البنات لخير مساعدة ظرووووري الله يحن عليكم عافكم

السلام وعليكم انا عاد ليوم تقيدت هنايا ولكين انا صديقة قديما معاكم في المنتدى الاخر كانعرفكم كلكم وياما ساعدتوني في المنتدى الاخر الله يكتر خيركم عاد وصلني العنوان ديال المنتدى الجديد ديالكم انا هربت هنايا حيت حتا انا مابقاش كايعجبني داك لمنتدى الفاشل ماتليه الحوت وجيت لهنا لانني متأكدا انني غادي نستفد منكم خصوصا انكم ماكاتبخلو على حتى واحد بالمساعدة ديالكم ولله ياخد الحق فلي شتت شمل فهاداك المنتدى المريض المهم انا طالباكم تساعدوني انا مزاوكا فيكم راني غير محسوبا عليا سميت عايشا فهاد لحيات كانتنفس بلا روح انا فيا المس العاشق لي هو ميمون وداخلني بسحر تخطيتو انا صغيرا ودابا من صغري وانا كانعاني كاع لبيبان مسدودين لعكس لا خدما لا زواج دابا هادشي ماشي مشكل عندي المشكل هو مرضني في صحيت شادا لفراش حيت عامرا بالجواد فيا مخلطين لكن لي قاهرني هما الكوحل ميمون عيشى انا ما خلييييت ما درت فوسخت زرت درت الرقية وآالووو دابا هما واقفيلا على الدبيح باش ارخفو عليا ويسرحولي طريق ققلكن انا مانغيتش ندبح حيت غادي نوحل مزيآآن وعاد ما نجعرهم نيلسقوني اكتر دانا بغيتكم ترشدوني اشنو ندير واش كاتعرفو شي رآآقيي متمكن ويقدر يحيدوليا في النواحي ديال الرباط او سلا انا مزاوكا فيكم عاونوني شنو نديير راني عييييييت اقسم بالله جريت وجاريت وبلا ناتيجا غير ماكانزيد نكفسها على راسي وسمحوليا البنات صدعتكم بهمي انا فعاركم ساعدوني ولي كايفهم فهادشي يقولي شنو ندير انا مزاوكا فيكم الرجاء في الله عييييت وسمحوليا الله يسهل عليكم كاملين وشكرا

أختي أنا وله مخبت أليك شي نصيحة أنا ولو ف هاد ميدان نتمنى لبنات يدخل يفيدوك ما بيدي ه ندعي معك الله يشوف من حالك ويفرجها عليك يا سيدي ربي متقنطش من رحمة الله

انا اختي والله ما عارفة شي حاجة ولاكن نتمنى ربي يشافيك ويعافيك واستمري على موقفك وما تحاوليش تدخلي في متاهة الذبيحة وداك الشي ومتفرطيش في الصلاة

فوضي امرك لله اختي
و لطلب يطلب الله و لفكاك بيد الله
مغينفعك لميمون لعيشة
ربي وحده قادر عليهم
نصحك بالرقية و الصلاة

عليكم ااسلام حبيبتي
مرحبا بيك معانا
قلتي جربتي كلشيى ووالو 
جربتي سورة البقرة
هدي لقريتيها الجن تيولي ضعيق نتي تيبالي سيطرو عليك
جربتي قيام الليل
جربتي لاستغفار
من تنقول جربتي ماشي نهار ولاىيومبن حيت كل واحد وفقاش ربي ادلو بالشفاء
لغنقولك بلي الشفاء بيد الله ولبغا ربي يشافيك راه فرمشة عين
انا تنعاني من هدشي كلو لقلتي وكتار هكاك متنستسلمش
باينة من طريقة بلكتابة بللي باستي
ومخصكش تياسي حيت عاد مغيزيد الجن يتقوى عليك
انا لتيشوفني تيقولي مفيك والو
عايشة حياتي تنضحك وخا مفيا ميضحك،تناكل وخا مفيا لياكل 
متلفا تيحن الله
صلي قراي لقران وستغفري ودري لعليك والكمال على الله
وباك دبحي ولا تعمري راسك لهدشي
تقواي بالله
انشاءلله لبنات يفيدوك ويعطيوك عنوان ديال شراقي متمكن

