واحد المغربي

من طرف **الفردوس** الأربعاء مارس 30, 2016 5:40 pm

واحد النهار ‫#‏شاكيرا‬ مسافرة فالطيارة و من بين الركاب واحد المغربي.
طاحت الطيارة و مات كلشي إلا شاكيرا و المغربي.
وصلو لواحد الجزيرة مهجورة بقاو عايشين تمّا مدة، مع الوقت شاكيرا تزعطت فالمغربي نسّاها فبيكيه و عشقات الحياة معاه.
بناو واحد الكوخ و كيصدو الحوت ويشعلو العافية بالليل صباح عشية و مساء لموهيم لحياة زاز لوز..
واحد الصباح فاقت شاكيرا ملقاتش خونا حداها خرجات كتبقش عليه لقاتو كايقطع الشجر و كيڭاد واحد باطو .
قالت لو شكدير قاليها كنڭاد فلوكا خاصني نمشي للمغريب.
تعجّبات قالت ليه مبقيتش عاجباك ياااك؟قالها باقا عاجباني وماكينش لي يخليني نكرهك .
قالت ليه واش عملت ليك شي حاجة خايبة؟قالها
لا...أبدا..قالت ليه أنا سمحت فالشهرة و الفلوس و اللباس و المسارية باش نجلس معاك و نتا بغيتي تسمح فيا و أنا بغيتك.. على الأقل قولي علاش؟
قالها خصني نمشي و صافي
بدات كاتبكي و قالت لو ضروري تقولي علاش أولا غانتاحر..ڭاليها
خاصني نمشي نعاود للدراري دالحومة ..فمي كاياكلني و مابقاش يجيني النعاس مابقيتش صابر خصني نعاود هادشي لشي واحد ...
والله يخليها قاعده