البنات اللي كيعانيو من المس مساعدة

السلام البنات نتمنى نكون خفيفة الظل عليكم انا البارح مشيت عند مول الرقية حينت مشيت عند 11 واحد و قلت منبقاش نمشي للرقية حينت مليت و البارح جات عندي بنت خو راجلي فيها النزيف او التجرية ياله 3 اشهر باش تزوجات و قصداتني و ديتها عند واحد مول الرقية و قلت حثى انا ندير الرقية المهم الراقي قرا علينا ملي جا كيهدر معايا كنضحك و انا متبعة سورة البقرة و الاستغفار و ديما كنخدم سورة البقرة من 10 ديال الصباح حثى العشية و ملي بدا كيقرا رجلي كتنمل ليا بززاف و بين كتافي و ايديا و الراس و الراقي قاليا داومي سورة المؤمنون و الصلاة على النبي و قلت نسول اللي كان فيها خادو السحر كيفاش تشفات منو

يا اختي انا عملت لادون لوحد الاخت عطاتني في منتدى تاني ما نعرفش كيفاش نعطيلك لانها حلفتني ما نحطوش في منتديات
اعطيني طريقة نبعثلك هاذ الطريقة راه هي لي فكت عليا السحر وربي يشهد كنت نحس مثلك و كان راسي من الوجع نتغامى و بعد ما عملتو والله العظيم راح مني كل الوجع و حتى الصباح منين نفيق ناشطة و كنت قبل نفيق كاسولة ما نتحرك الا تفوت 12 ديال الظهر

نعم اختي حثى انا نفس المشكل الكسل و ديما مريضة و الراس قتلني و بززاف ملي كنفيق فالصباح

ممنوع اختي حينت واقيلا ممنوع اداة للتواصل هنا

اختي المس والخدام مكيخيحوش الا بالقران فقط انا ياما تفوسخت وكنكون بخير ولكن كيخي وقت كنترون علاش حيث الخادم مكيحيحش باللدون والتفوسيخة راه انا كنقرا وملتزمة الله يدومها نعمة ولكن نهار الي شفت الراقي بحالا كنت كنكدب بان ديك الساعة الخادم ولد الحرام

انا تختي ملي شفتو بديت كنضحك

وزعما كنقرا القران باش يخرج و كل مرة رجلي كتنمل ليا عييت و الله و كيدير ليا مشاكل فحياتي

اختي غير كملي فقراءتك اكيد غيمل ويعطيك التيساع الله يفر عليك

فكرتيني فراسي اناىبحالك تنقرا لبقرة ولقران نهار كامل وهو مطلوق يله لقيتيني طفيتو 
ووالو
انا تنضن عندكم تدار فيها السحر
من شروط العلاج خص المكان لغتعالحي فيه يكون مفيه والو
والعلاج لعطاك الراقي زوين خيت الصلاة على الرسول صلى الله غليه وسلم تتقضي على خادم السحر ونتحداك لتبعتيها
غتقراي نهار يومين وغيعجزك
انا حفضتو نعلة الله عليه
ولتيكون فيه السحر قوي متيقدرش يختم لقران
البقرة حبسيها قرايها مرة ف 3ايام وتبقاي تقراي 5لا _6الاحزاب فنهار 
باش تختمي ع الاقل شهريا
انا من درت هاد الطريقة جاتني العادة 2مرات فالشهر حيت متيحملش خادم السحر  تختمي لقران ولاستغفار والصلاة ع الرسول صلى الله عليه وسلام
دري هاد الغلاج متستسلميش حيت غتعلني الحرب عليه وهو غيحاول باي طريقة يعجزك
وعاوني بدهين

اختي انا حاطة موضوع في قسم الرقية دخلي ليه باش تستافدي راه الرقية ليها ضوابط ولازم تسمعي ايات العداب والحرق

شكرا البنات الله يحفظكم ختي ملكة الرومانسية علاش نحبس سورة البقرة حينت الراقي قاليا وقفيها و مبغيتش انا متبعاها قاليا اكتفي بسورة المؤمنون قلت ليه لا

انا فلتلك حبسيها متقرايهاش يوميا
مرة ف #3ايام
قراي البقرة ويومبن قراي كل يوم 5ولا 6,احزاب
هكا غتختمي وفنفس الوقت تتقراي البقرة
البقرة بوحدها مكفيش من تيكون السسحر مجهد
الناس تعالجو غير بلاستغفار والصلاة ع الرسول صلى الله عليه وسلام
لبغتي تعالجي خص البقرة وتختمي وتسمعي الرقية
ودهني من تبغي تنعسي
وانا لاحضت ختم القران والاستغفار والصلاة ع الرسول
عليه افضل الصاة والسلام
اقوى علاج
بغيت نسلوك شحال تختمي من مرة القران ؟

الفيجل و الحنتيتة حرة ديما بخري بيهم
البقرة و الصافات و ياسين
اكتري الاستغفار
دهني بزيت لعود مرقي و شربي ماء مرقي

و ديري يقينك فالله انكي اتبراي و متشكيت فقدرتوا على شفاءك مهما كانت قوة خادم السحر
و اخيرا بقاي دعي عليه فصلاتك و قكل وقت
هادشي اللي نصحك بيه

السلام

شكرا البنات انا الصراحة كنقرا غير سورة البقرة يوميا و المصحف كنختمو 2 مرات فالعام كاملو و لكن كل نهار كنزيد سورة مع سورة البقرة و الاستغفار و دبا بديت بالصلاة على الرسول الكريم 300 مرة و بالنسبة للماء المقري عليه مكنشربوش و حثى الزيت عندي و لكن مكنستعملوش كلشي عظامي كيوجعوني و خصوصا الراس عطيني قتلة و الله يجيب لينا الشفاء كاملين