الله يشافيك اختي وانا رايي من راي ملكة الرومانسية غادي تقهريهم غير بالقران والرقية والاستغفار والصلاة
ودهني بزيت مرقي وتبخري

ربي خليكم البنات هادشي لي قلتو راني كانديرو ولكن راني كانضعاف وخا هكاك كانضعاف الجهد ما لقاش عندي كانصلي وندير قيام الليل الرقية في الجار وفي الزنقى وفلوسي وكلشي مشالي ولكن امري ل الله حسبي الله ونعم الوكيل في كل النس وجن ضالم

انا راها حطيت ورد في لمنتدى يشفيك من اي بلاء وا غير فتشي وايلا ماقدرتي تقريه نتي يقراه عليك شي حد مقرب اختك مثلا مدة سبع ايام فنفس الوقت

السلام اختي حثى انا فيا المس و كنعاني و لكن الحياة كتستمر صح انا ماشي شي ملوك ولا شيحاجة انا فيا خادم السحر الرقاة اللي قالوها و لكن كنصحك اختي تبعي سورة البقرة و الاستغفار و الراقي نصحني بالصلاة على الرسول الكريم 300 مرة كلشي داكشي المكتاب ديال الله و كنتمنى ليك الشفاء و لينا و لكاع البنات

شكرا البنات على التجاوب ديالكم الله يسهل عليكم اختي اسكرلادا فين اينا قسم حاطا هاد الفائدة وسنو العنوان ديالو حيت انا يالاه تسجلت وباقي ما عارفاش بزاف الله يسهل عليك اختي

لا لا لا اختي مامتفقاش معاك صلي وانت كالسة ماقديتيش تصلي وانت كالسة صلي غي برموش عينيك ماقديتيش تتوضاي تيمي المهم تصلي وتكون عندك زعيم حتى واحد ماغايفكك من الله سبحانه وتعالى وقراءنو الكريزائد الاستغفار يكون بايمان وتضرع وتقرب لله سبحانه كوني قلبا وقالبا مع الله هزي يديك للسما وبكي وشكي وغوتي وعيطي لله الواحد الاحد وطلبي منو لفكاك ويرحمك من عذاب لي تتعيشيه وراه ماشي بعيد داكشي لي كتقوليه أوهام كتخيليها فراسك وعاشت وكبرات معاك حتى ولات وسواس الى قراءة القران ماتتريحكش هادشي من المستحيلات جربي ختمي القران كل عشر ايام يعني تلاتة دالمرات فالشهرتصومي نصومي اتنين وخميس جربي تصلي الفجر فوقتو وانا اكيد غاتلاحظي الفرق حتى واحد ما قوى من الله استغفري فأنااء الليل الف مرة راه ديننا كولو علاج ودوا

وعندي سؤال شكون قالك فيك ميمون واهلك بسحر ومن صغر سنك ؟

علاج المس العاشق مجربة و نافعة ماءة بالماءة لدرجة ان المس يصبح يريدك بالقوة و لايستطيع ... و بعدها يصبح يهرب منكي .... زيت زيتون مرقي اضيفي له الفيجل و المسك الابيض .. ادهني جسمك كله بقطرات قليلة كل يوم قبل النوم لمدة 7 او 21 يوم حسب الحالة وخاصة العانة و ادخلي قطرات من الزيت الى السرة مع الصلاة في وقتها و قراءة البقرة كل يوم هذا برنامج مجرب .... ثم اخبريني ماذا ترينا في احلامك و انا تحت امرك في تفسيرها ... ربي يشفيك

الله يشافيك علاجك بسورة البقرة لا ما قديتيش تقرايها تصنتي لها يوميا و بخري بالفيجل و ديري يقينك فالله الذي لا شفاء الا شفائه

اللهم انك عفو تحب العفو فاعف عنها

المقهورة زازا ختي كب قالولاك البنات حافظي على صلاتك فجر بالخصوص نوضي فالفجر و طلبي الله و ربي يستحي ان يرد يد عبد صفر و صومي ايام فسبيل الله صلي و بكي على ربي يكدب علبك الكداب لي يقولك كاين شي حد غايخرجك من هاد الحالة من غير الله عز و جل قوي رباط التواصل بينك و بين الله و غاتلقاي الراحة
الجن سواء عاشق او خادم سحر بمجرد يقرأ القرآن يضعف

