجم تحكي في عبادات وصلاة وانتي يومك كلو في منتدى شرك تقهر في روحك وتشوف برشا اسماء شياطين اعود بربي الله يستر على العباد
اني شريت راحتي ومن غدوة معاكوم خاطر ملا مدة هجرت منتديات السحر من سنين الله يوفقكم احبابي

[hide] [hide] انا كنت متابعة قديمة تماك و لايني متنجرب لا وصفات لا والو غ مقابلا مع جوادي نعرف شنو ندير واخا الله يسمح عليا حرام، شفت بالصدفة واحد الموضوع دواحد البنت الله يدكرها بالخير كاتبا فيه عنوان هاد المنتدى و رديت عليها و تسجلت نيشان
نتمنى نكون خفيفة عليكم، كاينين شي عضوات عزاز عليا غير من مواضيعهم و كيف كيعاونو و بقلب سليم الله يجازيهم بالخير. شكرا ليكم وحدة وحدة،، شحال من عضوة تنعرفها بالاسم المستعار و هي يمكن متعرفنيش المهم مرورا طيبا عليكم /hide/]:oops]:

انا واخا كنت كندخل ليه مكنتش نيتي السحر لي عجبني غير حورات الاعضاء وعندبش مع الوصفات و معمري جربت شي وحدة لان السحر ذنب عظيم عند ربي ومتيغفروش وحنا تنطلب مغفرة الله ماشي الغضب ديالو وفرحت بهاذ المنتدى نتوانسو مع الحباب بلا منحسو بندم

سلام الحبيبات انا عضو جديدة شفت اسم منتداكم صدفة في الحوارات ودخلت عندكم كلامكم كل صح انا فعلا كنت اقرا بعض مشاكل العضوات ووتجاربهم مع السحر ولم يجدي لهم نفع كنت احيانا اتفاعل واجد نفسي منفعلة ومقلقة ومضيومة وكتحسي بالياس والفشل وخرجت بنتيجة كل ما كتبعدي على الله و كتبغي بكثر ما كتحسي وبالقهرة وانك باغة ترجعي لي ضاع لك او عندك معاه خصومة كثر ما الوضع كزيد يتازم ربي يسمح لنا او صافي شكرا يا الحبيبة على هدا الموضوع اختكم العضوة الجديدة ارجو ان اكون مرحبة عندكم