الله يشافيك احبيبة ويشوف من حالك ويفك كربتك ياارب ما عنديش علم فهدشي نتمنى البنات يكونو فدوك

اختي اتا حاطا مو ضوع في قسم الرقية بعنوان رقية اعجبتني هاد الطريقة عطاتها ليا راقية تشافاو عليها الناس ودخلي للموضوع للتاني عنوانو معلومة الفليل يعرفها
راه الرقية كتبغي الحسم راه شحال من واحدكيقول كيدير الرقية ولكن الطريقة ماشي صحيحة وراه كنت كندخل لمواضيعك لهيه والدبيح وداكشي راه يتحكمو فيك اكثر والله لا رحموك صدقيني اختي فاتت 50 سنة راهم دبما مرضينها حيث كتدبح ليهم بغيتي تسمعي المفيد والصراحة دخلي للمواضيع طرق صخيحة وتبعي راه من غير القران كلشي كدوب عن تجربة راه راسي تهرس من هادشي

عفوك ربي كتب:اختي اتا حاطا مو ضوع في قسم الرقية بعنوان رقية اعجبتني هاد الطريقة عطاتها ليا راقية تشافاو عليها الناس ودخلي للموضوع للتاني عنوانو معلومة الفليل يعرفها
راه الرقية كتبغي الحسم راه شحال من واحدكيقول كيدير الرقية ولكن الطريقة ماشي صحيحة وراه كنت كندخل لمواضيعك لهيه والدبيح وداكشي راه يتحكمو فيك اكثر والله لا رحموك صدقيني اختي فاتت 50 سنة راهم دبما مرضينها حيث كتدبح ليهم بغيتي تسمعي المفيد والصراحة دخلي للمواضيع طرق صخيحة وتبعي راه من غير القران كلشي كدوب عن تجربة راه راسي تهرس من هادشي

شكراً عفوك ربي هانا انحط ليها الرابط الله يجازيك بالخير
https://almontassirat.yoo7.com/t911-topic?highlight=%D8%B1%D9%82%D9%8A%D8%A9

امين اختي الله يجعلها في ميزان حسناتك

عفوك ربي كتب:امين اختي الله يجعلها في ميزان حسناتك

آمين احبيبة ولك بالمثل

الله يعفو عليك اختي

شكرا البنات الله يسهل عليكم ابنات الخير انا كانجاهد وكنعمل بهادشي لكن غير كانضعاف حيت الانسان لي كاتكون مجموعا عليه من جميع الجوانب كايكون حساس بزاف والله يعجل بالفرج ياااااربي انا دابا راه غير تالفا حيت كاع الطرق جربتهم واخا راتي ديما شادا في طريق الله الى الدبيح اللي ما قدرتش نديرو حيت غادي نعصى الله والدبح لغير الله منقدرش لكن انا بغيت غي العفو واخا كايقولولي راكي تقدري دبحي دبيحا ديال الصدقة والعفو لكن انا مكانفهمش هادسي ومابغيتش ندخل في الشركيات انا البنات غير قلبي عامر وماكلقى لمن نهدر وكانعتابركوم كلكم خوتي واخا عمرني شفتكم ولكن هاد العالم الافتراضي قربنا من بعضنا الله يجازيكم كل خير ويفرح كل وحدى في ما نواتها ويرزقكم الخير فين ما كان وشكرا احباباتي

ربي يشفيك حبيبتي خلي ايمانك قاوي وتفاءلي بالخير داومي على الرقية الى ماخرجوش  ينحرقو لكن قري كل يوم ورد وما مرقي دايما طلي بالمسك ورسي الدار بالماء ةالسدر علابالي تكوني عملتي كلش لكن داومي كل يوم رانا كاع كيف كيف ربي الي عالم  ورانا هنا نسمعو لبعضانا وندعو لبعضانا ماغادي نخسرو والو ماتحشميش رواحي نشتكو لبعضانا كل يوم وننشجعو بعضانا